|
|
السلام عليكم بنات
انا اول مره استفسر عن شي وادري ان هالقسم نادر حد يطبه
بس والله متوتره اعصابي وخايفه وايد بس موكله امري حق ربي
انا مستحيه اطرح الموضوع بس بقوله لاني ابي الحل الصح مابي خرابيط وكلام فاضي
انا الله يسلمكم تاريخ 15 من هالشهر باذن الله بروح العمره حلو ! اي حلو وعقبالكم كلكم
وهاي اول عمره في حياتي كلها واول تجربه وابيها تضبط لانه صج تعبااااااااااانه وايد وابي اقعد فالحرم اطول وقت ممكن ..
مشكلتي الله يعافيكم الدوره , يوم طرحوا الموضوع بداية الشهر اللي طاف بديت احسب دورتي من تاريخ 20 انا دورتي ملخبطه ساعات اتيني 18 وساعات بالعشرينات , ومثل ماقلت لكم ابي اقعد اطول وقت بالحرم ! عاد صادف ان عقب السفره بكم يوم .gif "Eh S(2)")
افكر اخذ حبوب تاخيرها بس مب عارفه متى ابتدي بحكم ان الدوره تتلخبط ! وقريت في منتدى ان وحده يوم نزلت الدوره كلتها واختفت مباشره من ثاني يوم . وانا ادري من كثرة الطواف والسعي بتنزل عشان جذي ابي الراي السديد متى اكلها : هل قبل 3 او 4 ايام او اذا نزلت ؟ يعني من تاريخ كم ابتدي ؟؟؟
وشي ثاني انا خايفه منه بيتنا الله يسلمكم اختي العوده وعيالها مرض وانا احاول طول الوقت ابتعد عنهم اقعد فوق واليوم بروح اشتريلي كمام لانه ماشاءالله الجمعات في بيتنا ومابي يحوشني توحد . وهي بس تنطر ريلها يوم الخميس بيجي من غربه وبتروح بيتها خايفه ان المرض ينتقل لي وانا اذا كلت اقمنتيين اللي هو المضاد الحيوي تنزل علي الدوره كلش مب عارفه يميني من يساري متوتررررررره ريحوووني .gif "Eh S(16)")
بس لو تروحين المستشفى وتسألين الدكتوره احسن لج واضمن
بس عالسالفه الثاني والله مودري شقولج بس حاولي تتبتعدين عنهم وبالذات ان هالفتره الناس كله مرض وبسرعه الوحد يتعادى
وان شاءالله اكون سعادتج بشي
وتروحين وترجعين بالسلامه اختي ولاتنسين دعواتج دعواتج لنا ..
روحي المستوصف و سألي الدكتورة اكيد بتساعدج و عندهم بعد ابرة توقف الدورة
واذا اختربت الدوره وتبينها تنزل تاكلينهم 3 ايام وتنزل
وتقبل الله مقدما
عادي اذا انفلونزا خليها اتييج بدون مضادات
علشان تقووين مناعتج لان انا ما اؤمن بالمضادات
وترا جذي والا جذي اذا هذي اول روحه لج للعمره 80% بترجعين وانتي فيج احتقان والا انفلونزا
لان في وايد ناس وشعوب وانتي ماتدرين شنو فيهم وشنو مافيهم
وانتي لاتفكرين وايد عادي خلى كل شي عالبركه
وقولي عند مكان الميقات
فان حبسني حابس فمحلي حيث حبسني
علشان لاسمح الله مرضتي والا نزلت عليج عادي تتحللين من الاحرام
عقبااالي ياااارب عمري ماروحت
لوتقدري تروحي صيدليه خلود الى فى دوار المرخيه عرفتيها
كلها دكاتره مصريين وفيها دكتورة اعتقد لبنانيه
اساليها بتفيدك اكتر
سوسو :
اي اعرفها بس بعيده شوي علينا احنا فالوكره
بس بروح الصيدليه اللي عندنا
انتي روحي الطبيب وسالي راح يفيدج اكثر
رفع عشانج
انا كل ماروح مكه اخذلي علبه وتاخذين حبه بكل وجبه يعني 3 مرات باليوم لما تشترينها سألي الصيدلاني/ه
واهي صغيره حيل بس انا اخاف من الحبوب فاحطها بالتوست :$
اكليها من قبل 3 ايام من عمرتج احنا نروح سياره فحساب الطريج من بداية رحلنتا نمر صيديله ونبدي ناكلها
واول ماتعتمرين اذا ماراح تمرون المدينه وقفيها
الحمدالله النتيجه ماتخربطت الدورا عقب ولاتاخرت من هديتها ردت نزلت عادي
واثارها شوية صداع اذا وقتها لانها تحبس الدم
وعمرا مقبوله ان شاءالله 
دعواتج :*
بس يعني تسبب الم الدوره ؟ يقولون قووووي حيل
ما احب اتالم والله اخاف من الالم الحمدلله والشكر
الله يفتح ابواب رزقه لج وحق اللي ردو علي وكل بنات المسلمين اجمعين :**
و الله يعينج على عوارها بعد الحبوب
|
المشاركة الأصلية كتبت بواسطة دآيم آلحب
 مشكوره حبيبة قلبي جزاج الله خير
بس يعني تسبب الم الدوره ؟ يقولون قووووي حيل ما احب اتالم والله اخاف من الالم الحمدلله والشكر الله يفتح ابواب رزقه لج وحق اللي ردو علي وكل بنات المسلمين اجمعين :** |
ولو حبيبتي حياج الله منا ومنج
شوفي اذا وقتها موحيل بس تعرفين صداع الشمس جذي يعني شويه وتروح
كلنا نخاف انا حبوب ماعرف اكلها ليلحين اطحن الحبوب بنوتيلا.gif "Eh S(22)")
امين 
اجمعين
ليسا
لوووول شدعوه , حطي في لسانج واشربي ماي وانتي مغمضه بتبلعينها هههههه