|
|
بنات انا يوم السبت صار معاي احتقان قوي وحراره ورحت مستشفى السلام وخذوا تحليل دم والدكتور ماقال شي بس احتقان وعطاني مضاد وأدويه والحمدالله الحين أحسن بس ليلحين أحس بتعب .. أول مره يصير معاي جذي .. وعندي يهال بالبيت وماغير لابسه الكمام .. هل تحليل الدم يطلع اذا المريض مصاب بالخنازير ولا لا ؟؟ والله قمت أوسوس وأحاتي 
وهم زادت الحراره وعطوه ابر وقاله الطبيب لو الي معاك خنازير جان حولتك الساريه
وماتشوفين شر
الخنازير .. اهم ياخذون مسحه يعني عينه من اعضاء الجهاز التنفسي مثل مسحه من البلعوم …
وعلى فكره لايقصون عليكم المستشفيات والمختبرات الخاصه لأن جهاز فحص الانفلونزا مو موجود عندهم لأن وزارة
الصحه مانعته عنهم حاله حال جهاز فحص فايروس الكبد الوبائي واهم مانعينه عشان الامراض هذي خطيره ومعديه وممكن
هذيلي العيادات والمختبرات الخاصه يتلاعبون بالنتيجه وخصوصا المتعلقه بالعماله الوافده
ومعلومه لازم تعرفونها ان جهاز فحص انفلونزا الخنازير موجود بس بمستشفى الأمراض الساريه حتى المستشفيات الحكوميه
ماعندها هذا الفحص اهم يرسلون العينه الى مستشفى الأمراض الساريه هذا بالنسبه للحالات اللي يكونون منومين اساسا
بالمستشفى اما المراجعين فالمستشفيات الحكوميه اذا اشتبهت فيهم تعطيهم تحويل واهم يروحون بنفسهم لمستشفى الأمراض
الساريه ويسوون الفحص هناك
اتمنى بس تكون وضحت الصوره عندكم عشان ماتختلط عليكم الأمور .. وعسى الله يستر علينا وعلى اعيالنا