لديكـ بنوته ايقظي الانوثة بداخلها - مهم لكل آمـ

السلام عليكم

موضوع عجبني وحبيت انقله لكم خليجية

———

للي عندها بنوته وتبغى تدلعها

*** قبل ما نبدا لازم تفهمي حاجة مهمة عن الدلع

– الدلع مومعناه المياعة والنوم وقلة الشغل زي ما البعض فاهمين لاااااااااااا

– الدلع سلوك انثوي طبيعي موجود في تركيبة كل انثى بس في ناس تنميه وفيه ناس تدفنه

– عشان تتدللين بنتك وتعلمينها الدلال من صغرها وتحافظ على انوثتها وجاذبيتها بحركات بسيطة :

– انتي قدوتها في كل شئ فكوني خير مثل يحتذى

– دلعي بنوتتك في كل شئ (مظهرها-سلوكها-قناعتها عن نفسها)

أولا /مظهرها الخارجي:

اهتمامها بنفسها – شعرها – لبسها – اكسسواراتها – دولابها -فساتينها – حركاتها ,,,,

فـــي الـبـيـت

– لبسيها بجامة ناااعمه ..

مــع جـــوارب أو شـبـاشـب للـبـيـت

بـلوزة مـع تـنـورة شـيـاكـة وذوق

شوفي الدلع الطفولي والفطري (طبيعي ولاااااااايق)

علميها اول ما تصحى الصباح تفرش اسنانها وتتوضأ وتصلي

حمام طفلتك (اكرمكم الله):

لازم يتنظف باستمرار

حطي لها شبشب طفولي حلو

اكسسوارات حمام ناعمة

– روب حمام بناتي نظيف يفتح النفس

– مناشف صغيرة وحدة لوجهها الحلو ، ووحدة تجفف فيها المنطقة الحساسة بلطف ( لها وحدها
خليها تستخدم عطورات اطفااااااااااال واكرر حطي مليون خط تحت اطفال(تكفون عطور حريم لااااا)،بس بشرط علميها متى ووين تستخدمها

– تبدل ملابسها وتختار هي الشئ اللي نفسها تلبسه من الدولاب بمساعدة منك (طبعا لازم تعلمينها كيف تختار وكيف تنسق ) يعني مو تروحين السوق تشترين لها خليها تشارك في الاختيار عشان تتعلم ولا تلغين شخصيتها خلي عندها ثقة بذوقها( وانا اعرف حريم ترسل بنتها مع ابوها وتختارعلى كيفها) غلط
لالالالالا افراط ولا تفريط روحي معها ووعيها باللي يصلح واللي ما يصلح من ناحية الستر او من ناحية الالوان او من ناحية القيمة
– وبعدين اختبري بعد كذا اختيارها اذا كان مناسب اعطيها حرية الاختيار بعد كذا ودائما قولي لها انا اثق بذوقك

– شاوريها في لبسك لما تلبسين وقولي لها مثلا: طلعي لي اساور لايقة على لبسي –طيب ايش رأيك لو اخذنا ذا اللون وهكذا

والتقدير يزرع الثقة

والثقة ركن اساسي للدلال(عمرك شفتي وحدة دلوعة وماعندها ثقة في نفسها؟؟؟؟)- وصدقيني العلم في الصغر كالنقش في الحجر

– اشتري لها منتجات عناية بالبشرة خاصة

عوديها ترطب شفايفها باستمرار خاصة في الصيف واحلى مرطب(لابيلو) اشتري لها واحد خاص بها واذا مافيه الفازلين مافيه منه للشفايف

الاكسسوارات

– خليها تلبس اكسسوارات اطفاااال(اساور –حلق-خاتم-ساعة يد) وحطي تحت كلمة اطفال مليون خط (لاتلبسيها شئ اكبر من سنها)

شعر طفلتك :

– عوديها تعتني فيه لانه تاج الجمال، اشتري لها مشط بنوتي

ويبقى الجزء الاكبر من المهمة مسئوليتك كأم

00ابدعي في تسريح شعرها لتظهري جمال طفولتها البرئ:

في الحفلات والعزومات البسيطة
لازم تعرفين ان مظهر طفلتك من مظهرك واناقتها مكمل لأناقتك

يعني مو معقولة تشوفين وحدة انيقة ، ولما تشوفين بنتها تلاقيها مبهذلة

لبسيها فستان انيق ساتر وحلو والوانه زاهية او بلوزة وتنورة مخصصة للطلعات وابتعدي قدر المستطاع عن الفساتين ذات الظهر العاري او ذات الخيوط من فوق الاكتاف او القصيرة بشكل منفر وخليها تتعود على الستر-حطي لها طوق على شعرها أو شباصات مناسبة

بعض المرات لبسيها لبس اميرة او ملكة حسسيها انها حلللللوة وملكة الحفلة

في الافراح والعزومات الكبيرة:

لبسيها فستان (منفوش)على قولتنا يوم كنا صغار كنا نمووووت فيها،

(وتكفين لاتحطين لها ولانقطة مكيااااج) احلى شئ في الاطفال يكونون على طبيعتهم

حطي لها مناكير او حناء(يازينها في يد البنوتات)

وما يمنع تسريحة حلوة مناسبة للاطفال

ولاتنسين تحصنينها في الصباح والمساء بالاذكار واذا حفظت الاذكارعوديها هي تقرأها على نفسها

——

اما في الطلعات او الرحلات العائلية

– لبسيها بنطلون افضل يكون جينز بنوتي عشان تأخذ راحتها في الحركة

كاب على راسها يحميها من الشمس ويكون بناتي

جزمة اوبوت مخصص للطلعات فقط

شنطة حلوة تحط فيها اغراض الرحلة اللي تحتاجها هي و ملابس عشان اذا تبللت ملابسها او اتسخت….

نظارة شمسية بناتية

اذا الرحلة بحرية خذي لها ملابس خفيفة و زاهية مع شبشب البحر

وفي الشتاء احرصي عليها من البرد ودوم لبسيها وقت الطلعات قبعة صوف مع ملحقاتها(قفاز-شراريب-ايشارب)غالبا تجي طقم مع بعض

وقت النوم

– لااااااااااااااازم تغير وتلبس بجامة

غرفتها –

خلي كل شئ فيها يحكي انها بنت (مفرش السرير-الدولاب – ساعة الحائط – صندوق الالعاب-الستارة-اللوحات )

– وما اقصد يكون كل شئ وردي لالالا،ولا اقصد شئ غالي ومكلف ، البساطة مع الاناقة والتنسيق احلى مليوووون مرة لمسات بسيطة منك تخلي غرفتها اررررروع من الرووووووووعة

مكتبة طفلتك :

حطي لها مكتبة في غرفتها وحطي فيها كتب وقصص مناسبة لعمرها وحببيها في القراءة والثقافة عشان تطلع مدلعة على سنع مو على فراااااغ وجهل

————–

مدرستها :

-اهتمي في لبسها ومريولها ونظافتها، خليها دوووم انيقة وشياكة ،غسلي شنطتها وجزمتها بين فترة والثانية وخلي ريحة النظافة تفوح من ملابسها
ترا بعض المعلمات حتى لو البنت شاطرة بس مبهذلة ما تعطيها وجه واللي يشوفون عناية امها فيها يعاملونها غييييير
-اسألي معلماتها عنها بين فترة والثانية واذا رحتي لمعلماتها لاتقولين / ساعدوا بنتي ترا هي مسكينة-و لا تقولين : اذا غلطت اضربوها لالالالا
بالعكس امدحيها قدامهم ،وقولي عمرنا ما مدينا يدنا عليها و اذا غلطت بشئ هذا رقمي بلغوني انا اتصرف معاها(طبعا لاتقولين ذا الكلام قدامها عشان ما تتمرد على معلماتها)وخليك متابعتها
قولي لها: المعلمة تمدح فيك وانا فخووورة فيك
قولي لها: لما دخلت فصلك كنتي زي الوردة

قبل ما تكملين القراءة
قومي شوي 000

احضني بنوتتك وبوسيها على خدها بحنان الامومة
حتى لو نايمة اعطيها مشاعر حلوة

ترا بهذي الطريقة نقوي الجهاز المناعي عند اطفالنا

متفرقات :

-علمي طفلتك الصلاة وكل ما بتروحي تصلي نادي عليها وخليها تصلي معك وعلميها بالأجر اللي ينتظرها

-علميها الاخلاق الحلوة الحميدة: الصدق و وعيها بعقوبة الكذاب-الامانة- الاخلاص -مساعدة الاخرين-الوفاء-الحشمة والستر 000000

واحلى صفة في البنات: الحياء فعلا كما قال حبيبي رسول الله صلى الله عليه وسلم (الحياء لا يأتي الا بخير)

-احكي لها حكايات وحاولي تكون قصص هادفة بطريق غير مباشرة واسأليها : ايش استفدنا من القصة؟؟؟

-علميها الصح من الغلط ، وعلميها الذوق، والاحترام ، والايتيكيت(امووووت في الاطفال المؤدبين مو الخجولين فيه فرق)

-عوديها تسلم على يدك ويد ابوها و تدعي لكم في صلاتها0

-عوديها تحترم الاقارب من اخوال واعمام وجد وجدة وتبوس راسهم ويدهم

-عوديها لى اداب الاكل والاسئذان –لاحظي اخطائها وصححيها بهدوء – ترا كثيير اطفال ينضربون ويتعاقبون ياااحرااام وما يدرون ايش الغلط اللي ارتكبوه ويستمرون عليه

-عوديها تعطف على اللي اصغر منها

-خليها بين فترة والثانية تتصدق على الفقراء من فلوسها عشان يرق قلبها وما تصير انانية

-اهديها بين فترة والثانية هدايا حلوة(وردة- بوك-دفتر وقلم-عطر طفولي-لعبة مناسبة)

-احترمي صديقاتها وحبيهم عشانها

– اذكري لها دائما ان البنت لازم تكون هادئة وناعمة

– حببيها في انوثتها ولا تفضلين اخوها عليها

-خليها تأخذ راحتها باللعب والرسم و شجعي مواهبها

-لما تجلس قدام المراية امدحي جمالها ولبسها وشياكتها

-احضنيها بين فترة والثانية (الطفل يحتاج الى 14 ضمة في اليوم

شاركيها في اللعب

-لوحي لها بيدك وهي طالعة من البيت وارسلي لها بوسة في الهواء وذكريها بأذكار الخروج

خليها لما تكبر تصير انثى بكل معنى الكلمة ناعمة وعطوفة ومشاعرها رقيقة …

مما راق لى
اتمنى الموضــــــوع عجبكم خليجية

يعطيج الف عافيه

موضوع يفتح النفس

وماعندي بنات جان طبقت عليهم

بس عندي بنات اختي وشكلهم مايحتاجون ماخذين الانوثه من خالتهم اللي هي انا

الله لايثمني جذبت جذبه عوده لووووول

سبحان الله وبحمده …. سبحان الله العظيم

الله خووووش موضوع يابعد روحي يابنيتي انا احرص على هالشي ابيها تطلع اميره ودلوعه وانيقه وشطاره على سنع مو خبال اهم شي بناتكم يا امهات والله خوشش موضوع وطبقوه حرف حرف وجزاج الله الف خير يارب

الله خوووووووووووش موضوع يعطيج العافيه

وايد حلو الموضوع تسلم الايادي

خوش موضوع فعلا كل شي قلتيه ضروري وللاسف بعضنا يغفل عنه جزاج الله خير

يعطيج العافيه

يعطيج العافيه والبنات مدلعين روحهم

واااايد حلو الموضوع …مشكوره حبيبتي وجزاج الله خير

مشكورة

مــــــوضـــــوعــــــج واااايـــــــــــــــد واااايــــــــــــــــد واااايـــــــــــــــــد حــــلــــــــــو
يـــعـــــــطــــــيـــــج الــــعــــــافــــيــــه حــــبــيـــبــتـــي

مشكوووره حبيبتي على الموضوع الرائع

ان شاءالله اطبقه على بنوتي بس تكبر شوي

يعطيج العافيه

لديكـ بنوته ايقظي الانوثة بداخلها — مهم لكل آمـ

اترك تعليقاً إلغاء الرد