|
السلام عليكم ورحمة الله وبركاته
شخباركم عضواتنه الحلوين وشلون عيالكم ربي يحفظهم
يايتكم اليوم بمسابقه حلوه وشيقه لعيالنه الحلوين
بما انه قربت الاجازه ومابقى شي على الامتحانات وتخلص
وطبعا في يهال مازالوا يمتحنون وفي يهال خلصوا الحمدلله
عسى ربي يوفقهم ويرزقهم اعلى الدرجات
طبعا العطله بتبدي
وتبدي معاها اللويه والملل والحنه من عيالنه هههه
خصوصا الامهات الموظفات
ففكرت بفكره حلوه لعيالنه انه نشغلهم
ونحطهم بتنافس مع اليهال الثانين الي بالنت
وهذا موضوع مسابقتي
" الفنان الصغير "
نبي الاطفال يقعدون ويرسمولنه اجمل واحلى رسمه
ويلونها ودزلنه اياه العضوه على الخاص وبعدين
راح نزل تصويت لها باجمل رسمه
الشروط
1- الفئات العمريه
الفئه الاولى
(5-6-7) سنوات
الفئه الثانيه
(8-9-10)
الفئه الثالثه
(11-12-13)
2- مدة الرسم 15 يوم ابتاءا من اليوم
21-1-2011
الى
4-2-2011
3- استلام الروسومات 3 ايام فقط والي تخلص رسمتها عادي
دزها اي وقت
الاستلام على الخاص ويمنع عرض الرسمه على العام ابدا
وقت الاستلام 5-2-2011 على الخاص الى
8-2-2011
4- البيانات
*الاسم العضوه كما هو مسجل بالمنتدى
*الاسم الطفل او الطفله ( اختياري ) <<ممكن بنك نيم امه
* العمر
*المرحله الدراسيه
* الفئه العمريه ( يعني الفئه الاول الثانيه الثالثه )
5- بعد تجميع الرسومات راح انزل موضوع منفصل
تصويت على اجمل رسمه من عضوات المنتدى
وبعدين راح نحدد الفايز الاول والثاني والثالث
وراح تكون فيها جوائز معنويه للفايزين باسمائهم
6- يمنع منعا باتا مساعدة الطفل او الرسم عنه ابدا
7- موضوعات مقترحه للرسومات
* عالم البحار
*حديقة الحيوان
* عائلتي
* الحديقه
*احتفالات 25 و26 فبراير
*منزلي الجميل
8- للي عندها اكثر من طفل مافي مشكله عادي اثنينهم
يشتركون بالمسابقه
9- اتمنى الطفل اهو الي يختار الموضوع الي راح يرسمه
لانه اكيد بكون محبب له وراح يبدع فيييه
ان شاء الله عجبتكم فكرة الموضوع واتمنى من الكل يشارك
فيها
ماشالله خوووش مسابقه
إن شاءالله يصير تفااعل
وبالتووفيق ياقلبي
عندي بنتي ماشاء الله عليها فنانه بالرسم
بس انا فتره نفاس اشوف اكلمها وآدزلج ع الخاص ُ
\
وام الغالين
حياكم حبيباتي ماقصرتوا
عيالي يحبوون هالسوالف
حياج الله
فكره وايد حلوه ويت بوقتها 0
الله يعطيج العافيه زجووول انا بشترك معاج بس تخلص بنتي الامتحانات 0
بس لي مانزلتي بعد بالاعمار ههههههه في ابداعات وشخابيط لاقل من 5 سنيين
بس حسااافه بنتي عمرها سنتين
ا
ان شاءالله نشارك بالاجزاء اليايه
يصير بنت اختي ؟
ولدي عمره تقريبا 3شهور مايصير يشارك لوووول
الله يوفق الجميع
المساابقة واااااااايد حلوة
وانشالله بخلي اختي من الفئة الثانية تشارك لانها تحب الرسم
وبشوف اخوي من الفئة الثالثة اذا حاب يشارك
ويعطيج العافية زاجل
بس عندي سؤال شلون طريقة ارسال الرسمة ؟؟ يعني ترسمها ببرنامج الرسام
ولا بورقة عادية واصورها وادزها ؟؟
وعليكم السلام ورحمة الله وبركاته 00
فكره وايد حلوه ويت بوقتها 0 الله يعطيج العافيه زجووول انا بشترك معاج بس تخلص بنتي الامتحانات 0 |
عيونج الحلوه ناطري المشاركه الله يوفقها يارب
خووش فكره والله يوفق الجمييييييييع
بس لي مانزلتي بعد بالاعمار ههههههه في ابداعات وشخابيط لاقل من 5 سنيين |
اميييييييييييين يارب فديت الحلوين والله يشاخبطون هههه
وناااااااسه خوووووش فكره تهبل
بس حسااافه بنتي عمرها سنتين يصير بنت اختي ؟ |
بعد قلبي اي يصير تشارك حياها الله
وناااااااااسه خووش مسابقه
ولدي عمره تقريبا 3شهور مايصير يشارك لوووول الله يوفق الجميع |
هههههههه يحلاته والله
هلا وغلا سارونه لا ترسمها على ورقه مو الكل يعرف للرسام
وتصورينها ودزينها لي على الخاس
بعد قلبي مشكوره وايد
السلام عليكم حبيباتي وحياكم الله
بالنسبه الي ماعندها عيال من الفئات العمريه
يصير تخلين اختج اخوج ولد اختج او اخوج بنت اختج او اخوج او اي احد من العايله
تمونين عليه وتحسين راح يستانس انه رسمته تنزل بالنت
طريقه الرسم للي محتارين شلون
ترسم على ورقه بالالوان الي تحبها وترتاح لها
تالي تقومين وتصورين الرسمه صوره واضحه
ودزينها لي على الخاص
ويالله حدي مشتوقه لرسمات عيالكم
استفسارات:
بصير يشترك بكذا رسمه ؟؟
والله بكتبلك الرد وابني جاب العده قال بدو يتدرب ههههههههه لقيت شي يشغله موااااااااااااه