منو جرب زراعة العدسه عند سامي الربيعه ؟؟

بنات انا رحت لسامي الربيعه طبيب العيون بسوي ليز قال ماعاد ينفع لج الي ينفع لج اللحين زراعة عدسة العين الوحده بالف دينار..

وانا حدي خايفه بعد هذي عيون اهم شي في الحياه

عفيه الي سواها ولا سمع عنها ياليت يقولي.. وعند منو.. فيه احسن من الدكتور الربيعه

هاي حبيبتي
انا مثلج رحت بسوي ليزر بس ما ينفعلي الا زراعه وسويتها الحمدالله الحين صارلي سنتين وماشاءالله ماشاءالله النظر واقف ما يتغير ولا في اي مشاكل الحمدالله يا رب بس انا سويتها عن الدكتور خالد السبتي والله انصحج تروحيله وااايد ممتاز
واي استفسار انا حاضره حياتي

والله اختي سوتها بس مو عند الدكتور سامي
سوتها عند الدكتور حسين العباد
الصراحه رحت معاها بالمراجعات والفحوصات
انا استانست عليه دكتور واثق من الي يسويه وما يلف ويدور ويقولج اذا يضرج ولا بنفعج
وكل عملياته ناجحه واهوا استشاري وناجح قبل كان بمستشفى جابر الاحمد ( العسكري )
وحاليا عنده عياده واغلب الاهل مسوين عنده يعني اكثر من واحد
اما نتيجة العمليه ناجحه 100%
الحين اهيا مرتاحه وايد وايد
قبل لا تسويها كانت بليل ماتشوف حتى مع النظارات او العدسات بس حاليا نظرها تمام حتى قامت تشوف احسن مني ماشاء الله
عشان جذي انصحج تروحين له
اما دكتور سامي والله مااقدر اجزم لج فيه اذا اكو احد مسويها عنده ويقولج عنه يكون احسن

وين مكان دكتور حسين العباد واهو كويتي ولا لأ

يابعد عمري ماقصرتي يزاج الله الف خير

شجعتيني اسويها

مشكوره يابعد عمري ..

بس وين عيادته ..

اببببببببببب للافاده ..

أمي سوت زراعة عدسه عند الدكتور خالد السبتي من سنتين ،، و عمليتها ناجحه ولله الحمد

انصحج فيه حبيبتي خوش دكتور

بخصوصا الي سألت اهوا كويتي او لا
اي كويتي
اما العنوان خل اسأل وارد لج خبر