مدرسة الفحيحيل النموذجيه

السلام عليكم بنات
ابي معلومات عن هالمدرسه وتدريسهم
اللي عندها معلومات ياليت تفيدنا

سمعت عنها
بس ان شالله البنات يفيدونج باذن الله

بناتكم وينكم
عفيه اللي بنتهاا او ولدها بالمدرسه تفيدنااا

ان شالله اي وحدة عندها فكرة عن الموضوع تفديج

موفقه يارب

حتى انا ابي اعرف عفيه بنااات ساعدونا

أنا بعد ودي أعرف عن رياض الأطفال عندهم .. طريقة التدريس و بجم بالسنه
اللي عندها فكره تفيدنا حبايبي

المدرسه مستواها جيد جدا وبالمقارنه مع مدارس الحكومه اعطيها امتياز
المدرسات تقريبا ٩٠٪ ممتازين ومعاملتهم حلوه مع الطلبه ولكل قاعده شواذ يعني لابد في كم ابله ايدها ولسانها طويل لكن الاداره متعاونه ومهتمه اي شكوى ضد الابله مايقصرون فيها
رسومها بالسنه للابتدائي ٧٢٥تقريبا من غير المواصلات والروضه تقريبا٥٠٠
في تجمع لاولياء امور طلبة الفحيحيل النموذجيه بالمنتدى سوي سيرش بقوقل و شوفي اراء الامهات بالمدرسه
وبالمدرسه في فصول خاصه لبطيئي التعلم واللي يعانون من مشاكل بالتركيز والنطق

الفرصه بالمدرسه يفصلون فيها طلبة اولى وثانيه عن ثالثه ورابعه. والبنات فرصتهم بروح اما الروضه لهم فصولهم وساحتهم الخاصه يعني ما يحتكون بالابتدائي

الاخصائيه حبوبه ومتعاونه مع اولياء الامور لكن الشي الوحيد اللي ما عجبني بالدرسه هي الممرضه لانها مقصره بدورها و دايما بالمقصف تبيع  وهالشي حيل حرني وقهرني واشتكيت عند الاخصائيه بس ابو طبيع ما يخلي طبعه واللي خلاني اشتكي ان في بنت طايحه ومتعوره باسنانها وتنزف دخلوها غرفة الممرضه ونقعت ربع ساعه وتغرقت بدمها والممرضه ما شرفت*

انا دخلت عيالي فيها بس ماعجبتني تحسفت مافي فرق عن الحكومه اهمال في توزيع الخطط اذا غاب الولد يقعد كم يوم علي مايعطونه خطه الاسبوع مونفس المستوي اللي تخيلته علي مدحهم لها

شاااكره لكم مشاركتكم
فديتكم حبايبي

اب اب
نبي مشاركاتكم امهااات

بنات عندهم تسجيل اللحين لروضه ولا لا,,,انا ولدي باولى بس مادرس الكورس الاول الا شهر..

وينكم امهات
نبي مشاركاتكم

ودي ادخل بنتي فيها السنه اليايه وانقلها من الحكومه
بنتي بتروح رابعه
ياليت تكلمونا عن مستوى تدريسهم
اذا نفس الحكومه والابلات اهمال وغياب ماكو فايده
ابي اي وحده عندها بنت فيها او ولد وبمراحل رابعه او خامسه اوسادس
ابي فزعتكم امهااااات