|
|
السلام عليكم
تبين تضعفين وتتخلصين من الشحوم
وتتخلصين نهائيا من الامساك والنفخة والتلبكات المعوية
وتتخلصين من الرواسب والام المفاصل والركب
طريقة سهلة وبسيطة ولازم نعتمدها طول حياتنا لجميع افراد اسرتنا
وما تحتاجين بعدها لكلمة ريجيم نهائيا
النصيحة الاولى
شرب 2 كاس ماء دافي مع ملعقة ليمون طازج على الريق يوميا
ويكون الريوق بعد ساعة حتى نعطي مجال للجسم ان يعمل لان الليمون يعمل مسح على الجسم كله
وينظفه من الرواسب والسموم اللي اكتسبناها من اكلنا الغير صحي 0 معلبات وصلصات جاهزة ومشروبات غازية وغيرها …….. )
باجر ان شاء الله نكمل النصيحة الثانية
مع تحياتي
|
المشاركة الأصلية كتبت بواسطة ma mo me
 بس عادي نشربه وقت الدورة ؟
|
حاولي اول ثلاث ايام لا تشربين الماء والليمون حطي بدل الليمون عسل طبيعي عضوي
وبعدين عادي
النصيحة الثانية
بعد الليمون بساعة نبدا الريوق
نبتعد نهائيا عن الخبز الابيض والسكر
ناخذ موسلي بالشوفان لانه يعطي طاقة طول اليوم والياف ويبطئ الهضم يقعد فترة طويلة بالمعدة فيعطي احساس بالشبع والطاقة والحيوية
نضع عليه حليب كامل الدسم او حليب الصويا
بعد ساعة او ساعتين اذا احسست بالجوع يمكنك اكل توست اسمر وجبن وممكن نضيف خضراوات مثل الطماط وخيار وخس
وقبل فترة الظهيرة نرد ناكل شي خفيف
لا تروحين لوجبة وعندك احساس بالجوع
وحاولي شرب 2كاس من الماء
لا ننسى نشرب ماء لان اغلب الشعور بالجوع هو عطش
باجر ان شاء الله نكمل نصيحة الثالثة
وانا حاضرة لاي استفسار
وسوالي شنهو موسلي
.gif "Eh S(10)")
وشلون طريقته |
المشاركة الأصلية كتبت بواسطة سويت لاتيه
الله يعطيج العافيه على هانصايح
وسوالي شنهو موسلي وشلون طريقته |
الله يعافيك
الموسلي هو نفس الكورن فليكس
تلاقينه في لولو هايبر او مركز سلطان وجيان
في انواع بس اهم شي تكون محتوياته شوفان
في اضافات مكسرات او فواكه مجففة
احسن نوع اللي مكتوب عليه organic
واي شي تبين تسالين عنه انا حاضرة