|
الســـــــــــــــلام
بنات في وايد منا مايعرفون اصلا شنو اهيا الميرمية .. بس لو تعرفون فوايدها وتجربونها مارح تستغنون عنها
عندي رفيجة فلسطينية ووحدة لبنانية كلللله يشربونها ويقولولي انتي خبلة ماتشربينها لو تعرفين فوايدها .. واهم شي انها مفيدة لنا احنا يالحريم لأنها تنظم الدورة وواذا ياتج الدورة حطيها مع الدارسين والجاي الاخضر وشوفي شلون بينزل دم وايد تكرمون .. انا جربتها وعلي الدورة وانتو بكرامة . . وانصدمت والله
بعدين تكرمون احس لما بديت اشربها اروح الحمام اول بأول .. ولما دورت بقووقل طلعت (مدرة للبوول) عزكم الله
وهذا كله طبعا ينزل الاملاح والسموم من الجسم
جربوها منتو خسرانين … تلقونها اعند العطار .. او على شكل جياس جاي احسن .. انا احطها من الجاي الاخضر والدارسين واحيانا مع الجاي العادي
الحين نيي حق فوايدها :
– منشطة للدورة الدموية، ينصح بها أيام الامتحانات وللمصابين بفقر الدم وضعف الذاكرة، ورجفة اليدين.
– مقوية لعمل المعدة والأمعاء، وتفيد ضد الاستفراغ والإسهال والنزف النسوي، والسيلان
– تساعد في تنشيط الرئة وتخفف الروماتيزم، وتفيد في سن اليأس عند انقطاع الحيض.
– مفيدة للالتهاب اللثة والحلق والحنجرة .
– مدرة للبول، وتنظم الحيض، وتخفف التشنجات.
– تخفف مستوى السكر في الدم.
– ينصح بشربه بعد الأكل الدسم.
– شربه قبيل النوم يخفف الأرق.
فهي : منشط , مقويه , مانعة للعرق ، موقفه لإدرار الحليب ، طارد رياح ، مضاد للإسهال ، خافض لنسبة السكر في الدم ، مطمث ، مضاد لربو ، مطهر ، مضاد للعفونة ، مضاد لتشنجات ، خافض للحرارة ، هاضم ، مدر للبول ،قابض ، يوصف للا سهال ، يوصف للهستيريا ، وللانحطاط العصبي ، لتبديد الكأبة ، للأرق ، للآلام الروماتزم والمفاصل، لربو وضيق التنفس، للقصور الجنسي ، لتقوية الذاكرة ، للوهن لنقاهة ، وللتعب الفكر والجسد .
شرايكم!!!! ماغيرتو رايكم ؟؟؟
الميرمية الفلسطينية ما في أحلى منها والله أنا أمي بتروح زيارة على فلسطين وبتجيبلنا اياها طازة بتجنن لما تسوي الشاي معها بتكون ريحة البيت كله منها .
حتى للبيبيات والمغص والغازات
يسلمووو أم مريوم على الموضوع المفيد
والله جربوها مارح تندمون
شاكرة مروركم حبايبي