|
|
بنات اااااه اكتبلكم و بقلبي حسرة والله لا يبلاكم في ما بلاني والله يعطي كل وحدة اللي في قلبها و راح ادعيلها ليل و نهار اللي تدلني على حل لمشكلتي وبس بليز بلا طنازة
انا صارلي 17 سنه اعاني من هالمشكلة و ماني عارفة لها حل … اي نعم لا تستغربون .. من كان عمري 14 سنة وانا فيني هالمشكلة و ماني عارفة شسوي ؟؟
والحيين انا متزوجة و ماتتخيلون العذاب اللي انا عايشة فيه ماقدر اقعد يم ريلي الا تارسة حلجي بهالعلوج والحلاو .. والله مرات بنات تقلب جبدي بس شسوي اذا خليت نفسي احس ريجي ينشف و تزيد الريحة و طبعا لا تشوفوني برمضان شلون احاول اتفاداه و ماحاجية والله حتى لما نقعد بالسيارة اظل ساكتة و قلبي يقرقع بسولف .. بس ماقدر اخاف … واهو يحاجيني وانا ساكتة و اهو يقول انتي شفيج زعلانة … وانا هز راسي لا مافيني شي و بس ماقدر اعبر
المواقف المحرجة واااايدة يا بنات على مر 17 سنة و ياما ناس قطو كلام و نقزات ما يدرون ان انا عارفة و كاتمة وسعيت كثر ما اقدر لكن ليلحين ما لقيت الحل واكثر موقف محرج شفته بولادتي لان خلوني صايمة و مو راضين يعطوني حتى شربة ماي والسستر يات تحاجيني جن تقول حق اللي معاها هذي اكيد مرتفع سكرها لان في ريحة قوية و تخيلوا انا مافيني سكر و يصير الموقف جدام ريلي و كل شوي يقيسون السكر و يطلع اوكي والسستر مصممة تقول بس في ريحة في ريحة … والله هم يضحك و يبجي
لا تقولولي فرشي و استعملي خيط و مضمضات و فرشاة اسنان لاني راح اقوللكم سويت كل هذا و اكثر و هم ماكو فايدة و عيزت اروح اطباء اسنان و اسوي تنظيف عندهم وعلاج و كلهم مافادوني بشي و ما تنبط جبدي اللا لما يقولولي واااو اسنانك روعة اكيد اهتمامج فيهم بيرفكت وانا اقولهم ادري بس عطوني حل و محد ليلحين قدر يتوصل للمشكلة …
نسيت اقولكم ان امي قبلي كانت تعاني من هالمشكلة يمكن 20 سنة و كانت مواظبة على التنظبف و علاج السوس و الجير لكن ماكانت تروح الريحة الا ان طاحوا ضروسها من الكبر والحين ما فيها ريحة … حتى لو صايمة مافيها الا العافية
و بنات انا مابي انطر العمر كله لين تطيح ضروسي يالله اتعالج انا ابي دكتور شااااااااطر يكتشف مشكلتي و يحلها
و وعد مني راح ادعيلكم بكل صلاة …الله يفرج همكم و يعطيكم اللي في بالكم
انا اختي نفس طريقتج والله اخذت طريقة اعشاب وسوتها والحمدالله الريحه بحح بس يبيله مضمضه اكثر من مره باليوم
وان شاءالله تنفع معاج
الطريقة :
إغلي قليل من الخل فيه كمون و زعتر فوق النار
لمدة دقيقتين
ومن ثم اتركيه ليبرد
ومن ثم صفيه …
ومضمضي به الفم ….
يستعمل مرة واحدة يوميا
ملاحظة : لاحتوائه على الخل …طعمه لاذع ويسبب حرقة في اللسان
مع الاستمرارية يتم التعود
فعاال 100 %
بأذن الله عز وجل
يمكن عند جرثومة بالمعدة .. راجعي دكتورة وفاء الحشاش
د وفاء الحشاش – استشاري امراض باطنيه و جهاز هضمي و كبد
الهاتف 6416298 – 5660022
الجوال
العنوان ميدان حولي
الدائري الرابع – مقابل مطافئ السالميه – مجمع فرجينيا كلينيك – الدور التاسع
روحي شوفي طبيب باطنة
|
المشاركة الأصلية كتبت بواسطة anood
 الله يشافيج وتصير ريحتج ورد وفل ….
رفيجتي نفس المشكلة بالظبط راحت حق صيدلية وعطاها حبوب تاكلهم مدة اسبوع ينشفون ريجها ووتتعب منهم صج يتعبون بس تحملت والحين ماشاء الله حتي لما تقعد من النوم ورمضان مافي ريحه كلش هي مشكلتها الريحه من الريق…. اسالي عنهم |
حبييييبتي بلييييز ييبيلي اسمهم
|
المشاركة الأصلية كتبت بواسطة تعبت لين قلت بس
يمكن عند جرثومة بالمعدة .. راجعي دكتورة وفاء الحشاش د وفاء الحشاش – استشاري امراض باطنيه و جهاز هضمي و كبد الهاتف 6416298 – 5660022
|
انا معاها المشكله مو في ريحه حلجج صدقيني ..ياقولونج فييه شي او معدتج روحي لهل الدكتوره وقوليلها مشكلتج واايد حبوبه وبتنحل ان شالله وايد كانوا نفسج وتعالجوا وصاروا احسن مايكون
صح كلام البنات يمكن معدتج فيها شي افحصيها وشوفي او احتمال بلاعيمج((اللوز)) فيها شي
لان دايما مو اذا صار احتقان في البلعوم ريحة الحلج تصير مو حلوة
ركزي ع ((المعدة والكبد )) اذا ما فيهم شي شوفي ((البلعوم ))
اختي هل جربتي تساوي تنظير للمعدة ؟!
قرات مواضيع كتيرة ان السبب يكون من مؤخرة اللسان وليس من الاسنان .
واذا لالحين ما فادوج .. سوي منظار وعالجي يمكن فيج جرثومة المعده والتهابات بالأثنى عشر او قرحة بالمعده اهي الي تسبب الرائحة الكريهة سواء من الفم او مع زفير الانف