عربانة الأطفال

السلام عليكم ورحمة الله وبركاته

بشتري عربانه ومحتاره في أنواع واايد مادري شنو أختار وعمر البيبي 4 شهور ، فيدونا من خبراتكم ..
بالمحلات ، وبأنواع العربانات وبأسعارهم .

شكرا

ناطرة تجاربكم

حبيبتي جربت مذركير و جونيورز
مذركير غلي
وجونيورز أسعاره معقوله ومناسبه للكل
اثنيناتهم حلوين ويقعدون معاج عمر

انا والله اذا عجبتني عرابنه بأي مكان اخذهاا مره اخذت ام 2 من ستي سنتر بس حسافه الحين ما اييبون منهااا ملوووت مذركير غالين شدعوه عليهم ذهب ترا كلهاا عربانه

انا لقيت بماماز وباباز توصل 300 و 400 و150 شدعوة؟؟

اختي اول شي لازم البيبي يقعد عدل
تالي حطيه بالعربانه عشان لما يقعد
عظلات الظهر تكون قويه و يكون مستعد للوقفه

سنتر بوينت اسعارهم حلوه واشكالهم احلا
عندج ماماز ومذر كير حلوين بس غالي ومايستاهل
نصيحه لا تاخذين كبييره اخذي خفيفه تصير كرسي وسرير عشان تقعد عندج فتره اطول

انا خذت من مذركير اسمها spin

قوة اختي الفاضله

نصيحه نصيحه نصيحه مني لج اخذيها من اخت

العربانه كله فتره وتنقط لانه عقبها بتاخذين العربانه العمليه اللي تتصفط مالت مذركير بو عشرين دينار واهي تهبل

شوفي اشتري من مذركير اللي مسوين عليهم عرض اذا كثرت كثرت بو 65 اهي ينام فيها الياهل واهي مالت القعده ولي عمر كبير وسهله وخفيفه وتسكيرتها يعني وسط.

اما ماما اند بابز تلوع الجبد وثقيله وتيب المرض واسعارها نار علي بلوشي يعني كل واحد يتمنظر انه سهرها جذي وهي بلوشي

والله اخوي يابلي عربانه والله علي اميه من بابا اند ماما وتحسفت فيها تلوع الجبد وشكبرها والله حرام قطيتها ماجيسها

احلا شي ملوت مذركير الي يتصفطون بالطول وايد زينين من الاشهر ليه 3 سنين وحق كل مكان وسفر
انا اخذ منهم كل ما يكسرون وحده بالشحن والسفرات ارد اشتري تكد وسعرها بحدود 80 واو اقل الي ايون
الوان بنفسجي احمر برتقالي وتايقر
الخفاف كلش مايسوون وضعيه وحده ماتتغير ماتفيد ومو مريحه
الكبار والي فيه من جدامم مثل المسكه ويتصفطون بصيرون بالعرض مربع واايد ثقال علا الفاضي وياخذون وايد تخزين
وغلايا فوق 100 ليه 300 حده مايسوا

انا ما عندي خبرة وايد بالعربانات بس الصراحة حتى 60 وايد عليها كلها عربانة

انا خذيت وحدة من سنتر بوينت وقت التنزيلات من قبل 3 سنين حق بنتي وكاهي اشزينها قاعدة استخدمها حق ولدي

وسعرها يمكن 34 او 24 ما اذكر بس سعرها معقول وتكد

*

سنتر بوينت رخاص وكد ومد … اخذي اللي يقدر ينام فيها
وهم تصير قعده …

وعندج سيتي سنتر بعد …

كلها فتره و تنقط …

اهم شي راحت البيبي لما يقعد او ينام فيها
ليش اخذ الرخيص على حساب بنتي
تعور ظهرها اسم الله عليها

انا خذيتلها من مذركير عربانه وايي معاها كرسي السياره
ويتركب الكرسي على العربانه
يصير جنه فراش حق النيو بيبي من عمر شهرين تقريبا تهبل
والعربانه بروحها فيها اكثر من وضعيه وشكلها قويه
انا ليلحين ماستخدمتها بنتي توها مكمله شهر اسم الله عليها

خذيتها ب 100 وشوي جم دينار ماذكر
بس انا عندي خصم الشايع
تقريبا اطلعت ب 90 الا

انا اشتريت من سنتر بوينت
مررره حلوه
عربانه ومعاها كرسي السياره
عشان لمن ننزل من السياره
ناخذ الكرسي ونركبه علئ العربانه
ورخيصه وحلوه ومريحه للبيبي
اخذتها في الدسكاون
ب 450ريال
وبعد الدسكاون صارت
700