عملية شد الصدر والبطن والفخوذ

السلام عليكم حبيباتي كويتيات
عساني ما انحرم منكم انشاءالله ومن تجاربكم
بقيتكم تقولولي عن عملية شد الصدر والكرش والفخوذ تصير كلها بيوم واحد يعني عمليه وحده مو بمراحل وتكفون اللي جربت تعطيني من تجاربهااو شايفه احد من اهلها سواها وشنو النتيجه وجم يوم تطول بالمستشفى وعند اي دكتور وشنو النتيجه واهم شئ العوار ولكم كل الشكر حبيباتي ومن بعد اذنكم وما ابي اي وحده تضيق خلقي وتدخلي بالحلال والحرام لان كلنا نعرف الحلال والحرام .

وسامحوني على الاطاله

لا واللة حلال وحلال انتى قاعدة تعالجين نفسج واللة جميل يحب الجمال وانا بعد حابة اعرف مثلج واللة اسالتج كلها
كانها اسالتى اللى دووور بالى كل يوم
اضم صوتى لصونج وحابة اعرف وياج

حبيباتي انا الحمدلله سويت العمليه وخلصت واللي تبي تسال نفس اسالتي ترى تدخل هالموضوع اللي بتوقبيعي ومالها الا طيبة الخاطر

حبيبتي مشكوووووووووووره وايد على مشاركتج لي ودخلي يالغاليه على موضوعي واقريه وانشاءالله تلقين كل اسالتج مجاوبه عليهم وحياج الله عمري

السلام عليكم حياتي ابي اعرف ولا عليج امر تنصحين اسويها وبجم وعند منو سويتيها

انشالله اللي مجربين يفيدونا

انزين انتي الحين مسوية نحت وتمدحين حالج. شنو بتعيدين نفس العمليات بعد؟ سوري حبيبتي بس حبيت افهم ليش هالسؤال مادام انتي سويتي نحت لجسمج وقاعده تفيدين البنات بخبرتج بهالعمليات؟ والا العمليات اللي سويتيها ما ضبطت وناويه تصححينهم بعمليات ثانية؟ ترى بس مجررررررررررررررررررررررررررررررررررررررررد سؤال

الموضوع قديم 2024

انتبهي يالغاليه اسالتي كانت قبل تاريخ العمليه

هاي انا ابي اسوي تجميل بس انا يديده وموعارفه اقرى موضوعج ابي اعرف اي دكتور وشنو سويتي وشلون النتايج لو سمحتي

مساء الخير … حبيبتي انا بغيت اسال …انا خاطري اسوي بطني بس …شكثر كلفت العمليه و جم يوم تعبتي و عند منو سويتيها وجم يوم نمتي بالمستشفى؟

حرم الحوت سوتها عند دكتور عبد الناصر , ومدحته وايد وصعدته السما , انه بصراحه من تجربتها رحتله , بس للأسف كان دكتور فاشل , وكتبت كذا موضوع عنه وسألتج ياحرم الحوت عن حالتج الحين وطبعا ما كان في رد منج كللللللش , بصراحه ودي أشوفج وأشوف الابداع الي سواه لج الدكتور , اسمحيلي دكتور فاشل يعطيج الشمس بيد والقمر بيد ويقولج راح اخليج منيكان , سويت شفط الأرداف ولا مقص منهم شي بالعكس صار عندي تورم بالركبه , صار شكلها يلوع الجبد , عندي خصر أكبر من الثاني وطبعا يقولي لا كبر بعض أسأل السستر الفلبينيه الي عنده أقولها واحد غير عن الثاني تقولي اي , يرد عليها انتي ما تشوفين عدل , طبعا صدري أقنعني اني أسويه , وسويته وبس تعالوا شوفوا الخط الواضح , والحين صدري ولا كأني سويته , بالنسبه حق أردافي قلتله انت ما شلت منهم شي يقولي اي عشان شكل جسمج , قلتله انه قايلتلك أبيك تشفط وايد لأنهم كبار طبعا يرد يقول يبيله وقت عشان الشفط , ركبتي غصبن عليه قام يقزني أبر اذابة الدهون هالحجي بعد 6 اشهر لما شاف التورم , بس هم ما فاد , لوع جبدي وما أقول الا حسبي الله على هالنصاب الي يقول شي ويسوي شي ثاني ,, والي مو مصدقه تراسلني على الخاص والله انه مستعده أوريها كل جسمي وكل العيوب ملوت العمليه , سحب مني 3350 دينار على الفاضي … أصلا جسمي صار اعرض من قبل يقولي انتي متنتي , قلتله انت اصلا ما شفطت شي ولا حشيت بالفرق … وانه مستعده أثبت كل كلامي , الدور والباجي على الي يمدحونه واحنا حتى ما نعرف اذا صاجين والا لأ , طبعا الدكتور راح يوصله هالحجي وراح يعرف منو انه , وياريته بس يتقي ربه ويصلح أخطاءه