|
|
احبتي في الله ….
كل منا لابد في قلبه بذرة خير يحتاج من يرويها لتنموا وتزهر
فاذا اهملناها ذبلت … فشاركوني لنروي قلوبنا بما ينفعنا
كل منا لابد ان تمر عليه لحظه يحاكي فيها نفسه …
اريد ان اتوب ولكن ————
ودي اكون ملتزمه وما اعصي ربي لكن —– مااقدر تركه
فاتمنى من كل اخت ان تملي لنا هالفراغ مالمانع من التوبه
والكل يشارك بالحلول لنفيد ونستفيد
ولعلنا نلقى الحلول من اناس تركوا امور يحبونها لان الله يبغضها
وكيف استطاعوا تركها والتغلب على شهوات النفس لله
لاتبخلوا علينا ولكم الاجر يارب
–
صح كلامج
التوبه لازم يبيلهاا شجاعه وقوه قلب
لكن الشيطان والنفس والهوى بعض الاحيان يكون اقوى لا اله الا الله
اللهم اني اعوذ بك من شر الشيطان وشركه
واعوذ بك من شر نفسي
وبعض المرات يكوون الكسل بعد ( بالنسبه لي )
احيانا كثيره اكون كسوووله وهالشي وااايد مضايقني
ومشكووووره يالغاليه
وادعي بان الله يرزقني توبه نصوحه قبل الممات
ويرزقني الهمه العاليه
فعــلا جزاج الله خيــر التوبة أحيانـــا يبيلهـــا صبــر وعزيمـــة أكثر شي
أسأل الله أن يتقبل منـــا ؛؛
ما قصرتي؛؛؛
اجمعين نورتوا صفحتي بطيب مروركم احبتي
حبيت ابين شغله كثير من من صادفتهم يمنعهم من الالتزام انهم يحبون يلبسون
ويكشخون ويقصون ظنا منهم ان الانسانه اذا التزمت ما راح تقدر تكشخ او تترتب
وهذه نظره خاطئه للملتزمات بالعكس الملتزمات يقصون ويصبغون ويكشخون
لكن بحدود الحلال وبما يرضي الرحمن وكل شي حلال ماعدا امور قلائل هي الحرام
فاحببت توضيح هالنقطه البسي واكشخي وانت مطيعه لربك ترى الالتزام ما يحرم شيء احله الله
–
وبعضهم تقول لااستطيع ترك الغناء اقول لها كلمه واحده
علقي قلبك بالقران واكثري من سماعه للاصوات الجميله
واقرئيه بتؤده وطمئنينه ستجدين ان قلبك ينفر من الغناء
مباشره لانه : حبان لا يجتمعان حب الغناء وحب القران
اذا دخل احدهما رحل الاخر
حب الكتاب وحب الحان الغناء ……. في قلب عبد ليس يجتمعان
واكثري من الدعاء والاستغفار فهم مفتاح لكل خير
واذا حنت النفس للغناء تذكري ان الله يراك وهو غاضب من فعلتك
وتذكري نفسك يوم القيامه معذبه بسبب اغنيه تافهه اسخطتي فيها ربك
وتذكري يوم تعرضين على الله فتقولي يارب انت اعلم كم كنت اعشق الغناء
وعزتك ماتركته الا لاجلك
–
هلا والله اختي الغاليه …
سعدت بكتابتك التي تضمر عن الخير الكبير اللي فيك
فما اجمل ان يحس الانسان وتلومه نفسه اذا قصر بحق ربه
والله يااختي مشكلتك هي مشكلت كثير من البنات وحلها بسيط لمن مثلك تعلق قلبها بالله
بداية بالنسبة للشباصه الكبيره تحت الملفع مايجوز تخرجين فيها وهذي قتوى لعلماء كبار
والله من السهل تركها وترك الخروج بالبدل اذا لقينا زينه احلى منها بكثير
تدرين شنو هي …..؟؟؟
لما اتزين يطاعة الله بعزته وجلاله … واخرج وانا انظر للسماء واقول اللهم اني اتزين بطاعتك
وافتخر بها فارضى عني … ومثل قلبك المليء بحب الله والذي يراعي مراقبته سهل ان يتركها لمن احب
اعطيك تجربتي …
انا ملتزمه والبس اللبس الشرعي كامل اغطي حتى وجهي … تزوجت مو ملتزم وكنت بالملجه احاتي
لان من حواليه يرتدون عباءة الكتف مع النقاب السير وقلت ييسرها ربي
ولماتزوجت لقيت زوجي اول ماشاف لبسي وانا ابي اطلع معاه انبهر منه وقال لي والله اني افتخر ان زوجتي تلبس جذي
فارتحت ولله الحمد والله ما غيرت لبسي حتى لما سافرت اماكن ما يعرفون العباءة كنت امشي بكل فخر واقول
اللهم لك ولوجهك مااغير لبسي وطاعة لك … والحمد لله الحين هو ملتزم
حلو ان الانسان يعيش حياته مع الله ودائما يراعي الله والله ما كتبتها تزكيه لنفسي فوالله انه اعلم بتقصيرها
ولكن لعلها تنفع ولو بالشي اليسير … تراها خطوه وحده مع عزيمه واراده وقبلها توكل على الله والله ييسر
واكثري من الاستغفار والدعاء والله يحبب اليك كل مايحب ويرضى ويزينك فيه
–
مواضيعج دائما رائعه
الله يبارك فيج
ما قصرتي؛؛؛
انا الحمد لله تبت لله تعالى فتركت عباية الكتف ولبست عباية الراس
بعدين تركت الشباااااااااصة الكبيرة وقطيتها والله اني ارتحت كل شي يقربنا للنار شنو بيفيدنا فيه ووين جداتنا والناس السابقين وينهم هاه كلنا بنموت ومحد يعرف متى يومه بس انا يابنااااااااات اللي مضايقني حيييييييييييييييييييل والله اني مدرسة روضة من الصبح موسيقى وماكو فايدة بالنشاط بالصف بكل حفلاتنا اللي عندها حل لي ربي يوفقهااااااااا يارب لانه هذا اللي يضايقني وسامحوني على الاطاله
واعوذ بك من شر نفسي
كلامكم درر فديتكم والله فعلا من ترك شيئاا لله عوضه خيراا
الحمدالله اني ابتعدت عن الاغاني الي مالها غير الاثام الواحد يدور الشي الزين واحنا ياغافلين لكم الله
ناس اتصلي وناس لاهيه بموسيقى ولا بالنت شالفايده يوم الحساب ماراح نتسائل شنو لبسنا ولا شنو اخر اغنيه بنتسائل عن صلاتنا وصيامنا وزكاتنا
شنو سوينا شنو خطيناا يالله حسن الخاااااتمه
سؤال العرس اذا فية طقاقة اسلامية على قولتهم يصير الواحد يروحلة والا مايصير؟؟؟ لاني اعرف ناس واجد ما يروحون الا اذا العرس اسلامي ؟