ابي نادي بصباح السالم

قوة

الله يخليكم ابي حالا بالا………….نادي بصباح السالم او حوله القرين او العدان ابي اودي عيالي (من 3/ الى 8)
اللي تعرف تساعدني لاتقصرون

اكون شاكرة لكم

هلا اختي

انا اعرف نادي الطفل المسلم بس صراحه مو لي هناكـ

سجلت عيالي السنه اللي طافت مو شي ابد

بس في نادي سمعت عنه وايد بس بصراحه ماعرفه كلمت صاحبه المكان وايد راقيه وفاهمه شغلها

اللي سمعت عنها انها تربويه متخرجه من امريكا بس ملتزمه واغلب برامجها تثقيفيه

موجودهـ بالعدان اسم حضانتها ( بيبي اكاديمي )

الشهر بـ 70 دينار بس اللي منعني عنه ماعندها مواصلات وانا مشكلتي المواصلات

اذا تبين الرقم راسليني وانا ادزهـ من عيوني …

شدعوا محد يعرف اندية بمحافظة مبارك الكبير
ابي اللي يعرف يرد ابي الخيارات كثر
على العموم مشكورةياكويتية ماقصرتي

نادي الرؤية – في مدرسة الرؤية ثنائيةاللغة اعلانه نزل كذا مرة بالجرايد
واليوم نازل بالوطن

انشالله البنات افيدونج حبيبتى

جم رقمهم مدرسة الرؤية بدق عليهم بالاول

نادي مدرسة التكامل العالمية بصباح السالم ،
فيه فترتين وإذا تبين العصر فيه من 4 ونص لمن 8 ونص ، وفي مواصلات همن .

وإن شاء الله تنورين : )

مثل ما قالوا لك البنات في نادي مدرسه الرؤيه او التكامل اثنينهم بين العدان وصباح السالم
وعندك بعد في قطعه 7 نادي اسمه شي…..النورانيه اقراه لماااا امر من هناك ….. ورفيجتي تمدحه
واللللله يعيييينك…..,ويساعدني احصل لعيالي

مشكورين حبيباتي
ماقصرتوا

يعطيكم العافية