تأخير الدورة الشهرية

السلام عليكم
بغيت اسالكم خواتي منو فيكم تاخرت عليها الدورة اكثر من شهرين و طلعت مو حامل ؟؟
شنو اسباب التاخير تعتقدون هل راجعتوا طبيب و شنو العلاج

انا اول مره تصير معاي تاخرت علي اخر مره ياتني بتاريخ 12/6 و ليلحين و رحت الطبيب سويت سونار داخلي قالي ما كو حمل و لا فيه مشكله كل شي اوكي
بس نطري و راح تنزل عليج و كتبلي حبوب اخذ منهم حبه لمدة 5 ايام و عقب ما اتركها ب3 ايام راح تنزل و ليلحين ما نزلت ما ادري شسوي
اذا وحدة تقدر تفيدني

إي أنا جذي بعد تتأخر علي بس بدون سبب والمشكلة إني أقعد شهرين وأدري إني مو حامل بس مادري ليش ما أنزلها أعتقد النفسية والتفكير له دور

سلام عليكم
خلي الدكتور يفحص الفحص العادي يشوف لان انا كنت جذي وطلع معاي قرحة بالرحم بالسونار مايبين ولاا لتحاليل

والله اانا سمعت ان النفسيه تلعب دور بالدوره وخربطتها .. اعرف ناس جذي مشكلتهم والسبب النفسيه

بنات انا ليلحين ما نزلت علي و رحت دكتورة غير الدكتور الي عطاني الدوا ماكو فايدة
الدكتورة عطتني دوا اسمه جاسمين تقول اخذي حبة كل يوم لمدة 7 ايام و عقبها وقفي و راح تنزل الدورة
والله تعبت الصراحة فيني عوار دورة و مانزلت و خدامتي مسافرة والله تعبانة و دوام و شغل البيت
اووف لو تنزل افتك من عوارها

انا .. صآرت نفس الحآله معااي

ذبحني عواارها .. لدرجـة اني مااتحرك .. وخااصه بيووم موعدهاا .. وكل شوي اقول بتنزل .. وماكوو شي

وتم العواار معاااااااي طووول الشهر .. ومااكلت حبووب تنزلها خفت .. واحلل مااكوو شي

..وساافرت .. ومااكنت اقعد . فرااره .. وتمشي

ونزلت علي .. اخر الشهر يعني طــآفت موعدها بشهر وكم يوم

وفي نااس تتأخر عنهم شهرين كاااملييين … ويعطوونهم حبوووب تنظم الدووره بس رااح تنزل .. ان شالله

عــادي ريحي عممرج .. بس مآلوومج نفسيتج بتتعب .. لو تنزل ترتااحين

شوفى اهم شي لا تفكرين فيهااااا انسيهاا كثر التفكير والمحاتاه يأثر

جربي تشربين اعشااب تنزلهاا شوفى عند العطار شي ينفع … سووى عيش بحلبه مره قريت عن الحلبه فوائدهااا حيل حلوة تنزل الدوره

وان شاءالله تنتظم عندج يااارب الله يعينج

الله كريم انا ناطره ما بيدي شي مشكورين بنات على ردودكم

حبيبتي انا معاج

اخر مرة نزلت 3_6

وليلحين ماشرفت وحللت وطبعا ماكو حمل

وهم رحت طيبة وعطوني حبوب اخذها 5ايام وبعدها تنزل

والحين قاعد اخذها والله كريم

الله يعينه

يارب يارب

انشالله يارب تكونين حامل

يااخي شسالفتنا انا معاي هالمشكله بعد أخر دوره كانت 27 /6وللحين مانزلت بس انا سويت سونار بخاص قالولي تكيسات وتحتاجين لمنظار ولما راجعت الحومي قالوا هذا السونار ما منه فايده لانج سويته والدوره مانزلت تعالي بتاريخ 8/8 لازم نزلها بعد مانعيد تحليل الحمل لانه يمكن تكونين حامل وللحين انطر الفرج ولا بعد ماراجعت

يالله

ان شاءالله خير

انا اليوم معاي مغص و عوار دورة بس اقدر اتحمله
و نزل دم شوية كلش يعني على هالعوار هقيت اكثر و بس من الصبح لي الحين ماكو شي الا العوار و قاعد يزيد واي تعبت صج تعبانه
حتى بنزلتها عسرة
يعني اعرف بنات اذا تاخرت عليهم بس اتيهم عاد اتهد مره وحده
و ناطرة والله تعبانه حتى بالدوام غصب اداوم الكرسي ذبحني و قعدة المكتب