العمليات بعد الحروق

السلام عليكم

حبيت بس اعرف معلومات عن عمليات الحروق

اللي عندها فكرة او تفاصيل او اسماء دكاترة بالكويت او بره الكويت عفية تفيدني

انا ولدي انكت عليه ماي حار والجزء اللي صوب خاصرته اذا ما الـتألم خلال هالاسبوع احتمال يحتاج عملية

وانا وااااااااااااااااايد احاتي وخايفة اخاف اللي هني يلعبون فيه الله لا يراويكم اللي انا فيه

وعسى الله يحفظ عيالكم من كل شر

سلامت ولدج مايشوف شر,,,,, انصحج بالبابطين للحروق يايبين ماده يديده من لندن مخصوص للحروق اللى ما تلتئم و بدال مايحطون لها رقعه و يصير شكل الحرق مو شي.. صراحه الاسم رايح من بالي بس اول ما يطري علي بقولج

بعد عمري ما قصرتي انا اوديه البابطين يوم وترك عشان الغيار بس هم وايد خايفة العملية شي مو سهل

واهو صغير ما كمل 5 سنين

ما يشوف شر انشالله والله يحميه ويشفيه يارب ترى دكاترة البابطين حيل زنين ومنهم د. هشام بورزق خوش دكتور

مشكورة دينا ان شاء الله بسأل عنه لان الدكتور اللي متابع حالة ولدي اسمه احمد

هلا اختى

ما يشوف شر الصغيرون بعد عمرى

الله يشافيه ويعافيه ويخليه لكم

وي بعد عمري

سلامته ان شاءالله

وان شاءالله يلتئم وما يحتاج عملية

الله يخليه لج وتفرحين فيه ان شاءالله

الف سلامة على ولدج حبيبتي ، افضل مستشفى لعلاج الحروق في العالم المستشفي العسكري الفرنسي اذا حالة ولدج صعبه ، والله يحفظه بلوجه المحفوظ

من من بعد عمررري توني اشوف موضوعج .. عسى الله يشافيه يارب بدون عمليه..

والله يصبر قلبج وياجرج على صبرج ياررب..

عليج بالدعاء حبيبتي.. وانا والله قلبي معاج ودايما ادعيله بالشفاء العاجل..

بس والله ما عندي خبرة عن هالسالفة..

انا حماي مسكين احترق واهو صغير واهو اساسا فيه متلازمة الداون وشب بنفسه بدون مايفهم مسكين.. والحين ريال عمره 29 تقريبا ..

بس كل جلده صاير نفس الشبكة من اللي كانو يحطونه عليه .. لانه كانت الحروق عميقة …بس انتي لا تخلينهم يسوون لولدج جذي علشان مايتشوه جلده والحمدلله على كل حال هذي ولا غيرها ….

نجد وهوى الدار وهيفونا ما قصرتوا والشر ما إييكم ان شاء الله والله يحفظكم ويحفظ عيالكم من كل شر

مس يو بعد عمري والله ادعي ان الشفا يكون من الله ولا يحتاج هالدكاترة اللي ما تدرين فاهمين ولا ما يدرون شيسوون

ويابعد عمري ما قصرتي والله يحفظ عيالج من كل شر والظاهر حماج كانت حروقة من الدرجة الثالثة انا ولدي من الدرجة الثانية

والحمد الله جلده احسه عادي بس المشكلة بالجرح لاااااااااااااااااااااازم ينشف عشان ما يكون فيه خطورة وتالي يفتحون الشاش

ربى بشافيه ويعافيه وانشالله ما يحتاج لا عمليات ولا شى انا للاسف ما اعرف معلومات عن هالشى بس اعرف ان بدعاء الام وبالماى المقرى وماى زمزم انشالله يارب يا منمن ما يحتاج شى شربيه ومسحى عليه واقرى عليه وقولى اللهم رب الناس اذهب الباس واشف انت الشافى لا شفاء الا شفاؤك شفاء لا يقادره سقما ويارب يارب يشافيه ويعافيه يا حبيبتى قلبى معاج ….

بعد عمري بطو والله كل يوم اقرا عليه الرقيا قبل الفير وان شاء الله ربي يشافيه ويعافيه بدون عملية

بعد عمري ما قصرتي

up up

الله يشافيه ان شاء الله بشرينا عنه اذ تشافى

هلا منمن شخبارج
والله البابطين روعه واحسن طبيب هناك اسمه بانق هندي خوش واحد
كل عمليات اختي اهو مسويها ورايحتله عن طريق حماي لانه دكتور

لاتحاتين ترى البابطين مطورين حيل عسى الله يشفييه يارب