|
|
السلام عليكم حبيباتى كويتيات
بدخل بالموضوع على طول
عندى 3 عيال أعمارهم 5 و 3 وسنة
والله يا بنات بدون مبالغة من عيد الأضحى وهم مرضى حرارة والتهاب لوز واذن وكحة
يطيبون ويردون يمرضون
وكله حرارة تطلع وتنزل
نفتح علبة مضاد ما يمديها اتخلص الا نفتح اللى وراها الحمد لله على كل حال يارب
والله ما أدرى شسالفة
مع انى مهتمة فيهم حيييييييييييل
بس ما أدرى ليش جذى
يوم وديتهم الطبيب يقول مو بس عيالج الكل طايح
معقولة نفس عيالى
عاد انا اموت من الخوف من الحرارة
واتلاقونى مستنفرة وما أقدر أغمض عيونى دقيقة
شسوى ساعدونى
وشنو أحسن خافض حرارة
لا اتطولون على
ناطرة ردودكم
انا اكلمج الحين وانا بالاميري سادحين ولدي اليوم له سادس
الجناح ثلاث ارباعه حراره واصدورهم
الغرف مكدسه
مايمديهم يرخصون احد الايابوا بداله بنفس الساعه
الجو صاير يمرض
انتي بس عليج بالتغذيه العدله المفيده ولا اطلعينهم يلفحهم الهوى البارد ولا ادفينهم زياده عن اللزوم
وعليج بالعسل على الريج والحليب الدافي بالليل يدفي اصدورهم ووخري عن البارد كلش
وعليه عليم اليهال مايتحملون الله يعينهم يشافيهم يارب
اي مو بس عيالج 
أمس لحد اربع الفجر انزل بحرارة ولدي الوسطاني ما صارلي 5 ايام مخلصة مضد حيوي اذنه ملتهبة امس بديت مضاد مره ثانية اومنسيف
الللللله المستعان
ام حيدر ربى يشفى عيالج وعيالى وعيال المسلمين يارب
وااى الجو صاير كله مرض
الله يستر
عاد الحرارة تخوف تسوى اللهم يا كافى سحايا وصمم وشلل ربى يحفظ عيالنا وعيال المسلمين
انزين شنو الخافض اللى تستخدمونه ؟
الله يشافي عيالنا يااااارب والحين الحمدالله ياربي تعافو يعني عشنا عذاب بس يالله لك الحمد على كل حال
فترة وتعدي يعمري وعسى الله يقومهم بالسلامه لج
بس ما رديتوا على
شنو الخافض اللى تستخدمونه ؟
كأنكم تتكلمون عني
أنا ولدي 3 أسابيع خلص 3 غراش مضاد
ولي الحين الحرارة ترتفع وتنزل ،،، االدكتور يقول فايروس وهذه المرة ما عطاني مضاد قال خلاص يروح بروحه ،،، أنا كاسر خاطري ولدي أمس وديته الروضة وهو مسخن ما قدرت أسوي شي
بس عطيته تحميلة ووديته ومعاناتي الثانية معاه أن ما يرضى ياكل ،،، والله تعبت أنا أصلا ناوية أنزل موضوع عن معاناتي معاه في الاكل الصبح يروح الروضة بدون فطور ،،،ويرجع الظهر مو ماكل السانوتش
طولت عليكم
خافض الحرارة تحاميل بانادول 250 مل لان ساعات اذا عطيناه عن طريق الفم يرجع
أو نعطيه أدول شراب 5 مل واذا كانت مرتفعة واجد فوق ال38.5 نعطيه بروفين والله أحسن شي لتنزيل الحرارة
وارش كولونيا تحت الاباط تخفف الحرارة
ولا تنسين الكمادات
والفكس دهني ريله ولبسيه دلاقات
ونصيحة سكرو الدفايات وخلكم عادي
عشان الياهل لا يكون حار ويلفحه الهوا يستبرد
انا ما احط دافيات والبس عيالي ثقيل في البيت وبرة
وهم لا تنسون الجو يمرض والعدوى سهلة خففو تجمعاتكم هالجم يوم
الله يشفي عيالكم
والله تعبنا
عليكم بالعسل قفشه على الريج اتذوينها ماي ايقوي المناعه
واللزقات ملوت الحرارة تنحط تحت الاباط
وتدهنين الجسم بماي وخل
او دلاغات نقعيهم همن ماي وخل
ترا يحبس الحراره بالجسم ومايخليها تنزل
اللكحه استخدمي شراب اللبلاب من الصيدليه اينن
او مغلي اوراق الجوافه اخذيهم من المشاتل او الحواي اغليهم وصفيهم وشربي عيالج
او عسل مع زنجبيل
للحراره استمري على التحاميل والكمادات
ومايشوفون شر
مشكورين بنات على ردودكم وتفاعلكم
ومشكورة كوكى ان شاء الله باخذ الدوا مال الكحة من الصيدلية وربج كريم
ربى يشفى عيالنا ياااارب عاجلا غير آجل وعيال المسلمين