ابي شي يبيض اسناني باسرع وقت بلييز ساعدوني

السلام عليكم
بنااات محتاجه
شي يبيض باسرع وقت اسناني
عندي عرس وبحط حمره حمره ولازم تكون اسناني بيضه علشان اتصصير بتسامتي حلوه

بس شنو الكريم او المعجون الي يبيض ؟؟؟؟
سمعت وحده من الاخوات تقول انو الديرم يبيض
ودي اجربه بس خايفه تصير اسناني يصيير لونهم بني واتوهق
ساعدووني اذا ماعليكم امر
تسلوووون يا حبيبات قلبي

حبيبتي … حرقي شكر وفركي فيه أسنانج

الشكر ما غيره

صج والله الشكر يبيض انزين افركه كم مره باليوم؟؟
والوقت الي افركه فييه ؟؟
تسلمووون يا قلبووو ادري ازعجتكم بس والله مالي الا انتو الي تقدرون تساعدوني

أختى شوفى هالرابط لاحد الخوات جزاها الله خيرhttps://www.q8yat.net/showthread.php?t=49480

والله اختي مادري جم مره بس الي اعرفه ان السكر المحروق يبيض الاسنان حيل .. انتي سويه مرتين باليوم صبح وليل وشوفي النتيجه

السلام ,,,
حبيبتي في وحده يزاها الله الف خير قالت مره عن خووووش معجون ب
المنتدى تلاقينه بالصيدليات والله النتيجه واضحه اسمه Email Daiment لون المعجون من داخل احمر وان شاء الله تحصلين نتيجه حلوه

انا سمعت عن طريقة من وحدة لبنانية وان شاء الله تنفعج وهي فحم وسكر وملح وعسل تاخذين ملعقة من الكل ماعدا العسل تاخذين 3 ملاعق وتخلطينهم وتفرشين اسنانج مرتين باليوم

يبيعون بعد مره شفت اعلان صبغ مؤقت للاسنان
وبالعياده تقدرين تسوين تبييض بس موزين يقولون

بس بناااات الفحم ما يضر !!!

التبيض بالليزر اهو احسن شي لانه التبيض المتعارف علية بالعيادات هاذا المعجون ترا مو شي يضعف السن ويخلي السن يفقد طبقات فتصير الاسنان رقيقة

الفحم النباتي ( ارد واكرر نباتي ) الي شكله عشوائي مو مال البخور طحنيه وفركي فيه اسنانج يبيض حيل وهذا منقول من لسان الدكتور خالد الطيب الخبير بالاعشاب

شوفي ياحلوة – تروحين عيادة ابها اللي بالشعب وهذا رقمهم 2610534 يبيعون قالب اسنان تحطينه بالليل مع مادة اهم يعطونج ياها سعرة تقريبا ب 120 د.ك ونتايجه مضموووووووونة والبنية اللي تشتغل يالاستقبال تقدر تفيدج دقي عليها وهي تشرحلج اسمها هدى

اتمنى اني اكون فدتج – اي تذكرت وفي بعد بالصيدلية اللي يمهم – يم مطعم شلاويط قلم تبييض اسنان بس انا ما جربته فما اقدر افيدج جربيه وقوليلي

شوفي روحي مركز سلطان يبيعون شرايط لتبييض الاسنان
تفتحين الشريط تلقين لزاق داخل تحطين على اسنانج من فوق يلزق وتحطين على الاسنان اللي تحت لزاق ثاني وبسرعه يلزق عليها تخلينه نص ساعه وبعدين شيليه وغسلي وخلاص وكل يوم تحطينه والنتايج تبين بعد ثالث يوم ولازم تحطينه كل يوم لمدة عشر ايام اختى تقول موظف عندهم اسنانه بيض تلفت النظر راحت وحده قالت بساله حريم مايخلون لازم يسالون قالهم عن هالشرايط العلبه ب 15 دينار على مااعتقد جربيها عجيييبه واذا لقيت اسمهم راح اكتب لج اسم الشرايط