مرض الئبة الحمراء ,, استفسار

السلام عليكم

بنات انا معاي الذيبة الحمرا ما ادري جان سمعتو عن هالمرض من قبل ولا لأ
وايد اكتئب ويضيق خلقي خصوصا انه خطابي وايد بس لما يسمعون انه فيني هالمرض يتراجعون

بنات حبيت اعرف اذا تعرفون احد يعاني من المرض ..
وشلون عايشه حياتها ؟؟؟ يعني عادي اتزوج ؟؟
ما في خطر يصير تشوه للأجنة وقت الحمال خصوصا اني اتعالج بحبوب ؟؟؟؟؟؟؟؟

وادعو لي الله يشافيني ويفرج همي

الله يشافيج عاجل غير آجل يارب العالمين .

بسم الله الرحمن الرحيم ((وَإِنْ يَمْسَسْكَ اللَّهُ بِضُرٍّ فَلا كَاشِفَ لَهُ إِلا هُوَ وَإِنْ يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدِيرٌ )) صدق الله العلي العظيم

قصتي الحقيقيه معاناة مايعلم فيها الا رب العالمين :-

https://www.q8yat.net/showthread.php?t=210482

‏عن النبي – ‏صلى الله عليه وسلم ‏‏قال :-

من عاد مريضا لم يحضر أجله فقال عنده سبع مرار ‏ ‏أسأل الله العظيم رب العرش العظيم أن يشفيك إلا عافاه الله من ذلك المرض

ادعولي الشفاء والتوفيق وشكرا…

حبيبتي الله يشافيج
المرض هذا يبيله مداراه
بنت عمتي فيها
والحمدالله متزوجه وعنها عيال
وعلى فكره اهو انواع
وعالجت في لندن
بس تتعب شوي لما يتغير الموسم
واي استفسار انا بالخدمه

بنت الكويت

مشكوورة حبيبتي ..

والله يشافيج يااارب وكل مرضى المسلمين
هو ولي ذلك والقادر عليه ..

دنيا الوله

مشكور حبيبيتي
انا اعاني من هالمرض من مدة طويلة من 6 سنين تقريبا
والحمدالله حالتي حاليا مستقرة ..

بس بسألج بنت عمتج الله يشافيها نوع الذئبة اللي عندها الجهازي
يعني اللي يأثر على اجهزة الجسم .. والمفاصل لأنه انا هذا اللي معاي

ولآخذ حبوب علاج وهذا اللي احاتيه .. لاني كارهه هالحبوب
وأخاف تأثر علي بالمستقبل ..

تتعب بالحمال ؟؟

ومشكرة ع الرد والله يشافيها يارب

بنات ياريت اي احد عنده فكرة عن الموضوع او يعاني منه تشاركني

والله يشافي كل مريض ياااارب

فله ساره انا عندي هذا المرض اعاني منه وموجود بالكله واخذ كرتزون ودواء السلسبت ولونه بنفسجي فاتح واي استفسار انا حاضره وصار لي الحين 5 سنوات اعالجه ورحت لندن نفس كلام الكويت بس انتي وين تعالجين بالكويت

اهو عباره عن مرض مزمن

الله يشافيج

الله يشافيج

بنت الجواد

حبيبتي الله يشفينا وكل مرضى المسلمين …

وانا نفس الشي صار لي 5 سنين عندي هالمرض بالبداية كان مأثر على المفاصل.. عوااار ..وكنت اراجع عند دكتور سامي بمستشفى المواساة على ما أذكر اول ما بدا معاي المرض وهو اللي شخص انه معاي وهم فترة راجعت عندعيادة د. عادل العوضي
وبعدين آخر سنتين أثر على الكلى وتعبت واايد د.دكتور عادل دخلني مستشفى الأميري ..وارجع هناك حاليا عند د.كابور
مال الباطنية بالأميري ..

بالبداية عطوني السلسبت بس كان قوي على معدتي ما تحملته.. عطوني بداله (ماي فورتيك )بالاضافة للكورتزون وكالسيوم
وحبوب ضغط نورفاسك وديوفان

و مثل ما قلتي رحت لندن بالبداية كاستشارة قالوا نفس كلام الكويت وعقب ما تعبت ثاني مرة رحت علاج للخارج بألمانيا
وقالوا انه علاج الكويت صح وما قصرو معاي …

اسمحيلي بس أسألج :

متى بدا معاج المرض .. ؟؟؟ وعند منو تراجعين …؟؟
وشلون وضعج ألحين .. ؟؟ قالولج شي بأسباب المرض

آسفة سألت وايد .. ومشكورة بعد عمري

فديت عيوني

مشكوورة ياعمري ما قصرتي

عذوووب85

مشكوورة يا عمري ما قصرتي

هلا وغلا سارونه
لاعادي اختي اسالي الي تبينه وانا حاضره كل سؤال تبينه
ان شاء الله الله يشفيج ويشفيني ويشفي مرض المسلمين اجمعين

*بالنسبه للسؤال الاول :متي بدا معاج المرض ؟
-حبيبتي ساره انا بدا معاي المرض اكثر من7 سنوات بس للاسف ما عرفت شنو المرض لان رحت حق مستشفيات الحكومه وتعرفين الدكاتره اللي هناك ما يعرفون شي ورحت حق اكثر من دكتور ما عرفو شنو فيني وبدا معاي مثلج عوار في المفاصل وقالو لي فيج روماتيزم وبعدين قالو فيج انيميا حاده وقعدت ثلاث سنوات وانا ماني عارفه شنو فيني من دكتور الي دكتور لما تعبت حالتي ويعني الدكاتره اللي رحت لها ما تعرف شي

*بالنسبه للسؤال الثاني : عند منو تراجعين ؟
انا الحين الحمدلله اراجع عند دكتور وائل رشيد بمستشفي الاميري واهو ما يدوم بالمستشفي لا بالعياده وعياده موجوده في الشعب مجمع ابها وتري انصحج فيه دكتور شاطر وفاهم حتي لندن يسالون عنه لان تقارير الكويت معاي في لندن وسافو كل شي قالولي ما يحتاج تجين عندنا لان دكتورج شاطر وفاهم تري انا بعد نفسج اكل حبوب والضغط بس الحمدلله انا الحين لا وقفتهم الحمدلله من الدكتور قالي ما يحتاج لان المرض خامد حالين وقفته لله الحمد

*بالنسبه للسؤال الثالث : شنو وضعي الحين ؟
الحمدلله علي كل حال المرض حالين خامد والحاله مستقره ولله الحمد وتري سارونه انا وانتي احسن من غيرنا تري المرض هذا له علاج بس في امراض الحين طالعه مالها علاج بالنسبه لحبوب الضغط وقفتها والحمدلله

*بالنسبه للسؤال الرابع : بالنسبه لاسباب المرض ؟
يقول الدكتور يجي من الله ما له شغل بشي بس يمكن يكون من النيميا الحادة (( ضعف الدم )) وتري اهو مرض مزمن مثل السكر والضغط بس حبيبتي لازم تحرصين علي العلاج ما تخلينه تاكلينه كل يوم تري الحريم الكبار يقولون لي هذا جايج من العين لان كنت عروس وجاني بعد عرسي بسنه حملت ثلاث مرات وتعورت وجاني المرض هذا وسالت الدكتور قلتله من الحمال قال لي لا هذا فيج من يوم كنتي صغيره يعني من رب العالمين الحمد لله علي كل حال بس قالي الدكتور في ناس واجد متزوجات وعندهم عيال عادي بس الحمال لازم يكون دكتور الكلي عند خبر وتسوين تحاليل ويقولج اذا تقدرين تحملين وله تاجلينه بعدين بس تري عادي ماله مضر في الحمال وهذا انا قالي تقدرين تحملين لان اذا تبين تحملين يعطيج دواء اخف من الدواء اللي تستخدمينه الحين يعني دواء ما يضر حق الجنين وكل شي بيد رب العالمين يمكن يروح المرض منج ادعي ربج وان شاء الله يشفيج ويشفيني ويشفي المسلمين اجمعين

سارونه انا انصحج بالدكتور وائل رشيد شاطر وفاهم روحي له وادعيلي راح يشوف حالتج ويمكن يوقف لج دواء الضغط ويمكن يغير لج الادويه تراه فاهم وشاطر حتي لندن رحت حق كذا دكتور كللهم قالو لي ان دكتورج شاطر ماله داعي تجين لندن
هذا رقم الدكتور وتري اهو الحين مسافروراح يجي الدكتور من السفر باجر لان عنده موتمر في فرنسا اتصلت ابي موعد قالت لي السكرتيره انه مسافر ويجي تاريخ 11-11 يعني عقب باجر و انا لي موعد معاه يوم الخميس 13 -11 الاسبوع الجاي
واسمه دكتور وائل عبد المحسن الرشيد
اواهو استشار امراض الباطنيه والكلي
وعند البورد الامريكي والكندي يعني دارس بامريكا وكندا
الشعب البحري – مجمع ابها
ت : 22613400
وهذا ان طلعت لج اوراقي وتقاريري وسجلت لج اسمه ورقمه وعنوانه روحي وشوفيه
واذا تبين شي انا حاضره

شخبارج ساره وينج اذا تبين شي انا حاضره

خواتي اللي فيها هالمرض فيه له علاج انشالله يقضي عليه تماما عندنا واحدمن سنين معاه وعالج بكل مكان وكل لنواع الادويه وبالاخير الله هداه حق الدكتور محمد الهاشمي اهوه عسل واعشاب وفعلا تحسن عنده انشالله اجيب الرقم واحطه لفايدة الكل

والحمد الله على كل حال

اختج سارة