عطورات الأطفال وخصوصاً البيبيات

السلام عليكم
أمهات كويتيات بغيت أعرف بشنو تعطرون أطفالكم؟
لا تقولون لي كلونيا جونسون ماااااااااااااااااحب ريحتها كلش
آنا أحب ريحة باودر جونسون بس أخاف على ولدي لأنها تسبب حساسية للصدر

ناطره ردودكم الحلوه

والله انا احط لبنتي كلونيا بيبي جونسن الزرقة او كلونيا سارة موجودة بالجمعيات

ومرات دهن عود

انا احط حق ولدي كلونيه ساره الورديه وهم شاريه من الشايع دهن عود خاص للاطفال يهبل اعيز واقول خنين يعني احط نتفه كلونيا ساره الورديه ونتفه دهن عود الشايع روعه تحسين ريحه نظافه وكل اللي يبوسه يسألني شنو عطر ولدج جربيه ان شالله يعجبج

شكلي بجرب دهن عود الشايع

انا احطله جونسن الاخضر

انا عندي دهن عود يهبل ماخذته من المرشود بس ابي عطورات يومية
شكلي بجرب كلونيا ساره بروح أدورها بجمعيتنا

مشكوورين بنات على تفاعلكم
وعسى الله يخليكم ويخلي لكم بيبياتكم

انا استعمل حق بنتي عطر بولغاري مال اطفال يهبل وريحته حلوه حق اليهال شاريته من فافافوم

وناسه اكو دهن عود للاطفال بروح اشتريه

عطر بولغاري عجيب جربيه

انا استخدم لبنتي حبيبتي الله يحفظها و يخليها لي ان شاء الله

عطور اطفال مثل عطر هلوو كاتي و استخدم كلونيا جونسون

اخذت من عضوه معانا في المنتدى عطور جونسون تهبل و تينن

احط مسك القرشي الابيض وااايد حلو

حبيبتي في عطورات خاصه حق الاطفال مثل باربي وتويتي وميكي وايد حلوين تلقينهم عند الشايع

فيه وجوه عنده عطورات اطفال بس انا الحين اجهز الله يهون علي يارب وماعجبني صراحه الا عطر ماركة جاكادي باريس وردي فاتح مو الغامق ورح يعجبك صدقيني

اذا ولدج في حساسيه اخذيله عطر بربري بدون كحول بارد و خفيف

انا احط دهن عود وخفيف بعد او المسك الابيض من القرشي

فى كلونيه من الشايع

و عندج بولقاري و بربري عندهم كلونيات حق اطفال وايد حلوه..

و همن فروت اند باشن عندهم حق اطفال