|
|
…………
هذي اول مشاركة لي وحبيت افضفض شوي واقولكم عن حالتي..
………………………………………….. ………………………………………….. ….
………………………………………….. ………………………………………….. ….
………………………………………….. ………………………………………….. ….
يوم 2/2/2002 اكتشفت انه في مرض الصرع واهو عبارة عن مرض ناتج عن زيادة النشاط الكهربائي لبعض مناطق المخ بصورة مفاجئة وذلك يؤدي الى نوبات من فقدان الوعي – مع ظهور حركات متتالية في أجزاء الجسم المختلفة ثم يتبع ذلك فترة سكون ونوم في بعض الأحيان.
محد يدري عن حالتي الا اقرب المقربين مني وينعدون على الاصابع حتي خواتي مو كلهم يدرون!!
اللي مضيق خلقي انه اغلب الناس بالكويت اذا اسمعوا كلمة صرع على طول (واااي يمه ويكشون) ونظراتهم تكون غريبة اول مادخلت الجامعة عندنا دكتوره الله يرحمها توفت واهيا تمشي طاحت فجأة وماتت ويقولون انه كان فيها صرع! لا تشوفون شلون البنات تقلبت اويوهم لما اسمعوا عن مرضها! اخترعوا وحالتهم حاله .. واعرف بنات يقولون لو اشوف احد جذي ما اقرب وانحاش..!! انا متأكدة انه في وايد حالات بالكويت فيهم صرع واغلبهم مايتكلمون بهالموضوع..!
ودي اقول للكل انه فيني صرع بس امي الله يهداها ماتبي احد يدري تقول ماله داعي! والمشكلة نظرة الناس ومجتمعنا عن هالمرض!!
انا تيني الحالة اذا ماخذيت كفايتي من النوم اطيح و تقريبا تيني مرة بالسنة وكلما تيني اكون مخربطة بالدوا ماكون ماخذته عدل مطنشة بجم جرعه وكله عبالي انه خلاص مافيني شي.. احس فيها اذا بتيني والحمدالله والشكر ما اقعد او انسدح!لأ كله عبالي اقدر اقاومها واقول مافيني شي اخر مرة طحت قبل سنة وشهرين وكورس العلاج 3 سنين اذا ماطحت فيهم راح يخففون الدوا عني بالتدريج..
الاجانب عادي عندهم يقولون حق الكل احنا هني مجتمعنا غريب يعني اتوقع لو واحد ايي يخطب وحده ويكتشف انه فيها صرع يهون.. انا الحمدالله متزوجه ولد عمتي يوم درى قال مو مشكله لانه اهوا يبيني بس لو خطبة من بره ما اتوقع راح تكمل!! وانا مو زعلانه او ضايق خلقي من اللي فيني بالعكس هذا ابتلاء وقاعدة أؤجر عليه باذن الله
اتمنى اني ماطولت عليكم بس ابي اطلع اللي بقلبي لاني مليت من انه كلشي يكون بالخش والدس
]
واهو عادي مايخوف لهالدرجه
وانا اعرف وحده متزوجه شخص فيه هالمرض وكانت تدري قبل لا تتزوج وماشكلها اي مشكله مع إنه ماايصيرلها……..
بس احنا العرب انخااف من كل شي وتقدرين اتقولين اشووي معقدين لااا موو اشوي إلاااا معقدين بشكل مووطبيعي بس مووو الكل لكن الأغلبيه ..
والله لما اشوف براامج اجنبيه في حاااالاااااات غريبه عجيبه وعاااااااااادي كلهم ثقه بنفسهم ويتزوجون ومحد ايهمهم لان اللي حواليهم ماعندهم نظره دونيه لهم ……..
والله يصبرج على النااس اللي عندهم التفكير ال…..
(((إن الله اذا أحب عبدا إبتلاه)))
صح كلامج نظرة مجتمعنا متخلفة في هالسوالف بس صدقيني مو كل الناس جذي
ما تنلامين لانج خاشته
اجر وعافية
.gif "Eh S(7)")
والف الحمدلله ان اللي فيج شي قابل للعلاج ولو ان علاجه يطول
اما من ناحية نظره الناس فهالشي عادي يقلبي احنا بمجتمع وتزال مأثره فيه هالنظريات
وهذا شي بيد رب العباد
وتدرين بالكويت لازم يسووون من الحبه قبه
لا تخافين ولا تحاتين روحي مستشفى الاميري
عندهم عياده خاصه وروحي حق دكتور اسمه شيكر وااايد زين
عن تجربه سابقه ،،
والله كريم واهوا العالنم بالحال