أجهضت بأمريكا و متوهقة بالاعشاب بليز اللي تعرف تفيدني

السلام عليكم

بنات انا سويت عمليه تنظيفات امس

انا بأمريكا و ما عندي اعشاب النفاس

و ما عندنا يمنا جمعيه او مكان يبيعون فيه اشياء عربيه

بس خليت ريلي يروح الجمعيه العاديه و يدورلي الاعشاب

لقيت زعتر بس اعشاب مو جاي

و دارسين عواده هم مو جاي

شلون اسويهم مثل الجاي ؟؟

و الحمدلله لقيت جاي بابونج اتوقع انه يفيد

بس حاليا هذا اللي لقيته تتوقعون كافي ؟ و ياريت تفيدوني بالزعتر و الدارسين شلون اسويه مثل الجاي ؟

و مشكوووورين مقدما

ماتشوفين شر حبيبتي

خبيرة أعشاب أم خالد بالمول اتفيدج راسليها او دقي عليها واهي ماتقصر

سلامات حبيبتى

ما تشوفين شر ,,الزعتر غسليه وحطيه بغورى تقريبااا2ملعقه مع 2الى 3جلاصات ماى وفوحيه شويه

وبعدين صبيه بمطاره اذا عندج اوشربيه على طول على طول اليوم ,,

ونفس الشى الدارسين غسليه بماى وحطى 4تاى 5 اعواد مع 3جلاصات ماى وفوحيه 5 دقايق

تقريبااا وما تشوفين شر ,,,,

ماتشوفين شر

الحمدلله على السلامة
وماتشوفين شر

انشالله يفيدونج البنات

حمدالله على السلامه
اهم شيء دفي حالج والبسي دلاغات ولفه على راسج ولاتجوعين (اه اه يالجوع على طول خراب وبهذله)..
انتبهي لعمرج ولاتشربين حوامض وبوارد.
وطمنيني عنج.

حبيبتي مشكوووره
و يزاج الله خير

الله يسلمج حبيبتي
مشكووووره يالغاليه و الحين بسويلي زعتر ان شالله

و الشر ما ايييج يالغاليه ربي يوفقج حبيبتي و يسعدج

الشر ما اييج حبيبتي مشكوره

الله يسلمج يالغاليه و الشر ما اييج
مشكوووره

ايييي على طول مدفيه نفسي و صج مشكوره مادري ان ما يصير اشرب اشياء بارده

مشكوووره يالغاليه و ربي يحفظج و يسعدج

الحمدلله عالسلامة اهم شي حبيبتي العجين كثري منه عاملي نفسج كانج نفاس سوي سيرج على نظام فيافي للاجهاظ بالنت حدة عجيب مادري الحلبة زينة كشراب وبعد تمر ورشاد ينظف الرحم مع السمن بس مادري ينوجدون ولا لا اهتمي بنفسج حبيبتي من ناحية التدفئة لين تنظفين لبسي دلاق وحاولي اتبخرين بمرة لاتقوليلي ماعندي لان والله لو كل وحدة عرفت استخداماتها وفوائدها ماتخليها وقلبي معاج وطمنيني عليج

حمدلله على سلامتج وماتشوفين شر ….الله يعوضج ..
ديري بالج تجوعين …لاللجوع..لاللجوع….لاللجوع…لاللجوع
اكيد في محلات للبهارات ….اشتري فلفل اسود حطيه مع المعكرونة والحليب والدارسي بعد
وشاي الميرمية والحلبة بعد مهمين
الله يردج بالسلامة

شوفي اعتمدي على المعجنات يعني بيصيرلج مثل المرقوق والقبوط
مثل محلات الباستا والمعكرونية لمدة اسبوعين
ولا تحاتين الوزن اهم شئ رحمج ولاحقة على الرجيم
ودبريلج محل بامريكا دوري بالنت يوصلج حلبة وحبة البركة السودة ورشاد
ولهوم وشاي اعشاب
المهم ترى انا مرة تعورت ورحت للدكتور وقالي في دوا يخلي البطن والرحم يتقلص ويطلع الوصخ منه لون الحبة بني
ونظفت نفسي بنفسي بدون تنظيفات ولله الحمد والمنة
وماتشوفين شر اهم شئ سوائل دافية وتتدفين لا يدشج هوا ولا تتسبحين كل يوم يكفي مساح جسمج بماي وصابون وبس
ولا تغسلين شعرج اذا تقدرين
وتنفسي عشان تحملين مرة ثانية
ولا تنسين دعاء انا لله وانا اليه راجعون اللهم اجرني في مصيبتي واخلفني خيرا منها

مشكوووورين بناااات و ما قصرتوا

انا بسوي اللي قلتولي عليه

و قاعده استخدم الدارسين و الفلفل الاسود و البابونج و الزعتر

للاسف ما لقيت الباجي ما اعرف اسم الحلبه بالانجليزي

و ما اتوقع عندهم مره و ميراميه

و الله كريم ان شالله

مشكووووريييين وااايد واااايد

انا صار فيني نفس الشي
بس حبيت أنبهج ان التنظيفات هي عمليه يتم فيها قشط كل مافي الرحم …. يعني الرحم نظيف ميه بالميه ومافيه أي بقايا
وبعد التنظيفات الدكتور يخاف لا يصير نزيف عندج لأنهم قاشطين الرحم
فديري بالج حبيبتي وماله داعي تشربين أدويه لأن مثل ماقلتلج ان الرحم منظفينه عدل ( مو مثل الولاده لازم تستعملين شغلات تنظف الرحم )
فما تحتاجين الا الزعتر وطريقته انج تنقعينه بماي حار 5 دقايق أو أقل ( ملعقه وسط على كوب ماي مغلي )لاتفوحينه راح يصير مر حييل
والبابونج ممتاز حتى للبشره
وبس … والدم راح يوقف خلال 5 أيام أو 10 وراح يكون خفيف
وسلامتج

حبيبتي والله نبهتيني صج اخاف يصير فيني نزيف من كثر ما اخذ الادويه

انا الحين وقف علي الدم

شكلي ماراح اخذ اادويه بعد بس الزعتر و البابونج

مشكوره حبيبتيو ما قصرتي