احسن عيادة لزراعة الاسنان

سلام عليكم شلونكم انشاءالله خير
بنات فيدوني عندي كذا ضرس لازم اسويه زراعه وماني ناطره الحكومه جم شهر ابدى ماعلي ابتسامتي فقررت الشهرين اليايين راح اصرف معاشي على اسناني والله اعوضني
فا الي ابيه منكم احسن عياده ومجربينها ومكانها واسعارها حلوه ترى معاشي مو قوي لهدرجه ههه
والله اوفقكم دنيا واخره وادعولي اسوي اسناني بسرع وقت اختكم يومها بسنه

دكتور انور البنا بعيادة ابها ماشاء الله ايدة خفيفة

نفس السؤال ؟ بنات نبى تجاربكم

جم رقمهم فرنسا

رقمهم :22610534
هذا رقم العيادة بالشعب البحري وعندهم الدكتور انور البنا اللي يركب الضرس ويهبل يشرح كل شي بالتفصيل لج والجراح اسمة دكتور يعقوب ونفس الشي هادي وبالة طويل للاسئلة ويشرح بالظبط اللي بسوية

دقيت عليهم فرنسا يبدي من 500 ليش
دقيت على فرجينيا من 300 فرق 200 وايد والله احترت

حبيبتي في انواع انا خيروني بين 300 و500 ,,,,,,,,, بس قالي ال500 لو ينكسر نحط لج غيرة ببلاش والثاني كفالة بس 6شهور
والاول ضد التحسس يستخدم لاكثر لثة حساسة واحسن للمستقبل وانا فعلا سالت فيهم واخترت الاول وعطونج اسامي الضروس وانتي سالي عنهم شنو الاحسن
وعلى فكرة انكسر مرة نتفة وانا اهملتة وتمادى الكسر لينت انكسر وسولي جديد ببلاش !!! توني من شهر مع ان لي سنتين وشوي من ركبتة

خلاص شورج وهدايت الله

فرنسا انتى مسوية زراعه والا تركيب؟؟؟؟

والزراعه تعووووور؟؟؟

انا مسوية زراعة ……..ابي شي دائم مالي خلق بعدين يطيح وارد اعابل لمن اكبر هههههههههههههه
الصراحة طول ما الدكتور يشتغل ماحس بشي كلش بس كنت خايفة من الصوت ولمن اشوف الدسوس فية دم اخترع اكثر
والحمد لله مو هالالم الجايد مع المسكن حدة 3ايام بالكثير وعلى خفيف بس لازم مسكن قوي من الدكتور
وعقب تميت نسيت شهرين او 3 عشان اركب الظرس مرة وحدة قالي حرام تدفعين فلوس لازم نتاكد جسمج مو رافض البرغي وعشان يتبت عدل ولمن يركبون الضرس مايرخي والموضوع اختياري والله نطرت وعقب ركبتة

مشكووره فرنسا طمنتينى

انا قاعده ادووور دكتووووووره تسويلى زراعه ومو محصله

تعرفين دكتووره مو دكتوووور

الصراحة انا بهالاشياء ما جازف بدكتورة ابي دكتور …………… والصراحة انا رايحة عنوة للدكتور هناك من كثر ماسمعت عن ايدة خفيفة وفعلا ماشاء الله شغلة بركادة وكافي انة يطمنج نفسيا واذا شافني هسترت من الخوف قعد يشرحلي ويبين لي شباقي مو من النوع اللي يكشت وكل شوي يسال فيج شي؟

ما جربتوا الزراعه بالحكومة ؟

الله يخليكم بنات ابي احدركم من الدكاتره اللي تتاجر فينا وبديرتنا قلبي عورني بعد مانصبوعلي انتبهوا من عيادة الحكمه

ليش سويتي عندهم زراعه ؟