بنات طمنوني طالعه لي تيله تحت الاذون اول الرقبه وتعورني

انا فيني خمول بالغده واكل علاج يومي لها ومنتظمه هذي توني الاحظها اليوم حكيت رقبتي ولا تعورررررررني تيله تحت الجلد بس مواوارمه لي برا وين اروح اراجع بنات اي دكتور وانا صغيره جاني الخاز باز وراح هذا مونفس الاعراض مدري يعور اح لما اتحسس عليها في الم انا خايفه شسوي

انا احيانا تجيني واعرف انها بداية بلاعيم
روحي الطبيب احسن لج وجدامج العافيه

إذا صوب الغدة لازم تراجعين طبيب وياخذ عينة وترى الأمر عادي ، أمي راجعت د.أحمد الأنصاري وعطاها تحويل لمستشفى مبارك وخذوا

عينة بإبرة والحمدالله قالها الطبيب هذي عقد والغدة سليمة وراحت مع الوقت ، والحمدالله دامها تعورج تطمني بإذن الله مافيج شي ، بس ضروري تراجعين طبيب .

أما اذا بجانب الرقبة أو تحت الأذن احتمال تكون عقدة لمفاوية ، وبالعادة تطلع إذا كان في التهاب بالجسم وتروح اذا راح الالتهاب .

مالج شر أختي

لاتخافين هذي الغدد اللمفاويه يعني اذا طلع عندج التهاب بالجسم هذي الغدد تعتبر مكافحه الجسم للعدوي
وتظهر علي شكل اورام وعاده تصاحب الزكام يعني اذا فيج نشله تطلع عندج وبعضها تكيسات دهنيه
وعاده تطلع تحت الاباط والرقبه او الراس انتي راجعي الطبيب للاحتياط وما عليج الا العافيه

يعني تنصحوني اروح لطبيبي احمد الانصاري الله يستر يارب ادعولي يابنات

تدرين ما انتبهت للعنوان ان مكان التيلة تحت الأذون بس قريت انها أول الرقبة ومعاج غدة .

إنشاالله دامها تحت الأذن مثل ما قلت لج ومثل ما قالت الأخت Lolayasmeen غدد لمفاوية تطلع مرات حزة الالتهاب وتروح ، أيا كان نوع الالتهاب حتى لو نشلة أو التهاب بول وانتي بكرامة .عموما مايضرج لو رحتي الطبيب وما تشوفين شر حبيبتي .