|
السلام عليكم
حبيباتي بسألكم ولدي لما جبته مافي شي ولا شي سليم
قبل يومين طاح مريض لوز وحرارة مال تغير الجو شي طبيعي
الطبيب دايما نراجع عنده اول مرة سألني ولدج لما جبتية في فتحة بقلبه قلتة لا لا لا لا لا
قال في فوق قلبة صوت وبعطيج تحويل للصدري
رحت المستوصف وكشفت الدكتورة ونفس الكلام حولتني الصدري
ابي اسالكم اشلون وشنو هذا
يبا لا توسوسين توكلي على الله ومافيه الا العافية
وترى وايد اطفال بعد 3شهور تتسكر بروحه
لاتحاتين
وترى عيال الكويت منتشره بينهم
واي سؤال حياج واشرحلج
ولاتخافين ترى شي بسيط
بس لاتتأخرين وراجعي الصدري باسرع وقت
طمنينا عليه
ولدي عمره شهر ونص فديته
تعب علي بسبة الاحتقان والبلغم
وديته بالليل مستوصف الحكومه وعادي مجرد ادول وبس
اليوم الثاني الي اهو امس الخميس قالت عمته حرام شكله تعبان حيل
خذيته وديته دكتور خاص اسمه بندر المطيري معروف انه شاطر حيييييييل خصوصا للجهاز التنفسي
يوم حط السماعه على قلب ولدي….. قعد يسالني اساله غريبه
حسيت فيه شي
قعد على مكتبه وقال انا راح احوله على اختصاصي امراض قلب
انا هنيه انصدمت وماقدرت اتكلم
قال ولدج فيه صوت بقلبه موطبيعي واحتمال انها فتحه بالقلب
ولازم لازم تعرضينه على دكتور قلب او تودينه مستشفى الصدري
قلتله ابي خاص مابي الصدري
حولني عاد على دكتور مصطفى القبندي وقال لازم ياخذله سونار على القلب نشوف شنو مشكلته
عاد الله يصبرني ليوم الاحد…. الدكتور مايداوم الا يوم الاحد
الي مستغربه منه ان ولدي يوم جبته قلتلهم بالمستشفى جيكو على قلبه واكدت عليهم يشوفون قلبه<<<< احساس الام
وقالوا مافيه شي ممتااااااااااااز
وبعد الولاده باسبوع هم وديته مراجعه بالمستشفى الي انولد فيها وقالوا سليم ماكو شي
ودكتور المستوصف حط السماعه عليه وماقالي فيه شي بس قال فيه بلغم بصدره
تكفون بنات ادعوله انه يطلع سليم
والله يخليه لي هو وخواته
ويطلع سليم ومعافى
وما تشوفين شر يارب
بدعيله من قلبي حاسة بيكي حبيبتي
يارب ما يطلع شىء
ويطلع سليم ومعافى وما تشوفين شر يارب بدعيله من قلبي حاسة بيكي حبيبتي |
جزاج الله خير حبيبتي
والله حاسه قلبي يعورني من الخووووووف عليه
أسال الله العظيم رب العرش العظيم ان يشفيه
أسال الله العظيم رب العرش العظيم ان يشفيه
أسال الله العظيم رب العرش العظيم ان يشفيه
أسال الله العظيم رب العرش العظيم ان يشفيه
أسال الله العظيم رب العرش العظيم ان يشفيه
أسال الله العظيم رب العرش العظيم ان يشفيه
يالله يارب ياكريم يشافيه ويعافيه لج ويطلع مافيه الى العافيه يارب
وحبيبتي انشاءالله مافيه شي بس ترى فتحه القلب وايد يهال فيهم وسبحان الله بعد جم شهر تتسكر بروحها بنت اخوي كان فيها والدكاتره قالوا راح تتسكر وصج تسكرت بس انشاءالله الله يريح قلبج ويطلع مافيه الى العافيه يارب
ومافي شي لاتحاتين ان شاالله كل هالصوت من صدره والبلغم وطمنينا عليه حبيبي