الاكزيما المزمنه .ابر الكورتيزون

السلام عليكم ورحمه الله وبركاته

مرحباا بنات
حبايب قلبي شلوووونكم
مشكلتي اختي الصغيره عندها اكزيما مزمنه من عمرها 5 سنين والحين اسم الله عليها عمرها17

مسكينه كاسره خاطري تعباانه نفسيااا

ماتلبس الا جم طويل…مافيها ثقه بنفسهاا كلش

راحت اكثر من دكتور منهم بوحمرا وسلامه جبر من وهي صغيره…وقالو لهاا اذا صار عمرج 12 سنه راح تروح لانها مو وراثيه

ومع الوقت نطرت ليين صار عمرها الحين 17 وماراحت الاكزيما ..صارت اقوى من اول ..كل جسمها صار مشووه والله حالتها تعوور القلب ..كل بدله تشوفهاا ودهاا تشتريها بس تقوول مااقدر البس جذي مايصلح لي

الحين ناويه تطق ابر كورتيزون..لان بوحمرا قالهاا قبل عنهم بس ابوي رفض لان الكورتيزون له مضاعفات

الحين تعبت ومالقت غير هالحل تقوول ماافي غيره بعيش حيااتي مثل باقي البنات

السؤااال….من جربت ابر الكورتيزون حقت الاكزيماااا…..؟؟؟

بليز بناااات مانستغني عن نصاايحكم عن الاكزيما سااعدووهااا ولكم الدعااااء بظهر الغيب

نااطرتكم

حبيبتي

اختج مثل حالتي بالضبط ما البس الا جم طويل واستحي اطلع ايدي او افج شعري

انا مليت من المراهم والكريمات وجرت العلاج لضوءي وما نفع ..
اما الابر ماعرف عنهم شي ..ياليت لو احد يعرف يعلمنا ..

بس عفوا شنو مضاعفات الكرتزون ..؟؟

والله يشافي كل مريض .

الله يشفيهااا ويشفيي كل مرييض

مره قريت عن الصباار انه علاج له

الله يشافي اختك يارب ويشافي كل معتل

انا حالتي مثل اختك وعن نفسي جربت كل شي وكل علاج ومانفع معاي اي شي

خل تجرب اسلوب حياة جديدة راح يخفف عنها شوي (انا جربت هالطريقه والحمدلله خففت اشوي )

1- لازم تمارس الرياضة لانها تخفف التوتر وبالتالي راح تخف عليها الاكزيما .. واليوغا وايد مفيدة وممتعه
2- تشرب ماي بكميات كبيرة تزيد عن حاجتها
3- تبتعد عن المشروبات الغازيه نهائيا
4- ترطب جسمها اكثر من 3 مرات باليوم "يظل الجسم طول اليوم رطب"
5- تحاول تتبع نظام غذائي "مثل الرجيم" تقلل من المقالي – تزيد من السلطات والفاكهه- تقلل من البهارات والفلفل بالاكل –
6- تلبس ملابس قطنيه

ادري ان كل هذي الاشياء تعرفها بس لازم تسويهم كلهم مع بعض وان شاء الله راح تلاحظ الفرق .
الله يشافيها ويشافي الجميع

الله يشفيها و يشفي كل مرضى المسلمين
شوفي حبيبتي قوليلها خل تقنع نفسها ان اللي فيها عادي
يعني انا كنت نفسها ما البس نص جم بالبيت تخيلي من كثر الاكزيما اللي تخرع
عقب برمجت نفسي ان اللي فيني عادي
شوفي ممثلات هوليوود جسمهم كللللللللللللللللللللللللللللله نمش يخرررررررررررررع
و يلبسون علاق و شورتات و يطلعونلج بباكيني , واثقين من نفسهم
شحقه احنا ما نثق بنفسنا
ترى نص علاج الاكزيما نفسي خل تحس ان اللي فيها عادي
و ترى الابر مثل ما قلتي مضاعفاتها وايد
لا تجازف و تاخذهم , لا اسم الله عليها يحوشها فشل كلوي عاد عقبها شترقّع بعمرها
شوفي حبيبتي روحي اي حواي و قوليله ابي كريم بو توقيعين
القرشة صغييييييرة شفافه و داخلها كريم ابيض و غطاتها خضرا
عادة ألقاه بحواي جمعية بيان القديمة ( ما لقيته بالسالمية و لا الفيحا و لا الشامية )
خل تاخذ لها 4
و بليل قبل لا تنام تحط على مكان الاكزيما بس كمية قلييييلة
و الصبح تغسل جسمها و تحط مرطب قوي بس مو معطر , مثل كريم فازلين زبدة كاكاو او الابيض المثبت للرطوبة
خل تسوي جذي لمدة 3 ايام بتبين النتايج اللي تبشر
و خل تكمل اسبوع و تقطع تدريجي
و في وحدة بالمنتدى يزاها الله خير دلتنا على شراب الاكسجين حيل تمدحه ينباع بدبي
تقول ريلها حيييييييييييل خفت الاكزيما منه و على وشك تختفي ما شالله
انا ان شالله اذا حصلتلي فرصة بروح اييبلي او بوصي اي احد رايح و انتو سوو نفس الشي
اسم الدوا ماي الاكسجين , لونه اسود بعنابي
ينباع بدبي بصيدلية السندس رقمها 043460660
و رقم الدكتور عشان تكلمونه و ينصحكم شكثر تحتاجون 00971558081344 اسم دكتور احمد عباس
و ان شالله ما عليها شر
و بنات امانه اي وحده تستفين من ردي تدعيلي ان الله يشافيني و يشافي كل المسلمين

الله يشافيها ان شالله
انا فيني اكزيما مائية وترى انا سامعه ان الكرتزون وايد مو زين انا وامي واختي واختي الثانية فيهم اكزيما وحساسية امي جربت دكتورة بالجلدية راح اييب لج اسمها ان شالله وايد وايد نفعت امي وترى لازم جسمها يكون مرطب وما ينشف مولية
وانا اختي سامعه ان اذا شربتي وايد ماي راح تروح عنج المشاكل اللي تصير لج بالجلد ابد ما تشوفينها
والحين بدز لج الصيدلية اللي فيها دكتور عدل اهو اللي معطيني علاجي وخوش علاج ترى
وبنات اللي تبي تعرف الصيدلية خل ادز لي عالخاص اوكي

الله يشافيكم وتروح عنكم الاكزيما

اللهم رب الناس اشف انت الشافي شفاءا لايغادر سقما ..اسال الله العظيم رب العرش العظيم ان يشفي اختك عاجلا غير اجلا يارب العالميين ..علييكم بمااي الزمزم هالماي معجزه عالج اكثر من حالت اختج مع الاستمرار وتصدقوا لو بنص دينار كل يوم بنيه الشفاء

اللهم آمين

حياتي انت ربي يشفيج ويشفي الجميع
الابر الكورتيزون يقولون يجيب امراض الكلى ولكبد الله يكفينا الشر
مشكوره ع مرورج

جزاج الله خير حبيبتي

اي سامعه عنه الصبار بس جنه يطووول بالعلاج

مشكووره ع المرور

اللهم آآمين

جزاج الله خير حبيبتي

انا اقولها نفس كلامج والله بس تدرين مراهقه التعامل معاها صعب لدرجه ع بالها اهي بس الوحيده اللي فيها جذي
الحين تشووف الردود عساها تقتنع

مشكوووره ياقلبي ع النصايح وعسا ربي يشفيج ويشفي الجمييع

اسأل الله العظيم رب العرش العظيم ان يشفيك

بشوف قرشه الكريم اللي قلتي عنهااا ..وبالنسبه لماي الاكسجين مو اهي نفس اللي عندنا اللي غرشه بطل بني عليه سكتر اخضر ..؟؟
جزاج الله خير ع الرد
ياارب يشفي الجميع

اللهم آآمين

شنو يعني اكزيما مائيه….؟؟

مشكوره حبيبتي وجزاج الله الف خييير

وعسا الله يشفيج ويشفي اخيتج واميمتج ويخليكم لبعض

اللهم آآمين

ربي يجزاج خير ولايصيب غالي بمكرووه

الله يجزاج الف خير

والله ياقلبي ماي زمزم مايخلى من بيتناا ….طول عمرنا نستخدمه بكل شي وفعلا معجزه والله

وهم اختي استخدمته ..وتحس خف شوي…مع ان انا ماشوفه خف ..بس السالفه نفسيه…وانا اقول شوفي خف وهو ماخف

بس عشان ترتاح نفسيا وتستمر عليه…والله يقدرنا ونسوي كل خير يرضااه

مشكووره حبيبتي ع المرور