استشااااااره عمليه الانف ضروووري :$

السلام عليكم و رحمه الله و بركاته

اول شي عيدكم مبارك جميعا و كل عام و انتم بألف خير

ثانيا حبيت أستشيركم و بليييز لا تبخلون علي

بنات انا فيني مشكلة بخشمي او بالأحرى عدة مشاكل

فيني العظمه بارزة و ما اقدر اتنفس منه اعاني اذا انتشلت و خصوصا الحساسية و الجيوب مو مقصرين

و ما ادري اذا في مشكل بالحاجز و غضروف و هالسوالف لان ليما الحين ما سويت استشاره

المهم انا كنت مأجله موضوع العمليه لأني متخوفه و مترددة بس الحين ابي اتوكل على الله و اسويها

المهم قريت مواضيع القسم و افتريت عليه اذا دكتور تمدحه وحده الثاني تذمه فضعت بصراحه

انا ابي دكتور سنع يضبطلي التننفس و ما يغير شكلي من جدام ما يلعب لا بالارنبه و لا يرفع و لا ينزل

بس العظمه و التنفس و كان الله غفورا رحيما

لا تقولولي الدكاترة حظ لا بليييز حظي منيل ابي ادمي يعرف شغله ،الشاطر ان شالله مو محتاج لحظ المريضه كلها توافيق من رب العالمين ثم اجتهاده بشغله .

بنات بليييز ابي ناس مجربينهم بالكويت لأن السفره صعبه ما اقدر و الميزانيه ما فرقت معاي

صج بعد سيرجاتي اللي صفيت عليهم بالكويت حسام فوده و هذا خبره كلمت المواساه قالوولي قبل شهر كان عندهم يعني راحت علي

و الصبيح ما قريت احد تكلم عليه بالغلط

فاللي مجربه هالاثنين او شايفه شغلهم على ناس بعينها لا تبخل علي.. بليز مو سمعت فلان علانه شوف العين :$

و اذا في ناس اشطر بعد بلييز قولولي ..

صج نسيت اقوكم ترا الكسر اللي بخشمي مو خلقي لأ خلقة الحمدالله خشمي كان زين ما فيه شي

بس صارلي حادث و انا صغيره و ظليت اعاني منه اكثر من 20 سنه ما أثر على خشمي بس أثر على أشياء ثانية بعد

بس الحمدالله على كل حال

المهم حبيت ابلغكم عن الحلال و الحرام يعني

و الف شكر

اقتباس:

المشاركة الأصلية كتبت بواسطة someone22 بلييز حبيبتي بلغيني شيصير معاج بعد الاستشاره شوفيه اشلونه يعني نوعه يعطيج رد منطقي يريحج و الا من اللي يحطلج الشمس بيد و القمر بيد و اخرتها النتيجه احباط ايي شفتها ماشالله تبارك الرحمن مبين طبيعي هذا اللي حبيته فيه الله يهنيها ان شالله الله يسهلج وو يوفقج و ترتاحين و تريحيني معاج لاني تقريبا نفس وضعج اقول شلون مواعيده اقدر احصلي موعد قريب و الا راح انطر ؟! و مشكورة حبيبتي على ردج

حبيبتي انا ماخذه الموعد من زمان تقريبا شهررر بسس يمكن عشان عطلة العيد و جذي انتي دقي وشوفي المواعيد و على فكرة مراسلته بالايميل وقايلتله عن البنج قال ماسويلج عام لاني انا ماحبه بالاستشارة بشوف شنو طريقة البنج لانه ادري ودج تعرفين نوع البنج بعد ههههههه

ايي والله سالفه البنج هذي مخوفتني بعد

عفيه اذا رحتي شوفي البنات اذا اكو وحده مسويلها اشلون خشمها اوكي

و اذا تأذت من العمليه و الا عادي

بليييييييييز و مشكووورة

صج انا بحاول اخذ موعد عنده استشاره

بس تدرين انا مرتاحه لحسام فوده شوفي سايته بالنت مسوي عمليات صعبه

بس حسافه مادري متى بيزور الكويت…

اشدعوه بنات 90 مشاهده و الردود 2

ما انصحج تروحين لدكتور تجميل حاااف

روحي لدكتور أنف وأذن وحنجره + تجميل

عشان لا يعفسلج دكتور التجميل الأشياء الثآنيه

انا سويت عمليه عند غابرييل صعب على اساس تعديل غضروف

بس للأسف سببتلي انحراف وتيره وجيوب

وحالتلي حاله ، يالله انك تصبرني .. اتيني ازمة ضيق بالليل اللي يبعدها عنج

وقاعده أدور دكتور شاطر الحين يعالجني من آثار ذيج العمليه

وبس هذا اللي عندي ^_^

اقتباس:

المشاركة الأصلية كتبت بواسطة samaya حبيبتي انتي مشكلتج بالتنفس مو تجميل !! ما انصحج تروحين لدكتور تجميل حاااف روحي لدكتور أنف وأذن وحنجره + تجميل عشان لا يعفسلج دكتور التجميل الأشياء الثآنيه انا سويت عمليه عند غابرييل صعب على اساس تعديل غضروف بس للأسف سببتلي انحراف وتيره وجيوب وحالتلي حاله ، يالله انك تصبرني .. اتيني ازمة ضيق بالليل اللي يبعدها عنج وقاعده أدور دكتور شاطر الحين يعالجني من آثار ذيج العمليه وبس هذا اللي عندي ^_^

ايي حبيبتي هذا اللي انا ابيه علاجي و تجميلي
و لي جذي حددت هالدكتورين بما انهم استشاريين انف و اذن و حنجره

الله يشفيج حبيبتي ان شالله و تصيرين احسن من قبل

شكراً..

بس ها اسعاره نار !!

حطي في بالج أذا بتسوين عمليه تجميل او جيوب أنفيه لازم تروحين دكتور انف وأذن وحنجره مو يقصون عليج وتروحين دكتور تجميل ومايعرف شي

آنا سويت عنده شغله مرتب

اقتباس:

المشاركة الأصلية كتبت بواسطة dubai-girl85 هلا حبيبتي.. شوفي هذا ويب سايتهم https://www.cosmesurge.com/arabic/ مكتوبه في الموقع ارقامهم وتواريخ الزيارة .. لأنه مكتوب عند اسمه (دبي+الكويت) العملية كلفتني 20 ألف درهم.. تتضمن التحاليل.. العملية..في حال انه حالتج احتايت انج تترقدين في المستشفى المبلغ يغطي الموضوع.. وبعد مراجعاتج.. بس الدوا عليج.. يكلف أقل عن 200 درهم .. يعني مب غالي هم اسعار عمليات الخشم تبدء من 16 الف وطالع.. يتمد شو كثر خشمج يباله شغل.. انا كانت طبية وتجميلية وبخصوص الورم.. أول يوم شكلج بيكون عادي.. بس على آخر الليل يبدء الورم وااايد يبين.. انا ما طول الورم عندي.. تم 3 ايام.. والالوان خلال اسبوع وشوية اختفت من ويهي أنا كنت مداومه على الكريم اللي واصفلي اياه الدكتور.. واهم ششششششششششي الكمااااااااداااااااااااات أنا كنت أحطهم تقريبا 4-5 ساعات في اليوم… وبخصوص البنج كان بنج عام… اول شي عطوني حبتين أصرطهم… تخليج ريلاكس وعالم ثاني.. وعقب شوية حسيت يوم كنت في غرفة العمليات.. وعطوني الاوكسجين وعقب انتقلت الى العالم الآخر.. لوووووووول الصبح عقب ما اتريق واريح شوية.. احط الكمادات لمدة ساعة وارقد.. وعقب الظهر بعد أحط ساعه وارقد.. والعصر نفس الشي والمغرب والعشا… والفليل قبل ما ارقد أطول فيهم أكثر… حتى يوم انش من الرقاد ثلاث أرباع الثلج ذايب.. فعسب جيه الورم والالوان ما طولو عندي… وبالتوفيق غناتي

أول شي مشكووووووووووووووووووره على ردج التفصيلي يا الغاليه
الله يسمح دروبج ان شالله و يوفقج و ينولج اللي ابالج

وثانكس لأن نورتينا بالاشياء اللي ممكن راح اشوفها
بالنسبه للمصاريف مو مشكله المهم احصل دكتور ثقه هذا اللي ابيه : (
بس تدرين اللي رحتلهم كلش ما طروا سالفه الكمادات ..!!!!!!!
و قالولي ماكو فتايل و لاشي .!

لوووول حلوه العالم الآخر.. انا اتوقع هالمرحله راح اتطول معاي الظاهر راح احتاج باكيت حبوب لأني ادمان قهوه
بس انا خايفه من شغله اللبنانين طريقتهم وحده بالخشم كله ستايل نانسي و انا مااحب جذي ابيه طبيعي
غير ان الاخت ساميه ما ضبطت معاها العمليه و اثرت على تنفسها

تسلمين غناتي ^_^

اقتباس:

المشاركة الأصلية كتبت بواسطة cat22 عبدالمحسن جعفر وانتي مغمضه بس ها اسعاره نار !! حطي في بالج أذا بتسوين عمليه تجميل او جيوب أنفيه لازم تروحين دكتور انف وأذن وحنجره مو يقصون عليج وتروحين دكتور تجميل ومايعرف شي آنا سويت عنده شغله مرتب

والله توهوني البنات الله يهداهم خرعوني منه : (
اللي ما سمعت عنه لي الحين كلام بالكويت الصبيح و اهوا استشاري بعد انف و اذن و حنجره

انا ابيها علاج و تجميل بنفس الوقت ..

ممكن تقوليلي شنو كانت مشكله خشمج و من متى سويتيها ؟؟ وهل كان في كدمات ؟؟

الاستشاره الثانيه كانت عند د.الصبيح
دشيت العياده لقيت وحده مسويه عنده بس ما كان شكل خشمها واضح لان مغطى لازقينه لها
و هم شفت وحده ثانيه كانت بعد لازقه خشمها وكان يفترض تشيل اللزقه من خشمها الحين
البنت كانت مرتاحه من شكل خشمها بس اللي عرفته منها انها مسويه تجميل بسبب العظمه مأذيتها
بس بالنسبه لي حسيت ان خشمها بعد لازم ينقص منه صج مبين طبيعي بس كأن ستيل في عظمه
هالشي شوي خرعني بس طبعا بما اني ما اعرف البنيه من قبل خفت احكم ع الدكتور يمكن خشمها كان كبير زياده عن اللزوم الله و اعلم ..
دشت الثالثه ام الخرعه عاد كان الزراق واصل لي نص خدها كدماتها خرعتنييييييييييييييييييييي
مت من الخرعه اخاف جذي يصير فيني و اللي اخترعت منه اكثر ان كان قاصلها من تحت صوب الارنبه من تحت..!

المهم دشيت استشارتي قالي عندج انكسار الحاجز الانفي و انحراف و شغله ثانيه اتوقع الجيوب يبيلها كي
و خذا صور و سوالي شنو راح يكون الشكل الممكن بعدين.. طبعاً اهوا قال راح تكون النتيجه 98%
و السكرتيره تقول 80 % نفس الصوره..! مادري منو اصدق
المهم اللي خوفني اكثر انه قالي انا ما انصح اي شخص دقيق يسوي الانحراف
لان ما راح يعجبج شكلج !!!!!! و ماراح يصير نفس الصوره بالضبط و يبيله شغل
و مضطر افتح من تحت و ذكرت البنت اللي شفتها و تصروعت
هالشغله حسستني ان الدكتور جايز يكون مو متمكن من الانحراف ..
مدة العمليه ساعه و نص و بنج عام

طبعاً لما كنت بالمواساه و عرفت سالفة الانحراف قلت اعدل خشمي كله مره وحده طالما قاطه مبلغ و قدره
بس لما طلعت من الصبيح قلت لااا اخاف الشي مايسوى و اشوه عمري
متردده .. متردده.. متردده

لازم اقرر لان ابي اسويها نهايه الشهر على خير ان شالله
و متردده حيييييييل
فشوروا علي يا بنات شسوي