تبون اوريكم العين الحمرا

السلام عليكم
بنات موضوعي وااضح
صارلي فترة عيوني حمرة مادري من شنو؟
رحت الطبيب عطاني قطرة معقم ومافادني
وقريت عن قطرة بروزلين ومانسبتني كلش
زااد الحمار لمى استخدمتها
الحين شسوي؟
ولاتقولون من الههعدسات انا البس عدسات طبية من حونسون صارلي سنتين وكثير مرتاحه عليهم؟
شنو المشكلة تهقون؟

حبيبتي روحي طبيب العيون في خيطان مادري شنو اسمه بس عايلته المطيري عند الجسر حق دخله خيطان اهو طبيب في البحر وعنده عياده خاصه بشوفلك رقمه واسمه وبعطيك اياه ان شاالله الله يشفيك ويشفي بناتي والمسلمين اجمعين يارب

شوووووووووكرا
الله يجزاك خير

انا عندي نفس المشكلة وتوني راجعت طبيب العيون قالي لان عيني حيل ناشفة الظاهر على قولتج من العدسات ترى تنشف العين حطي مرطب والحين انا قاعدة احط المرطب والله كريم

انا يصير معاي مثلج من يدش الصيف …… من الحر والسموم الي بالجو تتأثر العين ….. الله يلطف فينا…..ز بس حاولي تكثرين سوائل احتمال جفاف من جونا الحار

العنوان موصج خخخخخخخخخخخخخخخخخخ
عموما حبيبتي العدسات مع الجو المغبر او الرطوبه = حساسيه + جفاااف
شوفي دكتور زين >>د.عبدالله المنصور او د.جمال الكندري او غيره من الدكاتره الزينين + حطي كمادات ثلج او بارده>>وحده بوحده

انزين يمكن رمد ترا منتشر هالايام ولازم ماتخلينه ترى كلش موزين
انا توني مخلصه منه الحمدالله لوساكته اشوي جان انعميت لاني اخر شي قمت ما اشوف لين عالجته وقعدت شهر يالله ردلي النظر
رحت حق اربع دكاتره واحسن واحد فيهم انترناشونال كلنك
ديررررررررررررررري بالج عدل

ونصيحه لا تجسينه كلش لا كمادات ولا بطيخ لانها خربت عيني الحين بدلي روحي طبيب زين والله يخليج لاتروحين حق خالد السبتي
لانه راح يبدع فيج