|
باختصار عندي خلطة لعلاج الثعلبه وهي مضمونه ومجربه من صاحبه الخلطة وعلى بنت اخوي لانها صارت فيها ثعلبه بشعرها فجأه بحدود 3 فراغات بشعرها ، فهذه هي الخلطة وتوكلي على الله
((( ما ابي غير الدعاء حق المرأه صاحبة الخلطة بالحج)))
وزيدوا عليه ( الدعاء بالشفاء لاخوي ، وخالتي ، وجدي )
وجزاكم الله كل خير
لانكم تعرفون فايدة الدعاء بظهر الغيب
نبدأ بمكونات الخلطة
تروحون للعطار اول شئ،
بعدين تشترون منه:
تتن ورق ( بتاع السجاير ) انتبهوا عدل /// شناذر زرقه
الطريقه :
تحمسون التتن لما يسود هذا اولا /
وبعدين تطبخونه مع دهن طبخ او حتى زيت زيتون ويطبخ لما يفور /
وبعدين تضيفون شناذر ( كيمية قليله شفتي ملعقة الشاي الصغيره على قولت امي راسها مو تكثرون/ وخلوه لما يطبخ.واذا فار طفي النار.
و لما يبرد حطوه بعلبة حنا كنا نستخدمه ببطل ماي صحة.
قبل الاستخدام حكي المنطقه بثوم لفترة وبعدين استخدمي الخلطة نفس طريقة حك الثوم..
ملاحظة :
1) انتبهي لكمية الشناذر الزرقة تكون شوي ( مثل ما تقول امي راس القفشة/ مو كثير))
2) تستخدم بعد حك المكان بالثوم ، وهي بارده .
ولا تنسونا بالدعاء وجزاكم الله كل خير.
انا ولدي راسة كلة فييها ثعلبة ينفع احطها له 0والخلطات موجودة عند عطار معين او عند اي واحد
والله ياحياتي بالنسبة لتساقط الشعر انا ما ادري عنه بس إلي جربته وشفته على مكان معين بس
الشناذر شنو اهي وبعدين التتن يعني نطلعهم من اي زقاير عادي
لعيون اللي تبي العلاج مروه
شكراااااا عن المساعدة
الوالدة مرة سوت لخالى خلطة سهلة كانت فيه ثعلبة كبيرة براسه ولحيته راحت كلش
سوت الخلطة وهى :
تاخذون كمية من الحنة اى نوع من الحنة وبعدين تحمسونها بروحها بدون اى شى وحطوا بعلبة
وبس …….
واخذوا شويه من المحموس وحطوا عليه شوى مااااااى وحطوه على المكان باليوم جم مرة والله ثانى او ثالث يوم ماااااكو شى
ورفيجة بنتى واختها ومرت اخوها طاحت حواجبهم من الحف بالصالون
بس دقت على بنتى انا سوت الطريفة والله علمت الخدامة وقلت لها ماما حمسى واجد واجد وعطيتها لبنتى وودتها حك رفيجتها
اقسم بااااالله اتصلت على بنتى ومو عارفة شلون تشكرها
وكلهم طابوا والحمدالله
وانا اسفة انى تدخلت على موضوع الاخت رهف
بس حبيت زيادة الخير خيرين
ومع السلامه