|
|
قووووه شلونكم ؟!؟
بنات انا في داخلي امنيه اتعب قد ما اقولكم كبيره و بالنسبه لي و لوضعي و اللي يعرفني و يعرف بألامنيه اللي بخاطري اتحقق بيقول مستحيل تسوينها او انج توصلين لها
بنات ما تدرون شكبر الرغبه بداخلي ودي حلمي يتحقق اليوم قبل بكرا ودي اسمع خبر تحقيقه بأسرع وقت و الله بنات كل ما اطلع و لا اروح مكان او و انا قاعد و احد يدخل او يتصل علي اقول الحين ببشرني و كل ما شفت شي ممكن انه يوصلتي لحلمي اتعلق فيه و سويت كل شي ادعي ربي سبحانه و لحد الحين مستمره و لله الحمد و الاغاني احاول اقطعها يعني نادر ما اسمعها و كل ما سمعت دعاء صرت ادعي فيه ربي
مرات اقول ممكن هالحلم يتحقق و مو صعبه على ربي سبحانه و مرات اقتنع و اقول يمكن ربي مو كاتب لي انه امنتي اتحقق و كل ما اقول هالكلام اقعد ابجي و ارد ادعي و اقول لا ربي مستحيل يرد دعوتي لانه وعودني انه اذا ارضيته و احسنت الظن فيه اكيد بيستجيب لي
و ما خليت موضوع بالقسم عن حسن الظن و الثقه بقدرة الله و قدرته على استجابة دعوتي ما قريته
بنات صدقوني حتى لو علمتكم بهالحلم ما راح تفهموني مهما وضحته حتى محد يدري عن اللي بنفسي غير ناس قليلين و هم مو فاهمين انا شنو ابي بالضبط و الحمدلله يكفيني ربي انه عارف شنو اللي بقلبي و شنو نيتي
انا الصراحه بس بغيت اطلع اللي بقلبي شوي
و الله يخليكم بنات انا عارفه انه الكل عنده احلام و اماني وده انها اتحقق و انه فيه ناس مرت بهالتجربه و الحمدلله ربي عطاهم مبتغاهم انا مو طالبه منكم الا الدعوه لي لانه هالامنيه هي بالنسبه لي اهم من دراستي و كل شي بحياتي ابيها اتحقق بلييز بنات ادعولي انه الله يثبتني و يصبرني لحد ما تدمع عيني على سمعت الخبر اللي بيغير لي كل شي بحياتي و لكم بالمثل حبيباتي *
والله وانا اقرا كلامج احس اني انا اللي قاعده كتب لاني والله نفسج بالضبط
ربي ماكتب لي شي وانا ابيه حيييييل
قلت يمكن ربي كتبه لي بس يبيني ابتعد عن اللي يعصيه
ان حاليا الحين الحمدالله قاطعه الاغاني من زمان
وختمت القران وقاعده اتصدق بكل شي الحمدالله
وعسى ربي يحققه لي ولج قولي امييييين
والله اتحل بهاليوم الل تحقق فيه امنيتي
وربي قرررررريب يارب يفرج عليكم وعلي قررررررريب يارحييم ارحمنااااااا
كلامج حيل مؤثر وعسى الله ينولج مادج والله انصحج تكثين استغفار
والله والله وما ابالغ لو اقولج ان الاستغفار يحقق امنيااااات
وحتى لو ماتحققت راح يجيج شي احسن من الي تبينه فوق ماتتصورين
ادي بتقولين لا ابي الي ف بالي .. وماتبين شي احسن منه
بس استغفري واجد وراح تشوفين فرق بحياتج
ولا تأيسين وطولي ..
لازم يكون استغفارج كثييير يعني باليوم الف مره واكثر
وجربي طريقه ثانيه اقري سوره البقره كامله لمده 40 يوم
الرسول عليه الصلاه والسلام قال الي يقرا سوره البقره لمده 40 يوم بالضبط
راح تتحقق امنيته بالشكل الي يبيه ومثل ما انتي راسمتها بالضبط ..سبحان الله !
ف انتي جربي ولا تأيسين من رحمة ربج ..
وادعيلي ان شالله اكون افدتج
الله يستحيب منا و منكم دعائنا يا ارحم الراحمين