بنتي بتدخل الإبتدائي ساعدوني بليييييييييييييييييز

الله يعينج حبيبتي على دخول اوراد حق الابتدائي,,ولو اعرف قاعده حلبيه جان انا اول من دلج على الطريج,بس للاسف ما اعرف

والله يوفقها ويطلعها من الاوائل من غير معاهد

عشان لاتكره الدراسه راح يصير عليها ضغط خليها ترتاح ولاحقه على الدورات

اولى ابتدائي ماتخوف بالعكس المنهج سهل وسلس الله يوفقها

اهم شي انها تحب المدرسه لو حبتها راح يكون كل شي اوكي

وحاليا انا مدخله بناتي بصباح السالم بمدرسه الرؤيه ياخذون بالشهر 35 علي الياهل ويداومون العصر من الخمس ونص لين السبع
كل ايام الاسبوع ماعدا الخميس واليمعه

اقتباس:

المشاركة الأصلية كتبت بواسطة م فطومه ياقلبي نصيحة لاتدخلينها الحين خليها بالعطله شهر 8 عشان لاتكره الدراسه راح يصير عليها ضغط خليها ترتاح ولاحقه على الدورات اولى ابتدائي ماتخوف بالعكس المنهج سهل وسلس الله يوفقها اهم شي انها تحب المدرسه لو حبتها راح يكون كل شي اوكي

كلام سليم 100%

لا تستعيلون على البنت ..

ولا تضغطونها

انا معلمه … ولو شايفه ان فيها مصلحه ..جان دخلت عيالي … بس انا خليتها للصيف و دخلت ولدي 3 اشهر بما اننا مو مسافرين و الحمدلله الولد تعلم وايد و تحسنت قراءته بشكل كبير

اقتباس:

المشاركة الأصلية كتبت بواسطة مشغوله و محتاسه كلام سليم 100% لا تستعيلون على البنت .. ولا تضغطونها انا معلمه … ولو شايفه ان فيها مصلحه ..جان دخلت عيالي … بس انا خليتها للصيف و دخلت ولدي 3 اشهر بما اننا مو مسافرين و الحمدلله الولد تعلم وايد و تحسنت قراءته بشكل كبير

حبيبتي مشكوره وماقصرتي

في دورات في معهد المعلمين انا كل سنه ادخل ولدي تكون بداية شهر 8 وايد حلوه وتهيا الولد للدراسه ولا فيها اي ضغط ولا شي لانها كلها ساعه او ساعتين وبس على حسب المواد وانا ادخل عربي ورياضيات لان الانجليزي جدا بسيط في اولى ابتدائي..

عموما تر في دورات في بدايه السنه يوزعونها على الطلبه اذا شفتي بنتج تعبانه وياها وديها مع اني افضل الصيف او شهر 8 وايد اريح للأمهات.

والله يعينج ويعينا انا بعد بنتي اولى ابتدائي هالسنه.