|
|
السلام عليكم خواتي
معاكم اختكم اسيرة قلبه توني والد بنتي ما كملت شهرين
و ارضعها طبيعي و لله الحمد
طبعا هذي مو اول مره.. انا رضعت بنتي الكبيره طبيعي
وعلى الرغم من اني اشوف ان الرضاعه الطبيعيه اسهل و اريح من الصناعي بس هذا ما يمنع ان تكون في بعض الصعوبات
و اكيد كل وحده فيكم عندها مشكله او صعوبه معينه مع الرضاعه الطبيعيه
فخلونا بنات نتناقش بهالموضوع و نتبادل الخبرات في حل بعض المشكلات المتعلقه بالرضاعه الطبيعيه وفي نفس الوقت نشجع بعضنا البعض على الاستمرار عليها
لان ماكو على حليب الام هو الغذاء المثاااااااااااااااااااااالي للطفل هذا غير فوائده الثانيه للام و الطفل
انا ولدي البجر ما رضعته من صدري لاني كنت صغيره بالسن و عليميه بس كنت احس بذنب كبير استمر معاي عدة اشهر
بس والله اني تعبت تعب مع ولدي ما يعلم فيه الا الله
طبعا معااااااانااااة مع الغازاااات اه يا الغازات
ويوم طحنا على الحليب اللي يناسبه
طلعتلنا مشكلة ثانية الا و هي الامساك
و كان كل شهر يستمرض
يا لوز يا كحه يا نشله يا صخونه يا نزله معويه يا بلغم يا التهاب
واي واي ما بقا طبيب ما فتحنا ملف عنده
و طبعا زيارة الطبيب شهرية لااااااازم
عطيناه مضادات لمن قال بس
لدرجة ان صار عندي خبره بالادويه
من عقبها عاهدت نفسي ان طفلي الثاني لازم ارضعه طبيعي على الاقل ست شهور
و الحمدلله فرقت بنتي وااااايد
كانت تنام عدل لانها ما تعاني من الغازات
وماشاء الله لا اله الا الله ما دخلت الطبيب الا يوم كملت سنه و شهرين
الحين اترك الميكرفون لكم
يالا عاد لا تفشلوني و اثروا الموضوع بخبراتكم
ابي اعرف جم رضعه تعطون عيالكم في اليوم
انا تقريبا كل ساعه و نص او ساعتين
و انتوا
اول ما رضعتها معانا تشققت الحلمه ويطلع دم وصارت متعسره لان ما يشبعها وانا مالي خلق كل 5 دقايق ارضعها
فقررت اني اعطيها حليب صناعي مع الرضاعه فكنت اعطيها حليب صناعي 3-2 مرات باليوم بس عشان تشبع وتنام وكانت هالطريقه تسويلها غازات لان الحليبين مع بعض يسوون غازات
يوم طلعت من الاربعين لا الحمدالله نتظمت الرضاعه وقام صدري ما يعورني لان ستخدمت الكرم البنفسجي وحده بوحده
المهم سافرت مع ريلي وهديت بنتي بالكويت هناك بعد 5 ايام نزلت على الدوره لاول مره عقب الولاده لاني هديت الرضاعه وتحسفت بس شسوي ريلي ما رضه اخذها معاي يوم رديت الكويت رضعتها لمده تقريبا شهر وبس مره وحده باليوم اول شي لانها ما تبي خلاص تعودت على الممه وثاني شي لان قل الحليب
بس بعدين ما قمت ارضعها نهائيا كله حليب صناعي بس انشالله عيالي المستقبليين راح ارضعهم كثر مااقدر
بس حذاري ترضعين جدام احد
انا بقول هالسالفه وكيفكم والله انها صج
تقول رفيجتي انه امها ترضعهم سنتين كاملين كل خوانها تقول في اختها الصغيره كانت الام ترضع جان تدش عليها رفيجتها لاحظي رفيجتها جان تقولها وااي انا كل ما ادخل عليج وانتي ترضعين والله تقول ما مرت ايام الا رسمت عين على صدرها وصار فيها المرض الشين وضلت سنين تعاني منه وتوفت هذه ام رفيجتي وهي نصحتني اول ما ولدت طبعا انا نصرعت وكلش ما ارضعها قبال احد
|
المشاركة الأصلية كتبت بواسطة miss-fofo
 شوفي شتري الجهاز الي يشفط الحليب من مذر ير ماركه ……. امبي نسيت اسمها اذا ذكرت اقولج بس قواطيها لونهم اصفر وشفطي وحطي بالممه وعطي اذا طلعتي او اذا انتي رايحه زواره عادي روحي اي غرفه او مكان محد قاعد في ورضعي انا كنت بالسياره عادي ارضع لان مقيمه واتغطى
بس حذاري ترضعين جدام احد انا بقول هالسالفه وكيفكم والله انها صج تقول رفيجتي انه امها ترضعهم سنتين كاملين كل خوانها تقول في اختها الصغيره كانت الام ترضع جان تدش عليها رفيجتها لاحظي رفيجتها جان تقولها وااي انا كل ما ادخل عليج وانتي ترضعين والله تقول ما مرت ايام الا رسمت عين على صدرها وصار فيها المرض الشين وضلت سنين تعاني منه وتوفت هذه ام رفيجتي وهي نصحتني اول ما ولدت طبعا انا نصرعت وكلش ما ارضعها قبال احد |
جزاج الله خير هذي اهم نقطة بالرضاعة لاني عانيت منها وتعبت بس الحمد لله من فضل ربي علي شافاني
|
المشاركة الأصلية كتبت بواسطة nooor_al_3een
زين بسال سؤال مهم حيل الحين لو الطفل ماتقبل الصدر اخليه لين يجوع ويقبله غصب ولو كنت طالعه ومارضعته صدري بيطلع حليب واذا كنت مع زوجي (( في وضع الجماع )) هم ينزل الحليب ولا شنو ؟؟ فهموني عندي استفسارات واجد مو لاقيه لها رد
|
هههههه اسئلتج محرجة بس لا حياء في العلم والدين
لازم تحاولين بكل الطرق ان ولدج يتقبل صدرج وسبحان الله فطرة بالطفل يمص صدر امه مافيه طفل مايبي صدر امه وحنانها ولمتها
لا تقولين مايبي صدري حجة او مايتقبل مستحيل
قولي انا مااعرف ارضع ممكن وضعيتج غلط او مافيج حليب او تاكلين ادوية او شي تاثر على الحليب فيكرهه الطفل
بس طفل مايبي صدر امه هذي شيليها من قاموسج عشان تتشجعين ترضعين طبيعي ولا تنسين تتغذين تغذية سليمة
والاوضاع الي قلتي عنها ينزل حليب
ايه عزيزتي الحليب ينزل في كل وقت ومكان سبحان الله عشان جذي اخذي لج شفاطة وشفطي فيها قبل لا تطلعين وحطيه بالرضاعة وترى مدة صلاحية حليب الام تطوي ماني متاكدة جم
شرايج وحدة سافرت يومين وردت وولدها مايشرب الا الحليب الطبيعي حطته بالرضاعات وبالثلاجة يطلعونه اهلها يدفونه ويعطونه سبحان الله
الحليب الحلبة التمر يدرون الحليب سبحان الله
رضاعة موفقة مليئة بالحب والحنان والسعادة والرضى
من تجربتي لازم ع الام المرضع تاخذ فيتامينات احسن لصحتها وصحه الطفل
معاناااااه لما ترضع من صدري والحين احس صدري نشف !!! |
المشاركة الأصلية كتبت بواسطة ^danah^
موضووووع يه في وقته انا حليب صدري نشف شسوي ؟؟؟!!! وبنتي ماتحب ترضع من صدري تفضل الممه
معاناااااه لما ترضع من صدري والحين احس صدري نشف !!! |
اكيد كنتي وايد تعطينه ممه واذا نشف صعب يرد الحليب
كل مرة اقول برضع ومااصبر ..!! ومع الدوام بعد كلش مايساعد
شلون تقولين ان الطبيعي ينومه بالعكس احس بسرعه يقووم او مايشبع بليز قوليلي تجربتج شلون تحسين انه يشبع
انا لمن اعطيه صناعي ينام بس يمكن غازات ماادري
والله ودي اوقف بس احس بالذنب شلون اقدر اكمل لي اكثر مده الله يكوون بالعون 24 بحضني ماكو فجه ؟؟؟؟ شنو الحل؟
|
المشاركة الأصلية كتبت بواسطة miss-fofo
انا رضعت بنتي 3 شهور هي بجري
اول ما رضعتها معانا تشققت الحلمه ويطلع دم وصارت متعسره لان ما يشبعها وانا مالي خلق كل 5 دقايق ارضعها فقررت اني اعطيها حليب صناعي مع الرضاعه فكنت اعطيها حليب صناعي 3-2 مرات باليوم بس عشان تشبع وتنام وكانت هالطريقه تسويلها غازات لان الحليبين مع بعض يسوون غازات يوم طلعت من الاربعين لا الحمدالله نتظمت الرضاعه وقام صدري ما يعورني لان ستخدمت الكرم البنفسجي وحده بوحده المهم سافرت مع ريلي وهديت بنتي بالكويت هناك بعد 5 ايام نزلت على الدوره لاول مره عقب الولاده لاني هديت الرضاعه وتحسفت بس شسوي ريلي ما رضه اخذها معاي يوم رديت الكويت رضعتها لمده تقريبا شهر وبس مره وحده باليوم اول شي لانها ما تبي خلاص تعودت على الممه وثاني شي لان قل الحليب |
حياج اختي
هذي مشكلة الرضاعه المشتركه
الياهل يجرب المميه و لانها اسهل يرفض صدر امه