|
|
مرحبا بنات
حبيت ابلغكم بمعاناتي مع بنتي اللي صار لها سنه كااامله اتعاني من الام مو طبيعيه في بطنها وامساك اسبوع كامل عزكم الله ماتخرج تعبت نفسيا معاها والله يابنات كل ماقامت الصبح تبكي من بطنها ومحاجر عيونها سودااا واتخرع وديتها الهادي سولها سونار وتحاليل مافيها اي شي وحولونا ابن سينا بس مارحت زوجي مارضى
شريت لها عسل من العويد للجهاز الهضمي ومرقدوش من عندهم ونفع معاها بس بين اسبوع والثاني تتعب قلت يمكن عين بنتي متفوقه وشاطره عمرها 10 سنوات وديتها مطاوعه ماي مقري ودهن ولا نفع معاها
كنت قبل شهر تقريبا تعبانه ورحت مستشفى الراشد وقريت اعلان عن دكتوره اطفال وللجهاز الهضمي وللتغذيه استشارية اطفال قلت بودي بنتي لها
على طول جبتها العصر اليوم الثاني وعلمتها بكل شي ومعاناة بنتي من سنه وقلت لها طمنيني واخر مكان اروح له انتي لان ترى وديتها مستشفيااات واجد بس يعطونها مهدءات
اول شي سوت لها تحاليل شامله عاديه ومزرعه طلعت بعد ساعتين العاديه كلها سليمه الحمدلله اليوم الثاني سوت لها سونار وشافت النتيجه قالت الحمدلله سليمه وطمنتني من اللي كنت خايفه منه نطرنا المزرعه بعد يومين والبنت للحين تعبانه بس عطتني شراب سكوبينال والمطهر للجهاز الهضمي
نتيجة المزرعه فيها صديد ؟؟؟؟ اول مره احد يقول لي صديد طلع فيها صديد بالخروج عزكم الله قالت بنتك تاكل حاجه مو كويسه وعلى طول تاكله شنو ؟؟ اهني كانج معطيتني كف على وجهي قلت لها بنتي الوحيده من خواتها اللي مدمنه وباليوم تاكل عشر الي 15 كيس وانا اللي اشتري لها وماتستغنى عنه ابد
انصدمت يابناااااااات والله طلع اهو اللي مسبب لبنتي هالتعب وشي ماتتوقعونه اشلون انا وابوها تعبنا معاها وحسبالنا شي كااايد اللي فيها حسبي الله ونعم الوكيل
طلع
بطااااااط نااايس الاسود 
تخيلوا بنتي اقطعته وحلفنا مايدخل بيتنا والحمدلله بنتي طيبه وبخير وتحسنت صحتها اللهم لك الحمد عسى ربي يتم عليها وعلينا اجمعين الصحه والعافيه
الله يجزااها خير الدكتوره وفاء بمستشفى الراشد الله يعطيها الصحه والعافيه مثل ماطمنتني على بنتي
والحين انتبهوا يابنات اقطعوووه من عيالكم بس كافي لو مره وحده بالاسسبووع
الحين بس اشتري لهم بفك بس مو دايم
اسفه طولت عليكم
ادعولي بالصحه والعافيه لي ولبناتي ولزوجي وامي
جزاج الله خير على التحذير
مابعد العسر غير اليسر
كل شي يزيد عن حده ينقلب ضده
اذا بطنها عورها على طوزل سويله مرمريه
واذا ماتخرج سويلها عصير برتقال
واذا ماتبول عطيها ادول مع ماي غريب
وماتشوف شر هذي تجارب ناجحه واكثرها طبيه
حدها اربعه فاليوم
آلله يشفيهآ
بس صج آلبطآط فيه موآد حآفظة مو زين
وثآني شئ يسبب آلسمنة وفيه بهآرآت تذبح
تآبعي آكل عيآلج بإستمرآر
آنا بنت خالتي 15 برد بكل انواعه صار معاها نزله معويه أكيد بيمرضون
الله يشافيها
|
المشاركة الأصلية كتبت بواسطة ام عبدالقادر
 اختى شيهانه حتى انا بنتى عمرها ثمان سنوات من اول السنه الدراسيه هذى تشكى من بطنها بشكل موطبيعى حتىتقلب شفاياها سودا سويتلها تحاليل بالمستوصف مابين شى بعدين وديتها المستشفى سوالها اشعه وقال مبين فيها امساك وغازات وعطانى تحاميل وملينات وماى غريب قال اذا استمر اخذى تحويل عالعياده الخارجيه لاحين على حالتها بس تدرين انا شكيت انه من الشبسات الى تاكلهم لان الدهون الى فيهامضره منعتها منهم بس الظاهر انها تاكلهم بالمدرسه والله يخليلج بنتج ويعافيها
|
والله بنتي مافي شي ماجربته معاها ملينات واعشاب وكل شي سويته لها بس اقطعت هالبطاط صارت طبيعيه الحمدالله الله يشافي بنتج يارب
|
المشاركة الأصلية كتبت بواسطة هيبة الطاووس
أكيد بتتعب معدتها الله يهداج 10 أو 15
آنا بنت خالتي 15 برد بكل انواعه صار معاها نزله معويه أكيد بيمرضون الله يشافيها |
مشكوره حبيبتي بس والله بدون علمي ولاادري انها تشتري تطلب من البقاله ويوصل لها وانا كل مارحت اشتري لها اربع خمس حبات ومرات اشتري كرتون لهم كلهم بس هي اللي طبعا اتخلصه بيوم واااحد
والله يهداج شدعوه 10-15 كيس انتي ام ومسئوله عنها لازم تتغذى صح حتى لو ماتاكل على الاقل اذا قللتي هالاشياء راح تضطر تاكل شي غيره السالفه مو بس سده جوع لاء انا ماياكلون اكثر من ككاو وشبس اذا متوفر ولو تشوفينهم ضعاف وماكو شهيه مفتوحه بس لو شنو مايلعبون بالاكل كله سناك
الحمدلله على سلامه بنتج