|
|
خواتى انا ام بجريه واول مره بمر على الشتا مع عيالى الله يحفظهم
ومو عارفه شنو اشترى جسوة الشتا؟؟
انا حاطه فى بالى ما ابى اكثر واااايد لان تدرون الشتا جم شهر وعقب ماراح يستفيدون فيهم بشى
صح وله انا غلط ؟؟؟
اهم الحين اسم الله عليهم بداية الحبى يعنى ما مشوا للحين
اخ> تبانات جم طويل وله اخ>هم حفر واكتفى بالبجايم الثقيله ؟؟؟
مادرى مادرى فيدونى شنو اشترى 
اقصد جسوة الشتا هههههه
مشكوره اختى بودره
وجاكيتات عن البرد و المطر وبدل للطلعه واي شي حلو بالسوق خذيه
روحي مذركير وh&m وسنتربوينت
احل شي حق اليهال
شوفي ياقلبي بالنسبه لي بيتي دافي حتى بالشتا ماشاء الله فاكتفي بالبجايم القطن بس تحتهم تكون الفنايل
الي جم طويل
وبالطلعه مااكثر ملابس لانه الشتا شهر ويخلص فاخذيلج 4 بدل انا احب البس صبياني ترينق بالشتا اول شي دافي
ثاني شي عملي وثالث شي لو لبسته تحته هاينك او اندر وير مايتقيد لانه حيل عملي
واهم شي الكبابيس لانه لو الجو بارد بالنسبه لليهال لازم دفين راسهم واذونهم
عيالي مالبسهم وايد لانه محرارين حيل
والتبانات اخذي 3 بوجم طويل مو اكثر لانه مرات يكون دفا مو مال تكود على اليهال هم الدفا الزايد يمرض 
اقل لفحة هوا واي سؤال انا حاضر من هالعيون @@
اندروير قطن فيه بهاينك وفيه العادي وتلقينهم بالاسواق الشعبيه
وهم فيه تبانات جم طويل .. ينفعون
بجايم البيت :: اوفورولات مخمل او خام ثقيل شوي حسب الجو داخل البيت او بجايم دافيه
للطلعه :: انا افضل الافرول الكامل اللي اهو يعتبر بدله
هذا شكله
والله يحفظ عيالج ويخليهم
حبيبتى خلى اللبس اللي برا اهو الثقيل والداخلى نص كم
|
المشاركة الأصلية كتبت بواسطة @ دهن العود @
 الله ياكبر البدليه بالعنوان ههههههههههههه
اقصد جسوة الشتا هههههه مشكوره اختى بودره |
عدلته لج ولا يهمج
انا اولماشفته استغربت من العنوان مافهمته
تالي دشيت جان استوعب
اخذت لها من h&mوايد شغلات منزلين جاكيتات صوف ثقال اتينن ويشوووقوون
اخذت لها بنطرونين جينز بلونين ازرق والثاني رمادي
وتي شرتات جم طويل ملونين ينلبسون تحت النفانيف وتحت الجاكيتات مع الجينز
وبعد نفانيف حلوين حق لزوارات
وهم غاب منزل سوالف اتينن حق البنات نقانيف تريكو الضيجه وجاكيتات حلووين هم اخذت لها منه
واخذت لها من ماركس سبنسر نفانيف حياكه حلوين ومعاهم هيلوهبات نفس نقشة النفنوف
والاشياء المميزنه الي شفتها
الكابات الحياكه من h&m حلوووين اشكالهم
جواتي البنات بعد عندهم وايد خلوين للبيت ودافين
دلاقاتهم حلوين واشكال تشووق
واخذت حق بنتي 17 دلاق بطلعه وحده
ونكست منزل هيلوهبات حلوووين واشكال غريبه ونقشات ورسمات
بس محتاره من وين اخذ لها ملابس داخليه الاندر وير الابيض الي يدفي ؟؟
وباقيلي بجايم دافيه لها بروح اخذ لها من سنتر بوينت
اولا : الملابس الداخليه
خذيت لها ملابس داخليه من ماركس اند سبنسر وايد نوعيتهم جيده خذيت لها 2 واحد حق البيت وواحد حق الجنطه كل جيس في 5 حبات تقريبا
وخذيت لها ملابس داخليه جم طويل بالحبات من سنتر بوينت هم جيدين
وهاي نك خذيت لها 5 شي من سنتر بوينت وشي ام يابتهم لي مادري من وين
ثانيا : ملابس الطلعه
– خذيت لها بنطلونات جنز ومخمل من نكست ومذركير بس ملوت نكست احلى البنطلونات ( واحد جينز والباقي ملونين واهم لون عند البنات الوردي فخذيت لها واحد وردي وواحد فوشي وواحد احمر والالوان الشتويه هذي
– تيشرتات جم طويل لقيتهم ب ikks حلوين واشكالهم غريبه
– جاكيتات خذيت لها واحد صوف من h & m وواحد اللي جنه افرول
– جاكيت عادي خذيته من محل بالكوت فوق نسيت اسمه
رابعا : ملابس البيت افرولات قطن 3 فرولات مخمل 3 وتريننقات 3 خذيت شي من سنتر بوينت ورخاص على 3 ونص والقطن من مذركير اللي يكونون 3 بجيس والتريننقات هم امي يابتهم اتوقع من النصر
الاشياء البيسك ( كبوس صوف مبطن ودسوس من h & m ) هيلهوبات من نكست وسنتر بوينت بس ملوت نكست احلى وخذيت لها كبوس قطن حياكه شكله جنه شتوي بس هو قطن حق الاماكن الداخليه لان الصوف يخلي الراس يعرق وهذا بروحه شي موزين
اي وشريت لها جواتي صوف ومخمل حق البيت من سوق شعبي الوانهم مو حلوه بس عشان تدفي خذيتهم للان بنتي على طول بالدراي والسيراميك بارد
– اتمنا اكون فدتج
1- بجايم عادية اذا شقتج دافية او بجايم ثقيلة اذا شقتج باردة
2 ترنقات حق الطلعات الخفيفة جمعية مستوصف
3 -بدلات طلعة
4- جاكيت واحد خفيف حق البرد الخفيف وواحد ثقيل حق البرد القارص
5 دلاقات
6 جواتي خفيفة حق الطلعة