بنات طلبتكم شالفرق بين عمليه تدبيس معده ووضع حلقه ؟؟

السلام عليكم ورحمه الله وبركاته

بصرااحه بناات وانا اكتب لكم هل موضووع وانا حيل ياائسه من حالتي !!

اول شيء وقبل كل شيء انا وزني الحين 79 وطولي 166 ولازم يبيلي على اقل شيء 15 كيلو علشان اووصل حق اللي ابيه ويكون وزني طبيعي !!

شكلي حيل يثله عظامي عريضه ولاعت جبدي من شيء اسمه رجيييييييييم خصووصا احنا بالكويت كل مكااان في اكل !!!

سينما فيها سوالف لذيذه نفيش ونااجووز وكوكيز وغير وغير والمطاااعم ومجمعات كافييهات وزواره الاهل وبالبيت

كل مكان فيه اكل وبصراحه لحد يقص على عمره ويقولي انه الاكل مو حلو وما يونس كلناا انحب ناااكل !!

المصيبه اني كنت امسويه رجيم سنه اللي طافت عند دكتور بدر نصر كاان وزني 85 وصار 71 لمده 6 شهور يعني

لاعت جبدي !!!!!!! وزهقت لمن هديته تدرون جم صار ؟؟

صار رد مثل اول واكثر صار 86 !! بشهرين بس !!

يعني التعب كله رااح على الفاضي وانااا ارادتي حييل ضعيفه يعني ماكو فاايده زهقت والحين رديت اسوي رجيم عند بدر

نصر الله وصارلي تقريبا شهرين كان وزني 68 الحين 79 !! ولايعه جبدي ونفسيتي زفت !! والكل ياااكل الا انا اقعد

اطالعهم انزين والحل ؟؟؟ لي متى لي متى بصك حلجي !!!!!!!!!!! زهقت والله وعندي جم وحده اعرفهااا من اهلنا سوت
تدبيس معده وكان وزنها تقريبا مثل وزني وما شاء الله تبارك الرحمن لو اتشووفونها الحين تنصدمون انزلت 35 كيلو !!!

من غير رجيم ومن غير شيءء بالنسبه للعواار ان شاء الله اقدر اتحمل لانه انا كنت امسويه عمليه بصدري سيكلوون وكانت

من اصعب العمليات لكن تحملت !! اللي يبي الدح ما يقول ااح المهم اني اضعف

فشنو تنصحووني بناات ؟؟ والتدبيس معده مضمون ؟؟ وله مضاعفاات ؟؟؟ وشلون الطريقه ؟؟؟ والحلقه نفس التدبيس ؟؟

بصرااحه انا خااايفه وماادري شسوي والكل قاعد يقولي سوي عمليه تدبيس معده هل اهيا بسيطه ؟؟ ولا صعبه ؟؟

بنات تكفون اللي امسويتهااا جان زيين اتفيدناااا واكون شااكره لكم والله

ويعطيكم العاافيه بانتظااار ردودكم بليييز ؟؟؟ !

وووووووووووووووي
ياحظي
تبين اتصيرين عصله شوف ثقته حلووووووومه اشلون

بعدين ما يسون لج عمليه ابشرج وزنج ما يساعد

اكلي الى تشتهين بس على القليل بس رياضه

انا من سويت تخفيف وزن صاري 8 سنوات ما سمنت الحمدالله اكل الى ابيه بس رياضه ما تفارقني
يالله عن العياره روحي امشي وخلي سوالف الخرابيط العمليات
استغفر ربج وزنج زين بس سوي رياضه خلاص والتخفيف مع النفسيه

!!!!!!!! شلوون ما يسوون لي ؟؟؟؟؟؟؟؟ انا وحده من اهلي بعمري ونفس وزني وطولي وسوولها اياهاا ؟؟؟

ليش اناا لأ !!!!!!!!!!!!!

اقولج حاالتي ميأووس منهااااااااا وبعدين انتي ما شفتينيييييييييييي !!!! والكل قاااعد يقوووولي جني بقررررررررره

فهميني انا مليييييييييييت من جسميييييييييييي زهقت من الرجيييييييييييييييم !!!! وبعدين حلومه مادري منوو انتي شايفه جسمها ؟؟

اكيد بتكون وااثقه من نفسهاااااااااااا … انا من شااف هل بطن والكتل اللي والزوااائد يختررع مني !!!!!!

حليمه بولند الى مجنن بنات المنتدي
وي عاد اشدعوه يشبهونج
بحيوان

الله كرمنا وهم مني وطريج اكيد يبونج تضعفين بس بطريقه

ما اعتقد وزنج يكون تسعين او فوق يسون

سوي رجيم

ما يبلج شي ورياضه حيلج فيها

بناات شدعوه ؟؟ 13 زااير !! وبس وحده اللي ردت علي !!

Up Up

التدبيس قصدج التكميم والقص الطولي لان الحين محد يسوي تدبيس بس

المهم الفرق حياتي إن
-الحلقه ممكن 70% وزنج يرجع أضعاف قبل بعد ما تشيلينها
– احتماليه حدوث التهاب للحلقه وتظطرين تشيلينها قبل الضعف

اما التكميم :

يقصون امعده .. واحتماليه قليلة جدا جدا او نادريه انه يصير تسريب " وممكن يتصلح "

بعدين انتي وزنج حياتي ما يحتاج .. يعني الدكتور لو امين وما يفكر بالفلوس راح يؤدج ماراح يسوسلج اياها حرام هاذي للي اوزانهم اوووووووفر ويبيلهم عالاقل ينزلون 40 كيلو

آنا جربت رجيم عبد الله المطوع ونزلت 15 كيلو بس كان هدفي انزل 40 كيلو .. فا رديت زدتهم من الاحباط

انتي روحي دكتور تغذيه او كلش كلش سوي بالون معده مع اني ما انصح فيه لأنه يسوي ريحه خايسه بالحلج

المشكله اني ماكو دكتور ما رحت له رحت عند دشتي وبدر نصر الله وعبدالله مطوع وطالب الشمري وليلى صليلي

والعيب مو فيهم العيب فيني اناا ارااادتي حيل ضعيفه ومادري شسوي مليت زهقت :'( من الرجيييييييييييييم

ومصيبتي لمن اهد الرجيم اكل حشااج مثل البقره وارد ادبل كل اللي ضفته اب 6 شهور اردهم بسبوعين وحيااتج !!!

ههههههههههه سبحان الله جنج قاعده توصفين حالتي قبل

تخيلي الحين ضاغطيني من اول رمضان .. " الله يرحمممممممممممم" كل يوم اسمع هالحجوه

لأني كنت برمضان اللي طاف آكل .. أقصد ابلع ليمن انسدح ماقدر افرد ظهري تخيلي

الحين من سويت التكميم الله يتمم علي الشفا يارب وآنا لقمتين مو قادره اكمل بعد ؟؟ تخيلي والله مكتئبه لأني ماحس بطعم الأكل .. اكون مشتهيه شي ومايمديني اتلذذ واحس بطعم الأكله بحلجي ولا شبعت خو تعرفين مانقوم لمن نشبع .. نقوم لمن نزهق .. بس الحين ماكو خلاص مو بكيفي

عالعموم ىنا اختي بتسوي نفسي بعد شهر ان شالله لانها متحطمع فيني .. واختي الحامل بس تولد واظن اخوي الكبير بعد بيسوي بس يب يتأكد ويجرب فينا قبل بعدين يسويها لأانه خواف .. مو من شي مسكين جرب عمليات وايد لمن كان فيه سرطان ويتذكر الألم فا خايف واعليه

عالعموم ياخيتي نصيحه حبيبتي لو يبيلج 15 كيلو بس .. ميخالف حاولي بأي شي ثاني غير العمليات

لأن التكميم أكيد ماراح يرضون إلا بعض الدكاتره الماديين وهالشي ماراح ينفعج لأن النزول بالوزن يكون أكثر عند المتان حيل اما العاديين نفسج ماراح تنزلين وايد
الحلقه والبالون وخري عنهم لأن شكثر سووها وردوا شالوها وسوو تكميم او تحوير .. لان الحلقه والبالون يوسعون المعده فا لمن تنشال راح تكون معدتج اكبر من قبل وراح اطيحين له اكل اكثر من قبل وتزيدين الدبل

فكري عدل حبيبتي لا تشققين بعمرج وتخربين بشرتج بالعمليات لو مو محتاجه

بس بقولج شغله وحده العملية كلش مو هينة ولا سهاله والتعب وراها وارد وبصورة كبيره وزنج مايحتاج تكميم اذا تبين تضبطين جسمج اتوقع الشفط انسب لج بصوره كبيره واي دكتور عنده ضمير مايسويلج انا ماقولج هالحجي عشان احبطج لكن انا اعرف عدل شنو تعب وشقى العملية عشان جذي نصحتج

مزبوط يادارين الألم بعد متعب جدا جدا لمدة شهر من العملية

مو بس الالم المضاعفات ممكن تستمر وتقدرون تروحون مستشفي الاميري او مبارك وتشوفون حالات المضاعفات

افتكي من العمليااااااااااااااااااااااااااااااااات

وزنج طبيعي بالنسبه لطولج
انا اختي وزنها 74 و طولها 160
بس طبيعيه حيل ماشاءالله لا اله الا الله
شدعوه عليج حيل طبيعيه

لا توسوسين وافتكي من العمليااات استغفر الله

خافي شووووي ترى مو سهله

والله مادري شقووووووووولكم ااخ مليت

لانه شكلي يثله وعريضه فيني طول وعرض شسوي :'( مليييييييييييت زهقت

والله والله تعبت من الرجيم والللللللللللله وصدقوني راح اتييلي فتره واقولكم اني هديته ورااح ادبل دبلات الوزن اللي كنت فيه

قبل لا اسوي رجيم ولي متى؟؟

انزين بناات شلووون جهاز الميزوثرابي ؟؟؟ الليزر يقولون انه يكسر الدهون ويذوبهاا عند دكتور بدر نصر الله

ونصحني اني اسويهااا قالي عباره عن 6 جلساات واشوي سعرهاا مكلف وقالي راح ينزلج من 7 الى 13 كيلو

ولكل منطقه لها سعرها انا اذا ابي اسوي عنده ابي بطني ؟؟ تهقوون نتاايجه حلوه وهادفه ولا لا ؟؟ منو امجرب الليزر ميزوثرابي ؟؟

واشكر حق كل وحده ردت علي وشاركتني جزااكم الله خير يا بنااات