عمليتي التكميم باجابياتها و سلبياتها مع الدكتور فهد الاصفر

السلام عليكم و رحمة الله و بركاته
بنات و لله الحمد انا سويت عمليت التكميم بالاميري عقب مواعيد طويله و تحاليل مالها اول من اخر و بعد سنتين من المراجعات سويت العمليه
كانت عمليتي بتاريخ 3-2-2011 دخلت العمليات و انا مستانسه و كانوا الاطباء مرحين جدا حطولي الكمام و كانوا يقولون انتي بتصيرين ضعيفه و رشيقه ماكوا الا وانا نايمه
طبعا انا طلبت منهم انهم ما يقعدوني كلش عقب العمليه فخلوني نايمه لي الساعه 12 بليل و صاروا يقعدوني يبوني اروح الحمام و انتوا بكرامه و انا اقول لهم مو حسرانه و قلت خلوني و عصبت عليهم وقلتلهم وخروا عني وبعدين دخلو عندي دكتورين و قعدوا يقولون يا اختي مايصير اني مسويه العمليه من الصبح و كل هالدربات و للحين مارحتي الحمام ما يصير قلتلهم وخروا عني انا مو حسرانه و قعدوا يلحون علي لين ما السسترات جابولي و انتوا بكرامه القيصريه و ما سويت شي
و بعدها صارت الكارثه قمت قلتلهم برجع جان يقعدوني والا السرير كله دم و قعدت ارجع دم وخشمي ينزف دم و العمليه كل فتحه ينزل منها ده طبعا السستر صاحت و نادت السسترات و اتصلوا بالدكاتره و شافوا الحاله بقالو لازم انركبلج بربيش للبول لا يكون فيج نزيف داخلي و اتصلوا على زوجي عشان لو بيسون عمليه ثانيه لكن الحمدلله الله ستر ما صار فيني نزيف داخلي
بهذاك الوقت انا كنت حيل تعبانه و طبعا ركبولي دم عشان يعوضون الدم اللي راح مني و الكسجين نزل معاي و وصل اربعه لتر طبعا دقوا على الدكتور فهد الاصفر و كان بالوفره و على طول جا حتى اتذكر ابن الحلال كان لابس غتره و دشداشه :d طبعا وقفوا ابر السيوله على طول
المهم ابن الحلال باشرني و كان على طول يمرني حتى خارج اوقات العمل لين و لله الحمد طلعت من المستشفى لكن للاسف يا فرحه ما تمت
بعده بيوم كنت اصيح من الالم لكن مو من العمليه لا كان الالم اعلى اليمين تحت الصدر و كان الم غير محتمل فرحت المستشفى و خلوني بالملاحظه من 9 الصبح الى 8 باليل و رحت ثاني يوم عند دكتوري الرحووووم فهد الاصفر و كنت زينه و ما طلعت منه و وصلت البيت رد الالم اكثر من امس و رحتله و باشرني ابن الحلال و سوالي سونار جان يطلع معاي تجمعات دمويه تحت الجلد بسبب النزيف اللي صار معاي عقب العمليه
المهم قرروا اني اسوي عمليه ثاني يوم عشان يسحبون الدم لكن سبحان الله صار معاي حراره خلتهم يهونون عن العمليه و كنت متضايقه و تعبانه و اعاني من الالم الشديد لكن الدكتور قرر اني ما اسوي عمليه عشان لا يصير فيني نزيف لانه اكتشف ان جسمي قابل للنزيف و مايبي يعرضني للخطر مره ثانيه و مشاني على المضادات فتره طويله و لله الحمد و المنه انا الحين زينه و احمد ربي انه جنبني العمليه الثانيه
بنات انا بصراحه احب اشكر هالدكتور الانسان اللي ما خلاني ولا يوم و كان على طول يسال عني و يدق تلفون و يزورني حتى خارج اوقات عمله والله ان كلمة مشكوووووورر ما تكفيه
اسفه اني طولت عليكم و اي سؤال انا حاظره و من عيوني الثنتين

الحمدلله على سلامتج

بصراحه عمليتى هاليوميين بس كلامج خوفنى

حبيبتي لا تخافين ولا شي وكل شي الله كاتبه
ممكن اعرف وين بتسوين العمليه؟ وعند منو؟

ماتشوفين شر ان شاء الله ياالغاليه

أجر وعافيه الله يكتبلج الصحة والعافية يارب

حياتي الحمدلله على السلامة

كل شي فيه خيرة

المهم تضعفين بصحة وعافية يارب

الله يسلمكم حبيباتي

ما تشوفين شر انشالله

ما تشوفين شر انشالله

بعد عمري والله وعد ماتشوفين شرررر والله ضاق خلقي عشانج

اسم الله عليج والله يوفقج واهم مرحله انتهت الحين لا تحاتين ان شاء الله ماكو الا كل خيييييير يا رب

واسم الله عليج واقري المعووذاات والله يوفقج يا حبيبتي و انسي اللي صار معاج والحين اهم شي خلصتي العمليه والحمد لله

صرتي زينه والحين بتضعفين شوي شوي وبتشوفين النتايج اللي تسرج باذن الله سبحانه

اتمنالج كل خير حبيبتي وجزاج الله الف خير لانج قلتيلنا عن تجربتج عشان كل واحد يحسب حسابه مهما كان بالنهايه هذي عمليه…

وان شاء الله جم اسبوع وتدشين تبشرينا بنزول وزنج وتصيرين بالوزن اللي خاطرج فيه يارب

والله يحفظج يارب يا كريم ويحفظ كل البنات

يااااااااا قلبي انتي ما اتشوفيين شر وسلااامتج

وااي انتي نفسي اناا رجعت 19 مره !! وكله ترجييع تكرمون دم وكاان ينزف من خشمي بس الحمدالله

كانت الجروح سليمه ولله الحمد ..

وبعدين خرعتيني بشغله !! انا هل يوميين قااعده احس مثل نقزه بتحت صدري اليمين شيء يقرصني خفيف : دقيت ع د. احمد الشرهان اللي سوالي العلميه قالي عادي مافي شيء واي مادري الله يستر

بس يالله ما علييييييييييييه المهم الصحه والعاافيه ان شاء الله ماكو شيء …

واااااااي وعد كل هذا سار فيج يا قلبي

سلامتج يا الغاليه وخطاج السو

فااالج الرشاقة يا الغاليه

اجر وعافية ان شاء الله
ماتشوفين شر وديري بالج على نفسج يالغاليه

الله يسلمج يا قلبي و مشكوووووره على الدعوات الحلوه