|
|
شلونكم
هنا سوف اكتب لكم تجربتي مع الباي باس مع الدكتور المحترم محمد الجارلله
بصراحه انا عندي ثلاث بنات الله يخليهم لي ولعبو بجسمي
اول شي كنت بسوي التكميم لكن شنو الفايده والمعده راح ترد بعد 3 سنوات
اولا ادعي لشيخنا على المنحه الأميريه جزاه الله ألف خير عز الله وسع علينا وماقصر الله يوسع له في الدنيا والآخره
وقبل لا أروح كنت مسويه التحاليل في مستشفى العدان وانا من قرايتي للتجارب عرفت شنو الفحوصات المظلوبه
وكانت عباره عن
سونار
منظار
فحص دم شامل
فحص غده
فحص تجلط
بول(تكرمون)
ودخلت عليه وسألني عن كل شي حاول يفنعني بأني أسوي التكميم وانا رفضت وقال بكيفج
المهم قالي تكاليف العمليه مع الاقامه تكلف 3300 لازود ولانقصان
ورحت على الساعه 11 بالليل عقب مانومت بناتي ووصيت خدامتهم عليهم وخالتهم طبعا هذا كله ماتدري عنه امي بس خواتي وماقصرو فديتهم
دشيت على الساعه 11 ونص قالولي لازم تدفعين تأمين 2500 ودفعت ودخلت الغرفه كانت مرتبه وبارده
جاتني السستر وقالت بشوف بطنج وعقبها جابت موس وحلقت بطني كله
وعطتني حبه وحسيت اني خدرانه ونمت
على الساعه 7 ونص فتحت عيني على السستر تقعدني وتقول الدكتور التخدير يبي يكلمي
وفعلا جاني دكتور التخدير وسألني اسأله المعتاده للعمليات وطلع وقالي عمليتي الساعه8 ونص انشالله
وفزيت ورحت وخذيت شور دافي طبعا أنا جايبه أغراضي معاي واول ماطلعت من الحمام إلا أختي قبالي عقبه قعدت تقرا علي وانا انشف جسمي وشعري وقعدت اشتشور شعري وجاتني السستر وقالت ألبسي بسرعه السرير مال العمليات برا
يتبــــــــــــــــــــع…
وماشاءالله وزنج وايييييد على طولج !!
غريبه ماكنتي تهتمين بنفسج , بس يالله ان شاءلله خييير اللي صار
كملي متابعه لج
كملي حبيتي..
بجد انا عملت التكميم بس راضيه الحمد لله بس اكتآبت بعد ٣ سنوات ممكن اسمن
خاصه انو ماتزوجت يعين بجيب بي بي وراح اسمن
ياربي رحمتك بس
كملي ربي يسلمك…..
|
المشاركة الأصلية كتبت بواسطة ندىـا
 كممملي اختي ..
وماشاءالله وزنج وايييييد على طولج !! |
بالعكس كنت مهتمه حيل والحمد الله انا موسايحه على بعض
والميه ماوصلت لها إلا قبل الباي باس بشهر
وانشالله من عيوني ألحين أكمل
|
المشاركة الأصلية كتبت بواسطة غاده بنت وليد
الحمد لله علا سلامتك
كملي حبيتي.. بجد انا عملت التكميم بس راضيه الحمد لله بس اكتآبت بعد ٣ سنوات ممكن اسمن كملي ربي يسلمك….. |
ولا لا لاتحسفين بس انتي ديري بالج من الحلوو ديري بالج ترا أهو اللي يرد يمتن
وانشالله ألى درب الرشاقه
بس بسالج حبوبه جم نزلتي؟؟؟
شالت الشرشف وقالت لي ((يا الدبـــه بتروحين وانا ماوصلت)) هني دمعت عيني
قالت ((لا لا خلاص خلاص انتي رشيقه)) بعدها قعدت اضحك والسسترات يضحكون
سألني شلونج وشلون المعنويات وقعد يضحك معاي..قالي ((انشالله من تطلعين من الطبيب على طول للكبت وقطي الملابس xxxLوروحي اشتري الــ m والــ s قعدت أضحك وكان كلامه جدا مريح))
بعدها دخلوني غرفة العمليات الرئيسيه
واستقبلني دكتور البنج وحطولي ابره في إيدي عشان المغذي وحط على وجهي كمام وقال شمي اشفطي…وأنا طبعا سمعا وطااااعه شمه شمتين وانا نااايمه بالعسل..
وبعدها نمت وماحسيت إلا بايد على جبهتي وهمس فتحت عيني لقيت اختي فديتها تقرا علي
طالعت فيها ابتسمت وقالت لي((الحمدلله على السلامه…بناتج بخير ..وزوجج برا ))هذا الكلام كان الساعه6ونص المغرب
ونادت السستر وقالت لها شيلي الدرب نبي نوديها الحمام
شالت الدرب مؤقت وساعدوني خواتي الثلاث لروحة الحمام كنت توني مصحصحه تحاوطوني خواتي اللي على اليمين واللي
على الشمال واللي قدامي في هذي اللحظه حطيت راسي على كتف اختي وقعدت أبجي بصراحه حسيت بموقف الأخوات بهالحاله
أختي حست فيني وقالت لي ((كلنا حواليج وكلنا لج حبيبتي))
قلت لهم بروح الحمام(تكرمون) أول ماتحركت من مكاني بغيت أموت من كتفي اليسار صرخت بصوت مبحوح
وبالعسر تحركت ورديت وانا أبجي من كتفي
عطتني السستر مهدي ونمت طبعا ما اقدر انام الا على ظهري ما اقدر انام لا لايساري ولايميني
وتوعيت على لوعة بكبدي وابي أرجع فوت أختي قلت لها برجع
وبالعسر قمت نفس الشي كتفي الايسر يعورني
كانت الساعه 4 الفجر رجعت هوا بطني فاضي ماطلع مني شي
وعطتني السستر أبره مهدي ونمت عليها
وقعدت الساعه 6 الصبح عرقان جسمي كله عرق من الابره وعوار كتفي أختفى لله الحمد
استاذنو خواتي من السستر أبي آخذ دوش وفعلا سمحت لنا
دشيت الحمام (تكرمون) مع خواتي وقعدت على كرسي وقطيت لبس العمليات شفت بطني فيه 5 فتحات الأساسيه في السره والباقي حواليها وخذيت أحلى دوش كاني بيبي من أحلى خوات
على فكره أنا عندي 8 خوات (أذكرو الله) وأنا ترتييبي السابعه بينهم
بعده بعشر دقايق زارني الدكتور المساعد للجارلله وتطمن على صحتي وطلع
وأول ماطلع جاتني السستر وعطتني أبره وأنااااااااااااااااااام ماحسيت إلا بشوشره وسوالف خفيفه بطلت عيني لقيت خواتي كلهم عندي وافتحها عدل إلا وأشوف امي فدييتها تبجي وتقول ((ليش تخبين علي ليش ))جم دمعه مني منها وبعدها قطت وحده من خواتي كلمه وقعدنا كلنا نضحك
اليوم الثالث على الساعه 8 زارني الدكتور مساعد الجارلله وأذن اني اشرب سوائل وفعلا شربت ماي 10مل وكل ساعه نفس الشي 10 مل ماي وعلى الساعه 3 العصرطلعت من الطبيب لبيتي
أنا اليوم صار 12 يوم وعطاني تعليمات كالآتي
أول 10 أيام من بعد العمليه سوائل(ماي وعصاير شفافه)
ثاني10 ايام سوائل خاثره مثل اللبن والحليب والروب
ثالث 10 أيام الأكل مهروس مثل الهريس والجريش والأشايء المهروسه
اي أستفسار أنا حاضره
ويارب فالج الرشاااقه انا مسويه تحوير من سنه وابشرج الرشاقه جدامج باذن الله
حبيبتي فالك الرشاااقه ان شاء الله
حبيتي انا كان وزني مو مررررررررررره
كنت ٨٧
ونزلت الين السنه ٣٠ كيلو
لان وصلت للمطلوب وطبيعي اللي مثلي ودها تزل اكثر
بس لان تقريبا وصلت للمثالي الوزن بشويش ينزل
اهم شي انو نزلت نزله محترمه
تبارك الله
الحمد لله..
خنقتني العبره لم اختك الله لا يحرمها الاجر
ويدها علا راسك تقرى
بجد تحسين فيهم وهم يحسون فيك اكثر
الله لا يخليكم ولا يخليني من اختي يارب…
بس عاد علمينا شلون الالم مثل السليف ولا شلون،،
ما علا قلبك شر
و توصلين للوزن اللي تبينه
|
المشاركة الأصلية كتبت بواسطة درب السنع
الحمد الله على السلامه ياقلبي عسى الله ايخليج لاهلج وعيالج وخوااااتج قولي امين
ويارب فالج الرشاااقه انا مسويه تحوير من سنه وابشرج الرشاقه جدامج باذن الله
|
ماشالله عليج الله يتمم عليج على خير ياقلبي
|
المشاركة الأصلية كتبت بواسطة غاده بنت وليد
..`
حبيبتي فالك الرشاااقه ان شاء الله حبيتي انا كان وزني مو مررررررررررره كنت ٨٧ لان وصلت للمطلوب وطبيعي اللي مثلي ودها تزل اكثر خنقتني العبره لم اختك الله لا يحرمها الاجر بس عاد علمينا شلون الالم مثل السليف ولا شلون،، ما علا قلبك شر |
تسلمين يابعد عمري
فعلا الاخت تبين في هالايام وكل الايام
بالنسبه للعوار الحمد لله ماحس الا بنغزات خفيفه الجروح اللي برا والحين الحمد لله ما أحس بشي
بس ما اقدر اشرب الماي دفعه وحده لازم شوي شوي لأني اذا شربته مره وحده احس الماي يتزاحم ببلعومي
|
المشاركة الأصلية كتبت بواسطة اميره بكلمتي
الحمدالله على سلامتج
|
هابشري جم نزلتي؟؟
|
المشاركة الأصلية كتبت بواسطة قطوة@@
الحمد لله عالسلامه و الله يخلي لج خواتج
و توصلين للوزن اللي تبينه |
امواااااااااااااااااااااااااااااااااااااااااااه