مشكلة ولدي والتهاب الحفاظات

السلام عليكم

انا ولدي عمره شهر ونص ومن يوم كان عمره 12 يوم صار فيه التهاب بمنطقة الحفاظة وديته المستوصف مرتين ووديته حق بوحمرا والفوزان على اساس مشكلة جلدية ماكو فايدة ، المنطقة صايرة حمرا ومتقرحة وبعض المرات يطلع دم ، اليوم وديته حق الدكتور مازن العيسى وقال نفس الكلام انه البيبي يخرج وايد والننطقة ما تنشف يحتاج تهوية وقال استخدم ميبو وسودو كريم وكريم ثالث وقاعدة استخدم الصراويل الفوطة اللي من نايلون عشان اتهوا المنطقة بس للحين ما شفت نتيجة ، منو صار حق عيالها نفسي واشلون عالجتهم ، نسيت اقول اني ارضع طبيعي

استخدمي حفاظه قطن اذا كان النوع اللي تستخدمينه نايلون
ولازم كل يوم تخلين الياهل من غير حفاضه لمده ربع ساعه عشان تتهوى المنطقه
والحين استخدمي درابولين للمنطقه عجيب راح يوخر الاحمرار كله
واهم شي اذا كنتي تستخدمين مناديل جونسون او اي مناديل معطره وخري عنهم
ودايما لما تبدلينه اغسليه بماي وصابون خاص للاطفال*

انا دايما اغسله بس بماي ومرة وحدة باليوم استخدم الصابون والحفاظات استخدم موني او هجيز او لبيرو وبالنسبة حق التهوية انا مع كل تبديل اخليه خمس دقايق او اكثر

يمكن من نوع الحفاظ انا بنتي كانت جذي على الطول فيها احمرار وبس غيرت نوع الحفاظ خف عنها كنت استعملها بامبرز الحين

استعملها دارلنق احسها ارتاحت عليه اكثر

يمكن الحفاظ ما يناسب جسمه جربي تغيرين الحفاظ
وفي كريم اسمه باندريم صراحه هذا أسميه الساحر
يوخر الإحمرار بسرعه والتسلخات جربته مع بنتي
صراحه *** .

وفي طب شعبي طين خاوه يذوب على النار ولما يذوب تزيدينه شوي
ماي لما يصير كريم وتدهين المنطقه المصابه هذي خلطة خالتي تستخدمها لليهال
عن نفسي ما جربتها

شوفي حبيبتي مافي اكثر من بنتي صادتها هالحساسية
وليلحين اسم الله عليها مب مفتكه من هالحساسية
صرت اشتري لها من سنتر بوينت الهافات او انتو تسمونهم صراويل
اللي داخلهم نايلون وعقب مايخرج ولدج لبسيه على الاقل ساعه
خليه يرتاح من البامبرس ومع استخدام الكريمات
وان شاءالله ماعليه الا العافيه

حبيبتي ابني كان نفس الموضوع بالعكس الماي تزود الموضوع نشفيله بمناديل جونسون هي مو معطره بالعكس فيها كريم مرطب وبعدين مره حطي زيت اطفال جونسون ومره سودو كريم بظرف ثلاث ايام انشاء الله بتشوفين خير ولي ريح ابني بامبرز الابيض الجديد كلو قطن في قطن هو اغلى شوي من البامبرز العادي بس انا ما استخسر بابن شي والحمدلله راح منه الالتهاب ولما تحممي ابنك نشفي المنطق زين من الماي وبعد ما يتحمم حطي فازلين بيدك ودعكي كل المنطقه والله اسمعي نصيحتي انا هيك ابني راج منو الالتهاب وما تشوفين شر

حبيبتي غيري الحفاظة وشوفيلج نوع يكون قطن ولا تستخدميله سروال نايلون لأن يزيد الحساسية وخلج على السودوكريم وايد زين ودايما تأكدي ان المنطقة ناشفة بعد ماتغيريله جففيها عدل ورطبي المنطقة بالكريم وإن شاءالله ماعليه إلا العافية

شلون اتنظفينه ؟
أكيد بالمناديل او قطن وماي !!

شوفي كل تغيير بامبرز لازم اتغسلينه بماااي
يعني غسال بالحنفية ومرتين باليوم سائل صابون طبي من الصيدلية
ناسيه اسمه والحين انا بالدوام بس لونه برتقالي وبدايته aust
خوووش غسول ليلحين استخدمة حق عيالي
دكتور هندي برويال حياة اوصفه لي
ولا اتحطين كريمات ولا شي او بس سودو
جربي وبتشوفين الفرق ان شالله

لفيت عياده عياده دكتور دكتور كريم كريم زنقه زنقه لووووول تعبت من بنتي اخر شي واحسن شي وافضل شي كريم من الصيدليه اسمه (كانستن) عصاره خالي من الكورتيزون العلبه بيضا عليه كتابه بالحمر العنابي

وحده بوحده

بنتي دوختني عزج الله دايم اسهال والمنطقه حمراااا تصير نفس البقع يطلع فيها ماي ودم حرام

خذيه وادعي لي وبلغيني خاص اذا مشى معاج هالكريم

غسليييه بغسووول abc تلقييينه بالصيدليات

وحطيييله مرهم بيبانثين

وانشالله يخف ويروح منه

الحين انا قاعدة استخدم هالطريقة

الحين قاعدة استخدم سودو كريم بس ما اقدر استخدم المناديل لانها ما تنظف عدل انا اغسله وانشفه بالفوطة بعديم بكلنكس واخليه مكشف خمس دقايق او اكثر بعدين البسه

انا احط شاش بالحفاظة وبالبيت البسه صراويل اللي من داخل فوطة ومن برا نايلون واستخدم سودو كريم و ميبو و كانستين مع كل تبديل نوع هذا حسب علاج الدكتور مازن العيسى