عملية ازالة الرحم حق امي بنات ولي عافيكم دشوا :(

السلام عليكم
اليوم ضايق خلقي ومتكدرة وكل شوي احس اني راح ابجي

بنات امي راح تشيل رحمها لان عندها لحمية بالرحم وفيه الياف وعمرها 49 والدكتورة قالت لها احسن
انج تشيلينه لانه راح يأثر عليج بعدين

المهم اهي راح تروح بليل حق الدكتور علشان يقولها شنو راح يسوويلها بالضبط واختارت مستشفى راشد

بنات عفية منو تعرفون سووله هالعملية؟ وصعبة ولاسهلة؟ وشنو اثاراها بعد العملية
الله يخليكم ابي الي عاشت هالتجربة مع امها او خالتها او عمتها تفيدني
قاعدة احاتي امي وايد

هلا قلبي انا أمي سوت العملية من تقريبا عشرين سنة استأصلوا الرحم مع كيس دموي في طريقهم ماكانوا يدروا عنه وبعد شي ثالث نسيت شنو اهو والسبب ان بعد ولادتها القيصرية ظلت تتعالج فترة ويعطونها أدوية غلط حتى وزنها زاد بشكل غريب وكبير المهم سوت العملية والله سلمها وتنومت في المستشفى عشرة ايام تقريبا تعبت شوي بعد العملية بس هذا طبيعي وبعدها ردت لوزنها الطبيعي وصحتها والحمدلله حبيبتي تطمني بعد العملية الوالدة ان شاء الله بترتاح والله يطمنكم عليها

وشوشونه تسلمين ياقلبي ريحتيني
والله يعافي امج ويبعد عنها الامراض
ويقوم امي بالسلامة يارب

لا تخافين يا قلبي عمتي سوتها تقول سهله وما فيها الم
اهي الاسبوع اللي طاف سوتها والحين ما شاء الله تمشي عادي
ولا جنها مسويه عمليه
فلاتحاتين باذن الله سهله

شكلك خايفة وتحاتين توي اشوف موضوعك الثاني تطمني ياقلبي ان شاء الله تقوم لكم بالسلامة انتوا ادعوا لها ولا تنسون الصدقة حال امي كان اصعب ولا ثلاث عمليات بعملية وحدة والحمد لله قامت لنا بالسلامة

سلامت الوالده وما تشوف شر .. انا عن نفسي حضرت العمليه لاني بالمجال الطبي .. العمليه سهله وما تطول ومثل ما قال الدكتور احسنلها تشيله .. والفتره اللي بعد العمليه شوي بتكون متعبه بعد اسمها عمليه شق وخياط بس لاتحاتين واي استفسار راسليني عالخاص

رحيق العبير
وشوشونه
شووش

تسلمون يا عسل اي والله خايفة حيل على امي وقاعدة احاتيها
كلامكم اثلج صدري والله يوقومها بالسلام ويشافيها وابشركم فيها
مشكورين حبايبي

الله يوقمها بالسلامة ان شاء الله

الله يسلمج بحرينية ما قصرتي حبيبتي

ما تشوف شر الوالدة انا سويتها بالهادي اشترطت طاقم طبي نسائي وكانت بتقنية جديدة واهي سحبة من الاسفل مثل الولادة بدون جراحة بالبطن وقعدت بالمستشفى 4 ايام والعملية مو سهله بس كانت ضرورية بالنسبة لي ( راسلة دكاترة بالخارج وكلهم وصوا بشيلته )لان عندي سقوط وتضخم واورام حميدة بالرحم واستأصلو مبيض واحد لافراز الهرمون وكلفتني 1200دينار ووراجعت الدكتورة بعد 10 ايام وشالة الخيوط الداخلية ووايد ارتحت بعد شيلته بفضل من الله ومنته أن شاء الله افدتج والله يقومها بالسلامه

شمعة البيت تسلمين حبيبتي والحمدلله على سلامتج
امي بتشيل الرحم والمبايض كلهم من عرجهم
وراحت راجعت دكتورة برتغالية اسمها " يوليانا "
والله يسهل عليها يارب

ماتشوف شر الوالده انا اعرف وحده شايله الرحم وعادي بس لازم بعد العمليه بجم يوم اتعرفين سوالف البنج

وان شاء الله ماتشوف شر

شر ما ييج شيوخة تسلمين يا قلبي

الله يقومها بالسلامه وماتشوف شر

حبيبتي ودعيها ربك ولاتخافين وقبل لاتدخل العمليات خليها تقرا واخرجي صدقه بنية علاج مريضك وبحكم عملي والله مافيه اسهل منها وبادن ربك حتشوفيها زي الورده بس اهم شي الجراح زشطارته والله يطلعها لك بالسلامه يارب