مساعدة

السلام عليكم:

بنات منو تعرف عن تكيس المبيض وشلون العلاج مع العلم اني غير متزوجة

ماتشوفين شر

اول شي تراجعين طبيبه امراض نساء ولاده تسويلج سونار وسوي وياج تحليل هرمونات الي تسوينه خامس يوم الدوره وتعطيج العلاج وان شاء الله ماعليج الا العافيه

عسي الشر مايجيج

سويت كل هذا و ما عطني شىء

لا حبيبتي اول شي روحي للطبيب

والعلاج المناسب للتكيسااات الجلوفاكج مجرب

بس لازم تستشيرين الطبيب

ومن ناحيه الاعشاب الطبيه عندج القرفه والحلبه

شلون وياج تكيس ولا عطاج علاج حبيبتي لازم انتي رحتي طبيب شنو

حبيبتي اعرف ثنتين من زميلاتي بناتهم جاهم التكيس وعلجوهم بس انه يرجع 00 وتعرفت على داية قالت لي احسن علاج للتكيس الأعشاب لأن كان معي ومازال يروح ويجي علي 00

التكيس احيانا يكون طبيعي يروح و يرد بس بشرط مايكون المبيض منتفخ وايد و هذا يبين بالسونار. أهم علاج و أيضا سبب لمنع التكيس هو تخفيف الوزن لانه الدهون الزايده تسبب اضطراب فى هرمونات الدوره و بالتالي تأدي الى تكيس. أنا كان فيني مره و رحت حق عياده د ماجده اليتامي و شافتني دكتوره مصريه اسمها شرين و سوت لي سونار اظني لازم يكون السونار بين اليوم الثالث الى السابع من الدوره عشان تبين المبايض عدل بالسونار. المهم الدكتوره ماطولت علاطول قالت تكيس و هاتش روحي اشتري حبوب الدايان ملوت منع الحمل و أنا كنت مومتزوجه و خفت أخذهم يسوون لي عقم بعدين لاسمح الله فكشت بالدكتوره و قلت استشير غيرها فرعت عن دفتوح الفضاله الي بعياده د.سميره العوضي و عادت سوت لي السونار للاطمئنان فقالت ماكو شي الموجود شي بسيط طبيعي يروح و ير من نفسه و مو لازم حبرب منع الحمل اذا مو حابتهم. و هم رحت حق طبيب المستوصف و سوالي تحليل هرمونات و قال لا لاتخذين حبوب منع الحمل لان التكيس يبين أيضا بالهرمونات مو بس بالسونار و اذا ما كانت الهرمونات فيها شي اذا التكيس هذا مو مرضي. المهم حبيبتب انتش تروحين عن طبيب نساء يسويلتش التحاليل و يعرف نوع حالتش بالضبط و لاتتأخرين روحي باقرب وقت.

* مشرفة الطب والصحه & وطني الكويت:

لأ ن عندى جدار الرحم صار حجمه 18 سم و المفروض الطبيعي 7سم وقاعد يعالجني من هذا

* السعودية تاج راسي:

شنو الأعشاب

* ام صالح:

سويت تحليل الهرمونات وحمدالله ماعندي شىء

رفــــــــــــــــــــــــــــــــــــــــــــــــ ــــع

عندج زيادة بالوزن؟

انا بنتي عمرها 13 سنه وعندها تلخبط بالدوره وسولها سونار وقالت الدكتوره شكلها عندها تكيس بالمبايض بعد ناطره نتيجه تحليل الهرمون يطلع عشان تمشيلها الدكتوره علاج واذا انتي عندج سمنه لازم تسوين رجيم ساعات السمنه تسوي التكيس بس بنتي مافيها وزن زايد وزنها طبيعي وناطره نتيجه الهرمونات عشان تمشيلي لها علاج وبجرب كلامكم بعطيها حلبه ودارسين وانشالله فيه الفايده
وماتشوفين شر اختي ولازم تعطيج علاج

تكيس المبايض عادة ما يكون أحد اسباب العقم والناتج عن عدم التبويض , ولذلك فان الفحوصات اللازمة هى :

الاستدلال عن التبويض من عدمه

اولا:- عن طريق السونار ومتابعة نمو البويضة داخل المبيض

ثانيا :- عن طريق فحوصات مخبرية للهرمونات الانثوية المختلفة فى ايام معينة من الدورة

ثالثا :- عن طريق فحص الغشاء المبطن للرحم باخذ عينة من الرحم اما فى العيادة الخارجية او تحت مخدر عام .

رابعا:- عن طريق المنظار وملاحظة علامات التبويض فى المبيض

خامساً :- قياس درجة الحرارة للجسم يويما حيث ترتفع درجة حرارة الجسم بفعل الهرمون البروجسترون وذلك بعد حدوث التبويض .

سادسا :- دراسة انتظام او عدم انتظام الدورة مع حدوث ألم فى منتصف الدورة قد يعطى انطباعا عن حدوث التبويض اما العلاج فيكون كالتالى :

اذا تاكد الطبيب بان سبب العقم هو عدم التبويض فان العلاج يكون بالهرمونات المنشطة للتبويض او عن طريق اجراء عملية منظار لكوى وتفجير الأكياس فى المبيض

انا كان فيني تكييس وبين بالسونار وتحليل الهرمونات وكان من النوع الشديد يعني الاخصاب عندي كان قريب من العقم
بس الحمد لله رحت للدكتور محمد دسوقي في عيادة بوشهري كلينك وعطاني حبوب ديان وجلوكوفاج بكمية اهو مقدرها وعطاني مضاد للهرمون خذيت الديان وجلوكوفاج مدة سنة و7 شهور وراح كل التكيس اللي فيني حتى الهرمونات ردت طبيعية وشكل جسمي رد طبيعي لأن قبل كان التكيس نافخ جسمي وصدري كان كبير ويابس من هرمون الحليب
الحين الحمد لله صار لي تقريبا سنتين من العلاج مافيني الا العافية وصديقتي سوالها الدكتور عملية للتكيس ورد لها بعدين.

https://www.q8yat.net/showthread.php?t=143203

حبيت افيدج يالغاليه شوفي موضوعي

حبيبتي انتظمت الدوره عندج الحين وجم حبه كلوكوفاج كنتي تاخذين باليوم؟ ((رفيجتي تسال))