اللي سوت تكميم شنو تشربين بعد ماطلعتي من المستشفي ساعدوني

مرحبا ياحبايب بفظل الله سويت التكميم عند خالد الشرف
واللهم لك الحمد حمدا كثيرا
طلعت من الطبيب وانشالله ان كل شي زين
بس عوار الفتحه اللي طلعوا منها المعده اهي اكثر شي تاعبني ومضايقني

وطبعاا عوار كتوفي همن مضيق علي بس الحمدلله اللي قومني بالسلامه
وابيكم تقولون لي شنو شربتوا اول سبوع
غير العصير والشوربه
والا مايصير اشرب شي ثاني
ابي اللي شربت شي باول سبوع ومااثر علي معدتها
وموفقات خواتي الغاليات

ياليت احد يفيدني
up

شربي شوربه شفافه وعصاير ماعدا ألمانجا والجوافه ولبن وحليب وروب خالي الدسم بس هذووول

الحمدالله عالسلامه حبيبتي ،،بالنسبه لاول اسبوعين فقط حليب وعصير التوت والتفاح والرمان والكرز والتوت انا بالنسبه للمانجا وللجوافه لانحاولي تقربي عليهم لانهم وايد ثقال واهم شي اول شهر البروتين لازم الدكتور يكتبه لج عشان تحسين بالشبع،،
بالنسبه لوجع الكتف هذي غازات حاولي امشي واتحركي

الحمدالله على سلامتج حبيبتى عليج بعصير التفاح سويه افرش فى البيت احسن وعليج بشوربة ماي الدياي لذيذه بتعطيج طاقه

عوار الكتف من الغازات شربي اعشاب كمون ويانسون وبابونج بس بسكر قليل ويكون مفلتر وصافي
باذن الله راح ترتاحين
الماي حطي فيه شرايح فواكه ونوعي فيهم
الشوربات اشكال وانواع يعني ماراح تملين
العصاير والسوائل بشكل عام مثل اللي بقوله لج:
اول اسبوع كثافه الماي مثل التفاح العنب او اي عصير بنفس القوام وممكن شوربه الشعريه الجاهزه بس تنشخل عدل
الاسبوع الثانيه كثافه الحليب
الثالث كثافه اللبن
الرابع اكل لين مثلا بسكوت بحليب او كورن فليكس ذايب حده
الخامس المهروس
السادس تبدين تتذوقين الاكل العادي عشان تعرفين شنو يناسبج وبالراحه على معدتج لان بتكون حساسه

وفالاخير حمدلله على سلامتج وفالج الرشاقة

ألف الحمدالله ع سلامتج وفالج الرشاقة ياااااااااااااارب صج صج بتحسين بتغيير بكل شي بحياتج وبتحبين نفسج حيييييييل

شربي سوائل شفافه و اكلي جلي و شوربة دجاج وألتزمي بالفيتامينات عشان شعرج واظافرج و شحوب الوجة

حمدلله عل سلامه انواع العصاير بس بعدي عن النكتار
والمنقا و الكوكتيل
وتقدرين تشربين شوربات صافيه