قصة اختي مع انفلونز الخنازير الي انتم خايفين منه

مبااااااااااااارك عليكم الشهر جميعاً

نزلت الموضوع هذا بسبب الخوف الي مسيطر عليكم

من فايروس انفلونز الخنازير

وهنا بقول لكم معناة اختي الي عمرها 10 سنين

على اخر شهر 7 سافرنا خارج مدينة جدة

وكانت اختي تعاني من ضعف المناعه

اضافة الى انها من فئة متلازمة الداون

على اول يوم وصلنا فيه بدأت تمرض

وكأن اول شي مر عليها هو ترجيع ( استفراغ) وانتم بكرامه

وفي نفس اليوم الي وصلنا فيه دخلت المستشفى وتنومة

طبعاً كان المستشفى مو زين وما ساعد على شفاء اختي

بالعكس كل يوم تزيد فيها عله

بعد الاستفراغ صار عندها اسهال وانتم بكرامه ترتفع حرارتها

ماتبي تاكل ولو اكلت كلها ثواني وتطلعه

اضافه لسيلان دم من الانف

قعدت في المستشفى قرابه 13 يوم وللاسف محد عرف شنو فيها

بعد ماطلعت من المستشفى ب 4 ايام سافرنا جدة

واول ما وصلنا مسكت جهازي المحمول مشتاقه لكم ابي ادش المنتدى

الا واختي تعباااااانه قعدت ترجع وانتم بكرامه

والله يابنات ولا نص ساعه من وصولنا الا وهي تعبانه

في نفس اليوم ابوي اخذها هو وامي على مستشفى الملك فيصل التخصصي

وهناك سوء لها على طول تحليل للفايروس

بعدها بثلاثه ايام اتصل علي اخوي وانا في البيت وقال لي فيه احتمال ان اختي فيها فايروس

ما تتصورون وشلون مرة علي اليله هذي

قعدت ابكي لاني اعرف مناعتها نازله حيل

وهي لها 13 يوم اضافه لثلاثه ايام يعني 16 يوم

يعني الفايروس تمكن منها

اليوم الثاني رحت المستشفى

وكنت ابي ادخل لاختي الغرفه الا والممرضه ترفض وطلبت

مني ومن اخوي نلبس الكمام ونغطي ايادينا

وعشان ادخل نفذت طلبها بس دخلت نزلته ما هان علي ابتعد عن اختي

وضميتها ولعبت معها وبعدها لبستها الكمام معايه ولبست انا بعد

حتى ما تحس ان نحن نلبس عشانها وتدرك ان الوضع ينطبق على الكل

وخلال 5 ايام او 7 اختي ولله الحمد قامت بالسلامه وتحسنت صحتها

طبعاً خلال فترة العلاج كانت حرارتها ترتفع كانت تستفرغ وتسهل وانتم بكرامه

بس كل الامور عدت على خير بفضل من الله ثم بفضل مستشفى الملك فيصل التخصصي بجدة

ملاحظة اضيفها(( في هذا المستشفى كانت الممرضه والدكاتره يستخدمون نوع واحد من الاقراص

في حالة اختلطوا بحالات انفلونز او اصابهم المرض وانا واهلي استخدمناها في فترة مرض اختي

خلاصة قصة اختي انه لا تخافون من هذا المرض

صح فيه اموات بس هذولي ربي كاتبه لهم وفوق هذا ما تعالجوا في الوقت المناسب

وهذا واختي ضعيفه مناعتها وقدر المستشفى بعد فضل من الله انه يساعد على تحسن صحتها

ومن الصدف ان الدكتور الي عالجها جاته الانفلونز وتعالج منها

وهذي اهي بجنبي تشوف تومي وجيري وبخير

_____________

أختكم

ليتهم ناموا