ظهري بعد الدورة يعورني : ليش؟ : تجاربكم

السلام عليكم

بنات

انا ظهري اخر يوم او يومين من الدورة وبعد ما انظف ظهري يعورني

لاحظتها من جم دروة.. مو من بعيد

في احد مثلي؟

ومن شنو ؟

ابي تجاربكم

: (

اي والله انا نفسج مادري شالسبب

ما ادري اذا انتي بنت او متزوجه ؟؟

لا مو متزوجه

أعتقد هذا هبوط رحم يبيله تروحين لمرة تدلك الظهر ليمن يرتفع الرحم …….

تحسين برطوبة ؟؟؟

: (

اي نعم في رطوبة الله المستعان

وشنو اتسوي هذي المراة ؟

يعني مشروع الزواج أنساه أو شنو ؟

انا قبل الدوره ظهري يعورني

لا تنسين موضوع الزواج ولا شي
ان شاء الله ما عليج الا العافيه
بس يمكن ما تتدفين عدل وقت الدورة عشان جذي تتعبين
ما تشوفين شر

الشر ما يجيكم

من ناحية قبل الدورة

ظهري وبطني وكل يعورني

امووووت واحيا

وبإذن الله اتدفى عدل

شربي اثناء الدورة زعتر ومرامية

وتدفي

و بالحمام غسلي بس جسمك لاتغسلين شعرك

تسلمون والله

مع ان هذا رابع ل يوم لي بعد الدورة

وهو يعورني : (

الحمدلله على كل حاال

شالسبب بس نغسل جسمنا وشعرنا لا ؟
ماقدر والله اتحمل جذي لازم اتسبح كامل واذا كان الماي دافي ارتاح وايدددد