|
السلام عليكم
شلونكم بنات
الموضوع باين من عنوانة
بنتي يبتها من الخدج يعني قبل اوانها
الحين كملت السنة
وتووووووووووووووة امس الفير شفت ضرسها
بس من فوق مو من تحت
الي مخوفني كل ما اقول حق احد قالولي وين فوق والا تحت
ومن اول اسمع ان مو زين من فوق له علاقة بالرزق انها مو مرزوقة
اليوم قلت حق خالتي تقولي لوطالع لها من تحت احسن!!!!
قتلها ليش تقول تقول من تحت طوالة عمر
مع العلم ان امي تقول ان انا طلع لي ضرس من فوق
ضيق خلقي كلامهم انتو سمعتو جذي؟؟؟؟
والا عادي التسنين فوق تحت نفس الشي
خلوني اوسوس وانا كنت حدي مستانسة بضرس بنتي لانها طولت
ربي مقسم الارزاق .. وكاتب الآجل
عسى الله يحفظها لج ومالع علاقه بأي شي ,, انا ولدي الوسطي جذيه
ولادته كانت كامله وعادي الحين عمره 9 ربي يسلمه من كل امر
استغفري ربج لا توسوسين .. ولا خليها تكمل تسنينها بتلاقين بعد مدة الضرسين الي تحت شقوا وطلعوااا ..
يعني على قولت الحريم ستري عليها ههههههههههههههه
انا ولدي طلعوا 3 مع بعض فوق و 2 تحت .. و الله لا يوريج العوار و الحرارة الي حاشته .. مسكين راح فيها
ماعليج انا عيالي اول شي يطلعلهم من فوق
ماله شغل بالرزق الرزق على الله مو على الضرس !!
وانتي متأثره وخايفه؟؟؟؟
هذه كللللللللللها خرابي وخرافات مو زين يا قلبي
لا تصدقينهم واذا احد سالج وقالج جذي
قوليلها ربي الرزاق يرزقها
هالسوالف سوالف ملوت اول يخربطون واحد فيهم يقوله حجوة والباجي يصدقونه
ماعليج منهم ياقلبي
ماعليج من سوالف الناس وخاصه الحريم سوالفهم سوالف
عندكم على الرزق احنا يقولون الله يعينكم راسه ياااااااااابس وبيصير شيطوووون
شنو الرزق بالضرس؟
الرازق ربج من عالي سماه مو بضرسها
استانسي بضرس بنتج وكتي نون عليها وان شاء الله اتشوفينها دكتورة اسنان
انا واحد من عيالي طلع له ضرس عالجنب قبل اي ضرس ثاني …
و بالعكس يقولون ذكاء اللي يطلع له من فوق
لاتحاتين ترا الموضوع مو مهم لهالدرجه
الحمدلله اللي الله طلعت ضروسها و بس ..
و ماله داعي تسوين اعلانات ان طلع لها ضرس …
ترا بنتج من الخدج يعني نموها مو كامل مثل اللي على 9 اشهر عرفتي داري عليها حبيبتي و ما فيه الا العافيه
الارزاق والاعمار بيد الرحمن ماحد يطلع عليها ولا لها شغل لابضرس
ولا باي شي
بالعكس انا اعرف وايد طلعوا ضرس الي فوق قبل الي تحت مو مشكله ابدا
اصلا الي فوق والي تحت مافي فرق بينهم اهما المفروض يطلعون بنفس الوقت
فماعليه لو طلع الي فوق قبل الي تحت لاتحاتين ابدا
الله يخليها لج وتفرحين فيها يارب
وخلج من كلام اهلنه اول كله خرافات ومبني على روايات واساطير قديمه ههههه