ابي اعرف ليش اسعار دكتور منذر العجمي رخيصه

مثل ما قريتو بالعنوان

اتصلت بعيادة الدكتور منذر العجمي

وسالت عن احماض الفواكه والي اهي على ما اعتقد الهالورينيك اسد بكم السانتي

ردت على سكرتيرته ان السنتي الواحد ب 40 دينار

وسالت عن الفيتاميات هم قالت نفس السعر

انزيت سؤال يتردد بذهني لاني اتصلت على اغلب دكاترة جلدية والتجميل قالو السانتي عندهم يتراوح بين 70 – 100 دينار

ولما كلمت بعضهم قالي ان الي 40 دينار يقعد ان كثر شهر واحد بس

منو فيكم جربت ابر حمض الهالورينيك اسيد عند الدكتور او النفخ وتم وياها

ابي الصج لاني بروح اسوي عنده

وصديقاتي بالدوام حذروني منه قالولي سوينا عنده وشغله ما تم وياهم اكثر اسبوعين او شهر

الي جربت وظل معاها على الاقل 4 شهور زين

لان مو صج نروح كل شهر نطق ابر ونخسر فلوسنا ويمكن صحتنا لان سعر المادة وايد رخيص عنده

ونا سويت سيرج بمواقع اجنبيه تجميلية اكثرهم السنتي بين 200- 400 دولار

ارجوكم رجاء خاص ابي الصدق بنقل المعلومة لان صحتنا اهم من الفلوس

ومشكورين وكثر الله خيرها الي تفيدني بنصيحة اخوية لاني حدي خايفه

ما عندي فكرةة ,, بس ما حبيت اطلع من الموضوووع بدون رد ,, على الاقل ارفع الموضووع ,,,

تبين نصيحتي .. بلا طق ابر بلا غيره .. انتي اكلي مكسرات بدون ملح أو توابل واهي تطلع لج احلى خدود وتصفي بشرتج بعد .. ديري بالج آخرة الأبر تشوهات .. مثل ماتشوفين الفنانين متبهذلين اشلون

حبيبتي انا ماعرف الدكتور ولا عمري شفته
بس لاتروحين على الرخص .. ولاتقولين ذي رخيص

شوفي واسالي عن المواد لان في مواد من الصين.,,, كجره,, ويمكن تخرب لج ويهج… مثل براطم الفنانه احلام حسن ,,,معترفه في احدى المقابلات على انها طاقينها ابره في شفايفها ماده طول العمر وطلعت الماده جييييب ,,, واضطرت تسوي عمليه حق شفايفها عشان يطلعون الماده,,,

في دكاتره مايخافون الله

انا ماقصد الدكتور منذر.. انا اتكلم بشكل عااااام

الدكتور لا اعرفه ولا شايفه شغله

اهو وين عيادته ؟؟

واللـــــــــــــه بـــــــراايي اذا هـــو مومعـــــــــــروف لاتســـــوين عـــنده

ســــــــوي عــند واحــد معـــــروووف لو كااان غــالي اهــم ماعـــلييييج صحتــــــــج

اختي شنو هذي احماض الفاوكة شنو تسووي ؟؟؟ اهي مثل التقشير والسوالف هذي ؟؟

ياريت تفيدني عنها اكثر ..

وبالنسبة للسعر مو شرط ترى .. بالعكس يمكن اهو احسن دكتور وموو مادي مثل الدكاترة الي نشوفهم قطيعة ما يهمهم الا النهب بخلق الله ..

عندج هذي لوسي الي تشتغل عند بو حمراا .. رفيجتي وايد تمدحهااا مسوية عندهاا جلساات تقشير بالكريستاال .. تقولي السعر 35 ديناار يعني منااسب .. لوو تلفين بالعياادات الكويت كلهاا تلقين غااااااااليـــة ..

احماض الفواكه معروفه ماتطول وايد لان الجسم يمتص جزء منها

الدكتور منذر يستخدم أردي انواع الابر ,, انا سويت عندة احماض فواكة ما قعد حتي يومين وسعر السانتي 30 دينار وايد رخيص ان دل علي شي يدل علي ردائة المادة

انا انغشيت فية بسبت بعض الدعايات وندمت بالأخر , يمكن الدكتور شاطر بعملية تجميل الخشم بس المواد الي عندة موشي وسألت دكاترة واجد

عنة قالولي انة منذر يستعمل مواد قيمتها اقل من 10 دنانير ويسويها لنا علي 30 الي 60 دينار هاذا موغش !!!!!!!!

اكيد في بنات الحين راح يردون ويقولون اهو مو مادي وباقي الداترة ماديين !!

وعلي فكرة سوالي خد صغير وخد كبير ورحت عند الدكتور ماجد تقي وعدل بخدي وعلمتة بأسم المادة الي حطيتها عند منذر اسمها (كونتور هالورنيك اسد)
قالي اهي نفسها الي تستخدمها الفلبينيات الي يتفخون بالبيوت والصالونات موادة تجارية وايد .

اقتباس:

المشاركة الأصلية كتبت بواسطة رشيديه كووول الدكتور منذر يستخدم أردي انواع الابر ,, انا سويت عندة احماض فواكة ما قعد حتي يومين وسعر السانتي 30 دينار وايد رخيص ان دل علي شي يدل علي ردائة المادة انا انغشيت فية بسبت بعض الدعايات وندمت بالأخر , يمكن الدكتور شاطر بعملية تجميل الخشم بس المواد الي عندة موشي وسألت دكاترة واجد عنة قالولي انة منذر يستعمل مواد قيمتها اقل من 10 دنانير ويسويها لنا علي 30 الي 60 دينار هاذا موغش !!!!!!!! اكيد في بنات الحين راح يردون ويقولون اهو مو مادي وباقي الداترة ماديين !! وعلي فكرة سوالي خد صغير وخد كبير ورحت عند الدكتور ماجد تقي وعدل بخدي وعلمتة بأسم المادة الي حطيتها عند منذر اسمها (كونتور هالورنيك اسد) قالي اهي نفسها الي تستخدمها الفلبينيات الي يتفخون بالبيوت والصالونات موادة تجارية وايد .

مشكورة رشيدية كول

انتي الوحيده الي كلامها طابق حجي الي معاي بالدوام

قايلهم ان المواد تقعد مدة 6 شهور وبالاخير يقولون ما كملنا شهر واحد

اذااهي جذي لايقول تطول وياكم طالما انك مو قد حجوتك لا تتفلسف وايد

ابيه المادة الي يستخدمها نفس الي عند الفلبينيات والصينيات شغل الصالونات

عيل شنو الفرق بين دكتور التجميل والصالونات

لا يبة لا يحوشك اشوة اني سالت وتاكدت

انزين منو تنصحوني غير منذر

لان صجح انا خلاص ما راح اروحله اصلا سعر السانتي ب 30 والسكرتيرة تقول 40

وغير لا يمكن تكون المواد الي عند اطباء الجلدية نفس الماده

منو غير منذر موجود بالساحة

وشنو استخدم وتظل معاي النتيجة اطول

انا بالنت سامعه عن دكتور اسمه جمال الحربي يمدحونه البنات وايد وين عيادته

وهم السانتي عنده ب 100 دينار

مشكورة يلي تفيدني

خو منذر خلاص طلع الحجي عنه دعايه اكثر من واقع

اقتباس:

المشاركة الأصلية كتبت بواسطة ريمه الكويت احماض الفواكه معروفه ماتطول وايد لان الجسم يمتص جزء منها

اختي اذا انتي خبرة بهالسوالف قوليلي وين اروح ابي دكتور ثقة

وشنو اقولة يعني بمادة تتم معاي وما تضر

وصحيح هالمواد مضرة عفيه فيديني

منو الي معروف واحسن منه ومجرب ومواده تظل بالوجه ما يمتصها الجسم

فيديني يا اختي الواحد احتار

اكو دكاترة يوصلونهم السما وبالاخير يطلع شغلهم اقل من العادي

والله من رداة شغله
ماسمعت وحده مدحته
اعتبره دكتور بمعدل مقبول
الله لايحدني عليه
ولا على غيره

اقتباس:

المشاركة الأصلية كتبت بواسطة جان دارك والله من رداة شغله ماسمعت وحده مدحته اعتبره دكتور بمعدل مقبول الله لايحدني عليه ولا على غيره

ونا مثلج بعد في ناس تقول يعرف يغز الابرة عدل ويعرف وين يملي بس المواد الي يستخدمها حدها رخيصه وحده ما يتعب نفسه يستورد مواد خاصه فيه لعيادته يعتمد على شغل تجار الشنطه انزين ييب شي غلي سعره فيه عشان الناس تجيك ثاني

الله لا يحدج عليهم ياختي بس شنسوي لاني ضعفانه وما يسوي ارجع الكيلوات عشان خدودي اختفت

حبيبتي ديري بالج هالدكتور سمعته بالشغل موشي يعني حسافه الدكتور جمال سلمه مرضاه انا كنت اراجع عند جمال الحربي وكان هو الي ينفخ لي خدودي وبعدين جمال سكر العياده وسمعنا ان ملفاتنا صارت عنده لان يثق فيه واجد وقلت اكيد ما سلم تعبه لاي احد اكيد دكتور شطور

لكن للاسف شغله للنفخ ما تشعرين بالالم لكن النتيجة بس اهو الي يستفيد منها ويحط فلوسج بجيبه يعني عامل حسابه مادة رخيصه ممكن الناس تطوف سعرها بس لو السانتي ب 100 وازود جان تصير له مشاكل ورا نصبه ومواده مادري يحقنج بماي واقولج وخري عنه طريقته بالتعامل كلش مو شي وما يحترم مرضاه

عشان جذي بطلت اروح حقه بالعيادة السكرتيرة تعطيج موعد تروحين عالموعد تقولج الدكتور اليوم ما جه او مسافر ااو طلع نزين تلفوناتنا عندكم اتصلو علمونا يعني انا اجي من الفحيحيل واطلع مبجر على موعدي اوصل الاخو مو موجود ويجيون جم وحده معاي يتحلطمون مثلي
الدكتور الي يحترم شغله يحترمك مرضاه ويقدر جيتهم له مو ما يكلف حتى سكرتيرته تعتذر عشان مسافر

وايد اشياء انا شفته عنده بالعياده ما عجبتني والله من زينه ولامن زين شغله

والحين انا عند دكتورة هلين الانصاري ومرات اروح حق *** غنام اثنينهم زينين

ونصيحة وخري عن هالدكتور لانه فاشل