|
|
السلام عليكم ورحمة الله وبركاته
شلونكم بنات انا بس حبيت اقولكم اني من فتره شهر تقريبا رحت للطبيب كنت شاكه ان عندي فقر دم او انيميا لاني احس بهبوط وجسمي دايم تعبان وشعري يطيح وبقوووووه بعد لدرجة ان شعري خف وصار فيه فراغات المهم حكيت للطبيب وقاللي راح نسوي لك شوية تحاليل لاني اشك ان هذي اعراض الغده الدرقيه وسألني هل اعصب كثير هل احس بأكتئاب وهل احس بتعب وخمول وتساقط شعر وجفاف جلد والحمدلله على كل حال يارب كللللللها فيني وسويت التحاليل وبالفعل طلع فيني خموول في الغده والنسبه كثثثثير مو زينه المعدل الطبيعي 5 لا انا اتفوقت وتعديتها بمراحل والنسبه عندي 43% وانها متضخمه كثير وسويت الترا ساوند لانهم شكوا يكون فيها ورم بس الحمدلله طلعت كلها متضخمه يعني سليمه انا الحيييين حييل خايفه ماتوقعت ابد تكون عندي الغده لان مشاكلها كثير على مايقولون اخذ الحين دوا اثيروكس والجرعه 75
اسفه حبيباتي طولت عليكم بس حبيت انبهكم تتطمنون على انفسكم والوحده ماتترك نفسها وتلهى بالعيال والزوج حتى النفس لها علينا حق
وحبيت اسالكم مين مثلي عندها الغده الدرقيه نستفيد من تجربتها وهل فيه اعشاب مفيده في هالحاله ؟؟؟…..
أنا معاي غدة من جم سنة ، وأول شي أقوله الحمدالله عندي مرض له علاج أفضل من مرض ماله علاج .
وكل الأعراض اللي قلتيها موجودة وقعدت أكابر سنتين ما أعالج خايفة من الدوا وأعراضه بس مع الوقت لما قارنت الأضرار اللي بتصيرلي
من خمول الغدة من سكر وكولسترول وهشاشة وأمراض قلبية لو تركتها بدون علاج ، تالي اقتنعت والحمدالله كنت وين والحين وين ، أغلب
الأعراض خفت بدا وزني ينقص وودعت الخمول والكسل .
بس بقولج شغلة بخصوص الدوا قالها لي الدكتور اللي أراجع عنده ( الاستشاري د.عبدالناصر العثمان ورئيس وحدة الغدد الصماء بمستشفى
الصباح ) قالي لما تروحين الصيدلية في ماركات عدة لحبوب الغدة وممكن تكون نفس الجرعة بس امشي على ماركة وحدة لا تنوعين حتى
لو قالوا نفس الشي لأن نسبة امتصاص الجسم للهرمون تختلف من ماركة لماركة وأنا ما أنصح و لا أوصف إلا النوع اللي حاطة صورته "
تقريبا يشبهه " اسمه ليفوتروكسين لأن هذا أفضلهم امتصاص فالجسم .
الشغلة الثانية أفضل توقي لحبو الغدة تكون على صلاة الفجر عشان تضمنين ماتاكلين بعدها لأن بعض الأكل يمنع امتصاص الجسم لها مثل
المأكولات اللي تحتوي على كالسيوم ( حليب أجبان …الخ ) .
بالنسبة للأعشاب في أعشاب توازن الهرمونات والغدة مثل المرقدوش ، وأيضا كبسولات الأوميغا 3 تحسنها وفي دكاترة يصرفونها لمرضي
الغدة مثل الدكتور أحمد الأصاري .
هل الأعشاب تعالجها ؟
حسب حالتج في تحليل يسوونه مع تحليل الغدة اسمه تحليل الأجسام المضادة وهالتحليل هو اللي يحدد هل الخلل مؤقت ولا راح يستمر معاج
مدى الحياة ، أنا الحمدالله على كل حال نسبة الأجسام المضادة مرتفعة عندي وعلى أساسه قال الدكتور راح تستمرين على العلاج مدى الحياة ،
لكن في ناس تكون الأجسام المضادة طبيعية وهذا يعني أن الخلل ممكن يكون مو من الغدة نفسها لكن من سبب ثاني ومجرد مايتعالج ترجع الغدة
طبيعية ويتم الاستغناء عن الأدوية .
وانا الحمدالله كل ما استمريت بالرقيه صرحت احسسسن
الله يشافي الجمييييييع