|
|
هلا حياكم الله حبيباتي
ان شاء الله مبسوطين ومرتاحين
تعالو معي اعطيكم اللهوم حق النجديات 
الحريم السنعات
ولا عليكم قصور ياخواتي الكويتيات
بس نفيد بعض ونتبادل الخبرات
بس ها !!
الله الله تدعون لصاحبة اللهوم وهي مداويه شعبيه
بدوام الصحه والعافيه
ويجعله بميزان حسناتها يارب
وينفع به جميع المسلمات
لهوم العشرين يوم الاولى من النفاس ولهوم الخوى والخراب :
المقادير:
نص كاسه حبه سوداء غير مطحونه
ملعقه كبيره فلفل اسود مطحون
3 كاسات سكر مطحون
4 ملاعق كبيره رزنه مطحونه
4 ملاعق كبيره كركم حب انتي تطحنينه
اكاس مطحون من كل من:
شمر -يانسون- نونخه- كمون- عرق ظهر
2 كاس مطحون من كل من:
حلبه – ماش اخضر- ماش ابيض -عدس
تخلطينهم كلهم سوا بعد الطحن وتحطيها بعلبه جافه
وتستخدم مرتين باليوم ملعقه كبيره
طبعا الكميه بتكون مره كبيره
فانتي سويها ووزعي على جيرانك
وخواتك وبنات عمانك وبنات خيلانك
واحتسبي الاجر
وكلها اشياء بسيطه ما تكلف
وسلامتكم
نورتي صفحتي
ربي يشفي مريوم ان شاء الله ويخفف عليها
عرق ظهر
الباجي اعرفهم بس هذيلي ؟؟ ما مروا علي ؟؟ موجودين بالكويت ولا بس بالسعوديه ؟؟
وهي اللي تعطي اللهوم الللون الاخضر
اسألي العطار ولا اعرف لا اسم ثاني
والعرق بعد هذا اسمه انا يوم اخذها من العطار بالرياض بنفس الاسم هذا
اتوقع متوفره بكل العطارين
عندنا مرررره دارجة الاستخدام
واكيد تنفع حق الدوره
والبنات الخاويات ياخذون هذا اللهوم
وطعمه مره حلو
وبامكانك تتحكمي بكميات السكر
بس طريقة اكله
ملعقه كبيره على كوب حليب دافي
ولا مع حنيني مفروك اي شئ بر يعني
اقصد الطحين الاسمر يعني
والله يجعله في ميزان حسناتج وحسنات المداوية الشعبية صاحبة الوصفه
ماقصرتي
وحيالله اهل نجد ومن وين في نجد هالمداوية