|
|
السلام عليكم يابنات
وأخيرا شديت وشفطت البطن والخواصر
سويت العملية يوم السبت عند المبدعة دكتورة شيرين
اليوم طلعت من المستشفى
بالنسبة حق الآلام محتملة لكن حاسة ان صحتي العامة تعبانة
وان روحي مسحوبة مني
طبعا لا قعدة ولا نومة ولا اكل ولا شرب ولا مشي نفس العالم
مااقدر اسولف لكم بعد لاني تعبانة
ادعوا لي اعدي هالمرحلة على خير
عاد أنا مفكره أروح حق هالدكتورة بس قوليلي جم كلفت العملية ووين سويتيها وشلون النتيجه ولا للحين ماراح يبين وسامحيني على كثر الأسئلة
ديري بالج على نفسج لا تشيلين شي ثقيل
وخلي احد يساعدج بالقومه والقعده
كلها كم يوم وتردين طبيعيه
نحن السابقون وانتم اللاحقون
اذا ارتحتي كتبي لنا التفاصيل
ويبعد عنج العين
حياتى انا اسألتى نفس اختى مزيونه العجمان
وحبيت اعرف البنج كان كامل او موضعى
وموفقه ان شاء الله
ومشالله البنات ما قصروا بالاسئله وناطره تجربتج ….
وفعلا فعلا محتاجة الدعاء
اشرايكم انزلكم تفاصيل عمليتي على شكل يوميات واقولكم يوم بيوم شنو قاعد يصير معاي
شوفوا الله يسلمكم
قررت اني اسوي العملية بالضبط في عيد رمضان اللي طاف كنا ماخذين السالفة غشمرة انا وزوجي لمن قريت تجربة الاخت شمس المنتدى وتشجعت ورحت حق الدكتورة وارتحت لها وارتحت لكلامها
وعيادتها تصير بميدان حولي في علاج كلينك وفتح الملف والاستشارة ب 25 دينار
وبعدها يمكن رحت لها 5 مرات كله كانت زيارات مجانية ووايد حسستني انها مو مادية او استغلالية
قلت لها ابي اسوي اشياء ثانية بس اهيا رفضت قالت لي ماتحتاجين
اللي سويته بالضبط شد البطن والخواصر وشفط شوي من الفخوذ
سويت التحاليل الخاصة بالعملية واتفقنا على يوم 14 -11 في مستشفى دار الشفاء
وطبعا دمي كان نازل كان 10.3
وانصح كل وحدة بتسوي عملية انها ترفع نسبة دمها بالاول
اليوم الاول:
قمت الصبح ورحت المستشفى الساعة 10 الصبح دخلت الغرفة بدلت ملابسي وقعدت على السرير انطر
وتعرفون الحالة اللي اتيي بهاللحظات
حالة توهااااااااااااااان وزههههههههههههقة وملللللللللللللللللللل وشعور بالندم والحسافة
وانا شنو سويت بعمري
لو ظالة على كريشتي مو احسن لي
لين يات السستر وحطت لي الدرب وقاموا يعطوني ابر اللوعة ومادري شنو
جان اتيي الدكتورة عاد انا قلت لها دكتورة ماابي دكتورة التخدير تحط اي شي على ويهي لا كمام ولا غيره ولا ابيهم يربطوني
نوموني وبعدين سووا اللي بتسوونه
قالت لي اوكي
وبعدها قامت تخطط على جسمي وكانت جدا محترمة يعني كنت بملابسي بس كشفت بالاجزاء اللي اهيا محتاجة تخططها
واللي عجبتني اكثر انها تخطط بالمتر انا شايفة اشلون يخططون اشوفهم بس بقلم
لكن الدكتورة اسم الله عليها خططت بالمتر وبقياسات مضبوطة
وخذت لي صور حق الكرشة المفقودة وقالت لي بعد العملية هم راح نصور ونشوف الفرق
شوي والا يايه السستر تعطيني دوا طعمه مررررررررررر قالت لي شربيه هذا حق الريلاكس
انا شربته ماوعيت بنفسي الا قمت اغيييييييييب واعية ومو واعية
اذكر ان نزلوني بغرفة العمليات وحطوني بسرير العمليات وعقبها ماوعيت الا واهما يقعدوني ويقولون لي قومي خلصنا وشفت مركبين لي كيس دم
واذكر صعدوني فوق بغرفتي وامي تقول الساعة 8 ونص بالليل يعني العملية طولت 6 ساعات وطبعا قضيت الليل كله وانا نايمة ومو واعية ومااقدر اتحرك
هذي قصة اليوم الاول
اذا شفت تفاعل راح اقولكم قصة اليوم الثاني
الله يقومج بالسلامه ويعطيج الصحه والعافيه
الف الحمدلله على سلامتج حبيبتي
اجر وعافيه ان شاءالله
وناطرين باقي يومياتج