|
|
السلام عليكم و رحمة الله و بركاته
شلونكم شخباركم
يا بنات السالفه و مافيها
ان بنتي بالصف الثامن اسم الله عليها دايما متفوقه من الابتدائي للحين وهي متفوقه اسم الله عليها ومن العشره الاوائل
وعمره محد من الابلات تشكى منها او نزلت للمديره
السالفه تعرفون الصف الثامن الرياضيات المنهج فيه شوي صعب
و ابلتهم مادري شقول عنها اول مره اشوف ابله جذيه
يا طويلات العمر بنتي بالحصه يوم الاربعاء كانت الابله تشرح ومافهمت نقطه سالتها وقالت بكل ادب ابله ممكن تشرحينها لي مره ثانيه مافهمتها
عصبت و قالت انتي تستعبطين تفهمين ولا ماتفهمين لاتحرجيني عند البنات و تشتتين عقولهم انا لما قالتلي عيوني صارو جذيه @@
و طردتها من الحصه وقالت انزلي للمديره اول ماراحت للمديره انصدمت منها لانها تعرف بنتي و قالت لها السالفه وقالت ردي صفج ردت بس الابله مادخلتها
و انا ثاني يوم رحت عندها المدرسه و طلعت غايبه وقالت المديره ماعليه ومايصير خاطرج الا طيب
لكن انا بتفاهم معاها وبروح المدرسه بشوف شسالفتها
بنتي ماغلطت هاذي وظيفة الابله تفهم و تشرح للبنات ولا انا غلطانه
اول مره اشوف ابله جذيه بس حسابها معاي تبي تخرب السنه على بنتي يعني
اهدي >>> حتى بنتي كل يوم ترد تبجي والسبب صعوبة المنهج والمدرسة ما تفهمها عدل والقاعده بصوب والاسئلة بصوب ثاني .
اطلبي مقابلة المدرسة لكن مو تتهاوشين لا فهميها ان البنت من المتفوقات واطلبي منها انها ما تعامل بنتج بهالاسلوب علشان ما تحبطها .>> ومن وراها كلمي رئيسة القسم علشان تزورها وتشوف بعينها اذا تفهم والا لا ، خليها تعرف ان الشكوى لها اثر على المدرسة
امتصي غضب المدرسة علشان ما تأذيها ولا تفشلها جدام البنات مره ثانيه وخاصه ان بناتنا بعمر المراهقه وحساسات
والله يعينا على هالمنهج الصعب ومتعب والبنات مو ملحقات بالدرسة كثافه بالدروس مو طبيعيه
انتي تتوقعين انه الابله تطردها جذي من غير سبب ؟؟
لان اللي الكلام اللي كتبتيه عادي ومايستحق الطرد
شوفي البنت شنو مسوية او شنو قايله للابله
انا ادرس ثامن
البنات بسن مراهقة وسلوكهم مو ثابت
خل اقولج بعض المواقف
تخيلي بالامتحان البنت تلف على زميلتها تطالع بورقتها التصرف الصح اسحب ورقتها
واعلم ابلة الماده اللي قاعده تمتحن فيها انها قاعد تغش عشان يحطون صفر
انا قلت خل اعطيها فرصة قلت لها ان تحركتي حطيت صفر تخيلي شسوت طالعتني من فوق لحدر @@ ومارضت تنزل عيونها @@
شوفي وهذا بامتحان كان ممكن اوديها ورا الشمس!! اكتفيت باني امسح فيها الارض ويعتبر هالتصرف رحمة لها والصدمة انه البنت هذي طالبة عندي فحفظت شكلها وكلمت الابلات عنها وقالولي شسمها الكل يبي يعرفه المهم هذي البنت حطيتها براسي وقلت راح امشيها على الصراط المستقيم اي ممكن اطوف للبنات الثانيات اما هذي اهيا اللي حطت نفسها تحت المجهر !!
اللي ابي اوصله من خلال كلام الابله انه بنتج استفزتها وقللت من شأنها وهذا لايقبل الابله اكبر منها عمرا وبمحل مسؤوليه
والا ليش الابله تقول لاتحرجيني جدام البنات وابصملج انه هذا جزء من الحقيقه بنتج ماقالتلج كل السالفه
حطي نفسج بمكان الابله ماراح ترضين بتقليل الاحترام من اي طالبه
احنا كنا طالبات وانتي بعد شكثر بلاوي كنا نسويها ولي رحنا عند اهلينا نغير الحقيقه بالكلام 
نصيحه لله الابله لها صلاحيات هائله منها تسولف عن بنتج حق كل الابلات وتسب فيها وحتى ممكن تطعن باخلاقها تخيلي وراح يصدقونها!!
ممكن تمشي بين الاقسام وتتكلم ابنتج انها قليلة ادب ولسانها طويل فكل الابلات راح يكرهونها ويحطون عليها
فوق هذا لها الصلاحية اتكلم الادارة وكل شوي تنزل بنتج لهم وشوفي البهذله اللي راح تاكلها
الواجب انج تنبهين بنتج تخاطب الابلات باحترام عشان الابله ترتاح واهيا تعطي ولاتستفز او تغلط على الابله لان كلش مو بصالحها
نشوف بعض البنات يستفزون الابلات وهذيل مايهمهم بالنهاية ساقطة واي ابله مااتعب نفسها معاهم كافي اوقفها وييها على الطوفه طول الحصه! اما مثل بنتج لا ينخاف عليها ولازم تنبهينها من تصرفات بعض البنات الطائشة
ونصيحة دام اني ابلة متوسط
اشوف استهتار كبير من بعض البنات
اييبون تلفونات فيها بلاوي
صور خليعه وحركات وصخه بالحمامات
دام ان بنتج سمله عليها متفوقه حافظي عليها نبهيها من التصرفات السيئه اللي يسونها البنات ترا البنات بسرعه يتأثرون ويقلدون
انا عن نفسي دايما نصح طالباتي والحمدالله يسمعون ويتفاعلون الدور عليكم توعونهم وتحافظون عليهم عشان مايضيعون
والله نخاف علييهم حرام بهالاعمار محد قاعد يوعيهم على المشاكل اللي ممكن تصيرلهم
| اطلبي مقابلة المدرسة لكن مو تتهاوشين لا فهميها ان البنت من المتفوقات واطلبي منها انها ما تعامل بنتج بهالاسلوب علشان ما تحبطها .>> ومن وراها كلمي رئيسة القسم علشان تزورها وتشوف بعينها اذا تفهم والا لا ، خليها تعرف ان الشكوى لها اثر على المدرسة |
شنو راح تسوي رئيسة القسم؟
ماتقدر تسوي شي لان الابله معاشها واصلها واصلها!
وكافي تسوي شغل لرئيسة القسم والادارة ولا تاخذ الامتياز واهي مرتاحه!
انا احب اصحح المعالجه
كلمي بنتج وحلفيها عالقران تقولج السالفه كامله
خليها تروح للابله تكلمها بروحها وتقولها ابله انا اسفه لو حسيتي اني غلطت عليج وان شالله مااكررها
شوفي شلون راح تتغير معاملة الابله مع بنتج وتحبها وتقدرها ولا وراح توصي عليها وتمدح باخلاقها بعد وهذي النتيجه اللي نبي نوصلها
ترا البنات المتفوقات لهم معاملة خاصة واساميهم تتناقل بين الابلات ويساعدوونهم ويراعونهم حييييييل
والله رئيسة القسم عندنا قالتلها طالبة على غشمرة ابله جذبتي علينا
يت بعد الحصة اهيا ورفيجاتها قالت ابله سامحيني انا اقط حجي مااثمنه لاتزعلين
احنا كلنا قمنا انطالع بالبنت والله قلت ياحلوها ورئيسة القسم استانست منها
بالنهاية الابلات بشر يحتاجون تقدير على جهودهم
بس لاتهملين السالفه
الله يوفق بنتج
لكن اذا بنتج قالت للابله عيدي الشرح بطريقه حسست الابله ان البنت غلطت عليها اكيد بتكون ردت
فعل الابله انها تحرجها وتطردها من الحصه
انتي حاولي تعرفين السالفه من الابله او الافضل تقولين لبنتج تروح الفرصه تكلم الابله وتعتذر لها وتقول لها ابله انتي فهمتيني غلط وتمتص غضب الابله وتكسب ودها وماله داعي تكبرين الموضوع للناظره او رئيسة القسم
واذاااااااااااا تكررت السالفه هنيه روحي كلمي الابله قدام الناظره
وبسسسسسسسسسسسسسسسس هذي مشاكل عاديه تصير للمراهقات الله يوفق بنتج
وكل تفكيرهم بالمعاش نازل نازل لو شنو
شنو هالتفكير العقل صار واطي وكل همه المعاش
خصوصا مجتمع المدارس عووووووووووووع
وتراني منهم وفيهم بس استغربت انه بنتي توني ادرسهاا وصج هذا اهو التفكير
للاسف حسافه على التربيه كان التدريس قبل حلوووووو الحين اجيال بنات هالوقت للاسف واخسارتااااااااااه
ابلت بنتي قطعت كتابها بقلمها الاحمر يدها قاسيه ع الكتب والنجمه تشخطها من غير نفسسسسسسسسس
888
88
8
مخصوص لابلات اللغه العربيه مو مشكلتنا اذا انتو مضغوطين انتو رضيتو بهالوضع تحملووووووو
ياشين ابلات هالوقت بس