بوصفار الرضع شسوي فيه

السلام عليكم ورحمة الله

بنتي عمررهاا 4 أيام … وفيهاا بصفار … واعطيهااا سكر نبات وماي ومادري شسوي

افيدوني قولولي اوديهااا الطبيب

روحي للطبيب افضل

4 ايام ما تتحمل شي

للرفع

الطبيب بقولج الرضاعة الطبيعية توخر البوصفار
و تعرضينها بالشمس من الساعة 7 مو 10 او 12 لازم مبجر

والله يااختي وديها الطبيب احسن
لان يسوون لها تحليل حق البوصفار
اذا خفيف تعطينها ماي وسكر ونبات وتعرضينها للشمس الفير
اذا نسبته وايد يمكن في علاج ثاني
لان بنتي كان فيها
لاتخافين كل اليهال ب هالعمر فيهم

الرضاعة الطبيعية راح ينصحونج فيها اذا كانت تحت المعدل الخطر

اما اذا فوق المعدل راح يدخلونها ليلة وحدة تحت جهاز .. وماعليها شر يارب

وديها الطبيب بس الخاص مو الحكومي مثل مستشفى العدان انا بنتي كان فيها وديتها العدااان غربلووووها حسبي الله عليهم

وما تشوف شر انشاءالله

اختي اذا فيها بوصفار قوي راح يقولون لج انومها بالمستشفى وتحاليل وخرابيط انا ولدي كان فيه وعالي ومن دكتور لي دكتور ومارضيت اخليه ينام بس قالوا لي قطي عيونه وحطي ليت عليه ماذكر والله شنو اسمه اليت الازرق نيون يمكن وان شاء الله ماعليها شر

رضعيها طبيعي وطلعيها بشمس بتبانه

وإن شاء الله خير

عادي

بيزيد وراح يقل مع الوقت

اذا مر اسبوعين وما قل وديها

ترا الصفار شي طبيعي بالرضع

وعلى فكرة انا ما عطيت وليدي ماي وسكر نبات
ترا علاج الصفار الرضاعه بانتظام

لازم تحليل بوصفار عشان اذا النسبه عاليه دخول مستشفى يحطون البيبي تحت الاشعه و ترى سبحان الله ساعات حليب الام يزيد نسبه بوصفار مثل ماصار معاي انا و نصحوني بليت نيون احطع علو ويهه و ماي و سكر نبات و اعرضه لشمس و عند الحواي اعشاب عصفر لرضع حق بوصفار تغلينه بشويه ماي و تحلينه بسكر نبات و هذا الكلام نصحتني فيه استشاريه الاطفال

اذا وديتيها الطبيب يا ويلج لو قالوا نسحب ماي من ظهرها و وافقتي ترى بسم الله عليها تنشل
انتي صبري عليها يومين ع الاقل اذا ما راح وديها

تسلمون ياحياتي

انا بنتي نومها اسبووع لانه كان مررتفع

وبنت خالتي كانت تطلع من المشتشفي وتلبسهم سلسال ذهب وتعطيهم سكر نبات
والحمدلله

بس اهم شئ تتأكدين من التحاليل

دمثه حبيبتي حمدالله عالسلامه وصدقيني اخذيها نصيحه من اختج ام خالد جربي هالدوا وادعي لي ربي يهون علي ولادتي وييسرهاااااا ولاتقولين اعشاب وخايفه كل اهلنا والعالم مجربتهاااا وقبل ولدي بالحضانه البوصفار طاااااااق العالي وطلعته علي مسؤوليتي عقب مادقت علي رفيجتي جزاها الله خير
https://www.q8yat.net/showthread.php?t=597617