الدمل

السلام عليكم

بنات انا اليوم رحت الطبيب عشان يطلعون لي دمل ومو قادره امشي على ريلي كلش احس بحرقه مو طبيعية

وطبعا انا من شهر 5 اللي طاف واهمه يطلعون لي كل شهر مره عاد مادري مرت خالي قالت عين لانه قبلها كنت اروح عروس وكنت كله البس نفانيف قصار و انا ساقي الحمدالله حلو على قولة وايد ناس

اهم شي اني قتلكم قصة حياتي

المهم عاد يوم رحت الطبيب قبل قالتلي الدكتوره لازم اسوي تحليل دم وعطتني مرهم اسود و عطتني مرهم اسمه futasole ( fusidic acid ) وعطتني مضاد حيوي

حطيت المرهم الاسود وانبطت وطلع دم والمضاد الحيوي بعدين ما استمريت فيه و صرت زينه وكشت بالتحليل
بس ردولي مره ثانيه

واليوم رحت الطبيب ولا يقولي انه فيني انيميا بس ما ادري شكو الانيميا بالدمل :

وعطاني هالمره مرهم
futasole ( sodium fusidate
وبعد هم عطاني مضاد حيوي لمدة 5 ايام وعطاني فيتامين A

بس كنت بقولكم تروحون تحللون لانه ترى يمكن يطلع سكر ولا شي انا اول شي قالي سكر بعدين قالي انيميا
وشكرا لحسن استماعكم

يعطيج العافية على القصة
بس ماعندي فكرة
ماحبيت اطلع بدون رد

حمدالله على سلامتج
ويكافيج الله شر العيون

عليكم السلام و رحمه الله

اممم انا يطلع لي دمل
مره طلع لي في بطني واااااي – ألم ألم – نطرت جم يوم يزيد الالم – بعدين رحت الطبيب و نظفوا مكان الدمل و حطوا لي لي ضماد
اممم ايدي طلع فيها – حطيت مرهم اسود- يساعد على خروج الوسخ منها و الصديد – بس الالام واي الله لا يعيدها من ايام
حبيبتي .. الدمل له اسباب عديده و منها ..

•السمنة.
• تعاطي أدوية الكورتيزون
• نقص الحديد في الدم
• مرض السكري
• أمراض كرات الدم البيضاء
• أمراض الكلى
• أمراض سرطان الدم
• الأدوية المثبطة للمناعة
• سوء التغذية • تناول فيتامين (أ) لمدة طويلة.

و أهم شي المضاد الحيوي ،، لازم نلتزم بالمده حتى لو تشافينا

ألف سلامه اختي ، واي صعبه بالريل